දස්සනෙන පහාතබ්බ හෙතුකං ධම්මං පටිච්ච දස්සනෙන පහාතබ්බ හෙතුකො ධම්මො උප්පජ්ජති හෙතුපච්චයා, දස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා, ද්වෙ ඛන්ධා, දස්සනෙන පහාතබ්බ හෙතුකං ධම්මං පටිච්ච නෙව දස්සනෙන න භාවනාය පහාතබ්බ හෙතුකො ධම්මො උප්පජ්ජති හෙතු පච්චයා, දස්සනෙන පහාතබ්බ හෙතුකො ඛන්ධෙ පටිච්ච චිත්තසමුට්ඨානං රූපං, දස්සනෙන පහාතබ්බ හෙතුකං ධම්මං පටිච්ච දස්සනෙන පහාතබ්බ හෙතුකො ච නෙව දස්සනෙන න භාවනාය පහාතබ්බ හෙතුකො ච ධම්මා උප්පජ්ජන්ති හෙතු පච්චයා, දස්සනෙන පහාතබ්බ හෙතුකං

එකං ඛන්ධං පටිච්ච තයො ඛන්ධා, චිත්තසමුට්ඨානඤ්ච රූපං, ද්වෙ ඛන්ධෙ පටිච්ච, භාවනාය පහාතබ්බ හෙතුකං ධම්මං පටිච්ච භාවනාය පහාතබ්බ හෙතුකො ධම්මො උප්පජ්ජති හෙතු පච්චයා, භාවනාය පහාතබ්බ හෙතුකං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, භාවනාය පහාතබ්බ හෙතුකං ධම්මං පටිච්ච නෙව දස්සනෙන න භාවනාය පහාතබ්බ හෙතුකො ධම්මො උප්පජ්ජති හෙතු පච්චයා. භාවනාය පහාතබ්බ හෙතුකෙ ඛන්ධෙ පටිච්ච චිත්තසමුට්ඨානං රූපං, භාවනාය පහාතබ්බ හෙතුකං ධම්මං පටිච්ච භාවනාය පහාතබ්බ හෙතුකො ච නෙව දස්සනෙන න භාවනාය පහාතබ්බ හෙතුකො ච ධම්මා උප්පජ්ජන්ති හෙතුපච්චයා.

භාවනාය පහාතබ්බ හෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධා, නෙව දස්සනෙන න භාවනාය පහාතබ්බ හෙතුකං ධම්මං පටිච්ච නෙව දස්සනෙන න භාවනාය පහාතබ්බ හෙතුකො ධම්මො උප්පජ්ජති හෙතු පච්චයා, නෙව දස්සනෙන න භාවනාය පහාතබ්බ හෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා, චිත්තසමුට්ඨානඤ්ච රූපං, විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං, පටිසන්ධික්ඛණෙ නෙව දස්සනෙන න භාවනාය පහාතබ්බ හෙතුකං එකං ඛන්ධං පටිච්ච තයො ඛන්ධා කටත්තා ච රූපං, ද්වෙ ඛන්ධා, ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච, මහාභූතෙ පටිච්ච චිත්තසමුට්ඨානං රූපං, කටත්තා රූපං, උපාදා රූපං.

නෙව දස්සනෙන න භාවනාය පහාතබ්බ හෙතුකං ධම්මං පටිච්ච දස්සනෙන පහාතබ්බ හෙතුකො ධම්මො උප්පජ්ජති හෙතු පච්චයා. විචිකිච්ඡාසහගතං මොහං පටිච්ච සම්පයුත්තකා ඛන්ධා, නෙව දස්සනෙන න භාවනාය පහාතබ්බ හෙතුකං ධම්මං පටිච්ච භාවනාය පහාතබ්බ හෙතුකො ධම්මො, උද්ධච්චසහගතං මොහං පටිච්ච සම්පයුත්තකා ඛන්ධා, නෙව දස්සනෙන න -පෙ- හෙතුකං ධම්මං දස්සනෙන පහාතබ්බ හෙතුකො ච නෙව දස්සනෙන න -පෙ- හෙතුකො ච ධම්මා, විචිකිච්ඡාසහගතං මොහං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං, නෙව දස්සනෙන න -පෙ- හෙතුකං ධම්මං, භාවනාය පහාතබ්බ හෙතුකො ච නෙව දස්සනෙන න -පෙ- හෙතුකො ච ධම්මා, උද්ධච්චසහගතං මොහං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං.

දස්සනෙන පහාතබ්බ හෙතුකඤ්ච නෙව දස්සනෙන න -පෙ- හෙතුකඤ්ච ධම්මං දස්සනෙන පහාතබ්බ හෙතුකො ධම්මො උප්පජ්ජති.