9. සනිදස්සන දුකං
අනිදස්සන ධම්මං පටිච්ච අනිදස්සනො ධම්මො උප්පජ්ජති හෙතුපච්චයා, අනිදස්සනං එකං ඛන්ධං පටිච්ච තයො ඛන්ධා, අනිදස්සනං චිත්තසමුට්ඨානඤ්ච රූපං, ද්වෙ-. පටිසන්ධික්ඛණෙ අනිදස්සනං එකං ඛන්ධං පටිච්ච තයො ඛන්ධා-. අනිදස්සනං කටත්තා ච රූපං-. ද්වෙ, ඛන්ධෙ පටිච්ච වත්ථු, වත්ථුං පටිච්ච ඛන්ධා-. එකං මහාභූතං-. මහාභූතෙ පටිච්ච අනිදස්සනං චිත්තසමු-. කටත්තා-. උපාදා-. අනිදස්සනං ධම්මං පටිච්ච සනිදස්සනො හෙතු-. අනිදස්සනෙ-. ඛන්ධෙ පටිච්ච සනිදස්සනං චිත්තසමුට්ඨානං රූපං, පටිසන්ධික්ඛණෙ මහාභූතෙ පටිච්ච සනිදස්සනං චිත්තසමු-. කටත්තා-. උපාදා-. අනිදස්සනං සනිදස්සනො ච අනිදස්සනො ච. - හෙතු-. අනිදස්සනං එකං ඛන්ධං පටිච්ච තයො-. ඛන්ධා, සනිදස්සනඤ්ච අනිදස්සනඤ්ච චිත්තසමු-. ද්වෙ-. පටිසන්ධි-. මහාභූතෙ පටිච්ච සනිදස්සනඤ්ච අනිදස්සනඤ්ච චිත්තසමු-. කටත්තා-. උපාදා-.
අනිදස්සනං, අනිදස්සනො ආරම්මණපච්ච-. අනිදස්සනං එකං ඛන්ධං පටිච්ච තයො ඛන්ධා, ද්වෙ-. පටිසන්ධික්ඛණෙ වත්ථුං පටිච්ච ඛන්ධා, අනිදස්සනං අනිදස්සනො අධිපති-. අනිදස්සනං එකං ඛන්ධං පටිච්ච තයො ඛන්ධා, අනිදස්සනං චිත්තසමුට්ඨානඤ්ච රූපං, ද්වෙ-. එකං මහාභූතං පටිච්ච තයො මහාභූතා, ද්වෙ-. මහාභූතෙ පටිච්ච අනිදස්සනං චිත්තසමු-. උපාදා-. අනිදස්සනං-. සනිදස්සනො අධිපති-. අනිදස්සනෙ ඛන්ධෙ පටිච්ච සනිදස්සනං චිත්තසමු-. මහාභූතෙ පටිච්ච
සනිදස්සනං චිත්තසමු-. උපාදා-. අනිදස්සනං ධම්මං-. සනිදස්සනො ච අනිදස්සනො ච අධිපති-. අනිදස්සනං එකං ඛන්ධං පටිච්ච තයො ඛන්ධා, සනිදස්සනඤ්ච අනිදස්සනඤ්ච චිත්තසමු-. ද්වෙ, ඛන්ධා-. මහාභූතෙ පටිච්ච සනිදස්සනඤ්ච අනිදස්සනඤ්ච චිත්තසමු-. උපාදා-. (සංඛිත්තං.) (සබ්බෙ කාතබ්බා.)
හෙතුයා තීණි, ආරම්මණෙ එකං, අධිපතියා තීණි, අනන්තරෙ එකං, සමනන්තරෙ එකං, සහජාතෙ තීණි, අඤ්ඤමඤ්ඤෙ එකං, නිස්සයෙ තීණි, උපනිස්සයෙ එකං, පුරෙජාතෙ එකං, ආසෙවනෙ එකං, කම්මෙ තීණි, විපාකෙ තීණි, සබ්බත්ථ තීණි, සම්පයුත්තෙ එකං, විප්පයුත්තෙ තීණි, අත්ථියා තීණි, නත්ථියා එකං, විගතෙ එකං, අවිගතෙ තීණි, (එවං ගණෙතබ්බං.)
අනුලොමං.
අනිදස්සනං ධම්මං-. අනිදස්සනො-. න හෙතුපච්චයා, අහෙතුකං අනිදස්සනං එකං ඛන්ධං පටිච්ච තයො ඛන්ධා, අනිදස්සනං චිත්තසමුට්ඨානඤ්ච රූපං-. ද්වෙ-. අහෙතුක පටිසන්ධික්ඛණෙ ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං-. මහාභූතෙ පටිච්ච අනිදස්සනං චිත්තසමුට්ඨානං-. කටත්තා-. උපාදා-. බාහිරං-. ආහාර-. උතු-. අසඤ්ඤසත්තානං විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො.
අනිදස්සනං-. සනිදස්සනො-. න හෙතු-. අහෙතුකෙ අනිදස්සනෙ ඛන්ධෙ පටිච්ච සනිදස්සනා චිත්තසමු-. පටිසන්ධි-. මහාභූතෙ පටිච්ච සනිදස්සනං චිත්තසමු-. කටත්තා-. උපාදා-. බාහිරං-. ආහාර-. උතු-. අසඤ්ඤසත්තානං මහාභූතෙ පටිච්ච සනිදස්සනං කටත්තා-. උපාදා-. අනිදස්සනං සනිදස්සනො ච අනිදස්සනො ච-. න හෙතු-. අහෙතුකං අනිදස්සනං එකං ඛන්ධං පටිච්ච සනිදස්සනඤ්ච අනිදස්සනඤ්ච චිත්තසමු-. ද්වෙ-. පටිසන්ධි-. මහාභූතෙ පටිච්ච-. බාහිරං-. ආහාර-. උතු-. අසඤ්ඤසත්තානං-. මහාභූතෙ පටිච්ච සනිදස්සනඤ්ච අනිදස්සනඤ්ච කටත්තා-. උපාදා-. (එවං සබ්බෙ කාතබ්බා.)
න හෙතුයා තීණි. නාරම්මණෙ තීණි, නාධිපතියා තීණි, නානන්තරෙ තීණි, න සමනන්තරෙ තීණි, න අඤ්ඤමඤ්ඤෙ තීණි, න උපනිස්සයෙ තීණි, න පුරෙජාතෙ තීණි, න පච්ඡාජාතෙ තීණි, න ආසෙවනෙ තීණි, න කම්මෙ තීණි, න විපාකෙ තීණි, නාහාරෙ තීණි, න ඉන්ද්රියෙ තීණි, න ඣානෙ තීණි, න මග්ගෙ තීණි, න සම්පයුත්තෙ තීණි, න විප්පයුත්තෙ තීණි, නො නත්ථියා තීණි, නො විගතෙ තීණි.
පච්චනීයං.