නීවරණවිප්පයුත්තං නීවරණියං ධම්මං පටිච්ච නීවරණවිප්පයුත්තො නීවරණියො ධම්මො උප්පජ්ජති හෙතුපච්චයා. නීවරණවිප්පයුත්තං නීවරණියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං. ද්වෙ-. පටිසන්ධි-. (සංඛිත්තං.) (යථා චූලන්තර දුකෙ ලොකිය දුකං. එවං කාතබ්බං. නින්නානාකරණං.)

පරාමාසං ධම්මං පටිච්ච නො පරාමාසො ධම්මො උප්පජ්ජති හෙතු පච්චයා. පරාමාසං ධම්මං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං-. නො පරාමාසං ධම්මං පටිච්ච නො පරාමාසො ධම්මො උප්පජ්ජති හෙතු-. නො පරාමාසං එකං ඛන්ධං පටිච්ච තයො ඛන්ධා චිත්තසමුට්ඨානං රූපං, ද්වෙ, පටිසන්ධි-, යාව අසඤ්ඤසත්තා මහාභූතා, නො පරාමාසං ධම්මං පටිච්ච පරාමාසො-. උප්පජ්ජති හෙතු-. නො පරාමාසෙ ඛන්ධෙ පටිච්ච පරාමාසො-. නො පරාමාසං ධම්මං පටිච්ච පරාමාසො ච නො පරාමාසො ච ධම්මා-. හෙතු-. නො පරාමාසං එකං ඛන්ධං පටිච්ච තයො ඛන්ධා, පරාමාසො ච චිත්තසමුට්ඨානඤ්ච රූපං, ද්වෙ. පරාමාසඤ්ච නො පරාමාසඤ්ච ධම්මං පටිච්ච නො පරාමාසො-. හෙතු-. නො පරාමාසං එකං ඛන්ධඤ්ච පරාමාසඤ්ච පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ. හෙතුයා පඤ්ච, ආරම්මණෙ පඤ්ච, සබ්බත්ථ පඤ්ච, විපාකෙ එකං, අවිගතෙ පඤ්ච.

නො පරාමාසං ධම්මං පටිච්ච නො පරාමාසො-. න හෙතු-, අහෙතුකං නො පරාමාසං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං-. ද්වෙ. අහෙතුක පටිසන්ධි. යාව අසඤ්ඤසත්තා, විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡා-. උද්ධච්චසහගතො මොහො, පරාමාසං ධම්මං-. නො පරාමාසො-. නාරම්මණ පච්චයා. පරාමාසං පටිච්ච චිත්තසමුට්ඨානං-. නො පරාමාසං-. නො පරාමාසො-. නාරම්මණ-. නො පරාමාසෙ ඛන්ධෙ පටිච්ච චිත්තසමුට්ඨානං රූපං, යාව අසඤ්ඤසත්තා, පරාමාසඤ්ච නො පරාමාසඤ්ච-. නො පරාමාසො-. නාරම්මණ-. පරාමාසඤ්ච සම්පයුත්තකෙ ඛන්ධෙ ච පටිච්ච චිත්තසමුට්ඨානං-. න හෙතුයා එකං, නාරම්මණෙ තීණි, නාධිපතියා පඤ්ච, නානන්තරෙ තීණි, න සමනන්තරෙ තීණි, න අඤ්ඤමඤ්ඤෙ තීණි, න උපනිස්සයෙ තීණි, න පුරෙජාතෙ පඤ්ච න පච්ඡාජාතෙ පඤ්ච, න ආසෙවනෙ පඤ්ච, න කම්මෙ තීණි, න විපාකෙ පඤ්ච, නාහාරෙ එකං, න ඉන්ද්රියෙ එකං, න ඣානෙ එකං, න මග්ගෙ එකං, න සම්පයුත්තෙ තීණි, න විප්පයුත්තෙ පඤ්ච, නො නත්ථියා තීණි, නො විගතෙ තීණි.

හෙතුපච්චයා නාරම්මණෙ තීණි, නාධිපතියා පඤ්ච, න විපාකෙ පඤ්ච, න සම්පයුත්තෙ තීණි, න විප්පයුත්තෙ පඤ්ච, නො නත්ථියා තීණි, නො විගතෙ තීණි, න හෙතුපච්චයා ආරම්මණෙ එකං, අනන්තරෙ එකං, සබ්බත්ථ එකං, අවිගතෙ එකං (සහජාතවාරොපි පටිච්චවාර සදිසො.)