8. දස්සනත්තිකං
දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති හෙතු පච්චයා. දස්සනෙන පහාතබ්බං එකං ඛන්ධං පටිච්ච තයො ඛන්ධා. ද්වෙ ඛන්ධෙ පටිච්ච ද්වෙ ඛන්ධා. දස්සනෙන පහාතබ්බං ධම්මං පටිච්ච නෙව දස්සනෙන න භාවනාය පහාතබ්බො ධම්මො උප්පජ්ජති හෙතු පච්චයා. දස්සනෙන පහාතබ්බෙ ඛන්ධෙ පටිච්ච චිත්තසමුට්ඨානං රූපං.
දස්සනෙන පහාතබ්බං ධම්මං පටිච්ච දස්සනෙන පහාතබ්බො ච නෙව දස්සනෙන න භාවනාය පහාතබ්බො ච ධම්මා උප්පජ්ජන්ති හෙතු පච්චයා. දස්සනෙන පහාතබ්බං එකං ඛන්ධං පටිච්ච තයො ඛන්ධා, චිත්තසුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා, චිත්තසමුට්ඨානඤ්ච රූපං. භාවනාය පහාතබ්බං ධම්මං පටිච්ච භාවනාය පහාබ්බො ධම්මො උප්පජ්ජති හෙතුපච්චයා, භාවනාය පහාතබ්බං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා.
භාවනාය පහාතබ්බං ධම්මං පටිච්ච නෙව දස්සනෙන න භාවනාය පහාතබ්බො ධම්මො උප්පජ්ජති හෙතුපච්චයා, භාවනාය පහාතබ්බෙ ඛන්ධෙ පටිච්ච චිත්තසමුට්ඨානං රූපං, භාවනාය පහාතබ්බං ධම්මං පටිච්ච භාවනාය පහාතබ්බො ච නෙව දස්සනෙන න භාවනාය පහාතබ්බො ච ධම්මා උප්පජ්ජන්ති හෙතුපච්චයා, භාවනාය පහාතබ්බං එකං ඛන්ධං පටිච්ච තයො ඛන්ධා, චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං.
නෙව දස්සනෙන න භාවනාය පහාතබ්බං ධම්මං පටිච්ච නෙව දස්සනෙන න භාවනාය පහාතබ්බො ධම්මො උප්පජ්ජන්ති හෙතුපච්චයා. නෙව දස්සනෙන න භාවනාය පහාතබ්බං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානානඤ්ච රූපං, පටිසන්ධික්ඛණෙ නෙව දස්සනෙන න භාවනාය පහාතබ්බං එකං ඛන්ධං පටිච්ච තයො ඛන්ධා කටත්තා ච රූපං, ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං. ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච තයො මහාභූතා, ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං.
දස්සනෙන පහාතබ්බඤ්ච නෙව දස්සනෙන න භාවනාය පහාතබ්බඤ්ච ධම්මං පටිච්ච නෙව දස්සනෙන න භාවනාය පහාතබ්බො ධම්මො උප්පජ්ජති හෙතුපච්චයා, දස්සනෙන න පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, භාවනාය පහාතබ්බඤ්ච නෙව දස්සනෙන න භාවනාය පහාතබ්බඤ්ච ධම්මං පටිච්ච නෙව දස්සනෙන න භාවනාය පහාතබ්බො ධම්මො උප්පජ්ජති හෙතු පච්චයා, භාවනාය පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.
දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති ආරම්මණපච්චයා, දස්සනෙන පහාතබ්බං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, භාවනාය පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති ආරම්මණපච්චයා, භාවනාය පහාතබ්බං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, නෙව දස්සනෙන න භාවනාය පහාතබ්බං ධම්මං පටිච්ච නෙව දස්සනෙන න භාවනාය පහාතබ්බො ධම්මො උප්පජ්ජති ආරම්මණපච්චයා, නෙව දස්සනෙන න භාවනාය පහාතබ්බං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, පටිසන්ධික්ඛණෙ නෙව දස්සෙනෙන න භාවනාය පහාතබ්බං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, වත්ථුං පටටිච්ච ඛන්ධා.
දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති අධිපතිපච්චයා, තීණි, භාවනාය පහාතබ්බං ධම්මං