7. පීතිත්තිකං
පීතිසහගතං ධම්මං පටිච්ච පීතිසහගතො ධම්මො උප්පජ්ජති හෙතුපච්චයා: පීතිසහගතං එකං ඛන්ධං පටිච්ච තයො ඛන්ධා, තයො ඛන්ධෙ පටිච්ච එකො ඛන්ධො ද්වෙ ඛන්ධෙ පටිච්ච ද්වෙ ඛන්ධා පටිසන්ධික්ඛණෙ පීතිසහගතං එකං ඛන්ධං පටිච්ච තයො ඛන්ධා, ද්වෙ ඛන්ධො පටිච්ච ද්වෙ ඛන්ධා.
පීතිසහගතං ධම්මං පටිච්ච සුඛසහගතො ධම්මො උප්පජ්ජති හෙතුපච්චයා: පීතිසහගතං එකං ඛන්ධං පටිච්ච සුඛසහගතා තයො ඛන්ධා, ද්වෙ ඛන්ධෙ ද්වෙ ඛන්ධා, පටිසන්ධික්ඛණෙ පීතිසහගතං එකං ඛන්ධං පටිච්ච සුඛසහගතො තයො ඛන්ධා, ද්වෙ ඛන්ධො පටිච්ච ද්වෙ ඛන්ධා.
පීතිසහගතං ධම්මං පටිච්ච පීතිසහගතො ච සුඛසහගතො ච ධම්මා උප්පජ්ජන්ති හෙතුපච්චයා: පීතිසහගතං එකං ඛන්ධං පටිච්ච පීතිසහගතො ච සුඛසහගතො ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා පටිසන්ධික්ඛණෙ පීතිසහගතං එකං ඛන්ධං පටිච්ච පීතිසහගතො ච සුඛසහගතො ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා.
සුඛසහගතං ධම්මං පටිච්ච සුඛසහගතො ධම්මො උප්පජ්ජති හෙතුපච්චයා: සුඛසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො, පටිසන්ධික්ඛණෙ සුඛසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.
සුඛසහගතං ධම්මං පටිච්ච පීතිසහගතො ධම්මො උප්පජ්ජති හෙතුපච්චයා: සුඛසහගතං එකං ඛන්ධං පටිච්ච පීතිසහගතා තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, පටිසන්ධික්ඛණෙ සුඛසහගතං එකං ඛන්ධං පටිච්ච පීතිසහගතා තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා.
සුඛසහගතං ධම්මං පටිච්ච පීතිසහගතො ච සුඛසහගතො ච ධම්මා උප්පජ්ජන්ති හෙතුපච්චයා: සුඛසහගතං එකං ඛන්ධං පටිච්ච පීතිසහගතා ච සුඛසහගතා ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො, පටිසන්ධික්ඛණෙ සුඛසහගතං එකං ඛන්ධං පටිච්ච පීතිසහගතා ච සුඛසහගතා ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.
උපෙක්ඛාසහගතං ධම්මං පටිච්ච උපෙක්ඛාසහගතො ධම්මො උප්පජ්ජති හෙතුපච්චයා: උපෙක්ඛාසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො, පටිසන්ධික්ඛණෙ -පෙ-.
පීතිසහගතඤ්ච සුඛසහගතඤ්ච ධම්මං පටිච්ච පීතිසහගතො ධම්මො උප්පජ්ජති හෙතුපච්චයා: පීතිසහගතඤ්ච සුඛසහගතඤ්ච එකං ඛන්ධං පටිච්ච පීතිසහගතා තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, පටිසන්ධික්ඛණෙ පීතිසහගතඤ්ච සුඛසහගතඤ්ච එකං ඛන්ධං පටිච්ච පීතිසහගතා තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා.
පීතිසහගතඤ්ච සුඛසහගතඤ්ච ධම්මං පටිච්ච සුඛසහගතො ධම්මො උප්පජ්ජති හෙතුපච්චයා: පීතිසහගතඤ්ච සුඛසහගතඤ්ච එකං ඛන්ධං පටිච්ච සුඛසහගතා ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො, පටිසන්ධික්ඛණෙ පීතිසහගතඤ්ච සුඛසහගතඤ්ච එකං ඛන්ධං පටිච්ච සුඛසහගතා ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.
පීතිසහගතඤ්ච සුඛසහගතඤ්ච ධම්මං පටිච්ච පීතිසහගතො ච සුඛසහගතො ච ධම්මා උප්පජ්ජන්ති හෙතුපච්චයා: පීතිසහගතඤ්ච සුඛසහගතඤ්ච එකං ඛන්ධං පටිච්ච පීතිසහගතා ච සුඛසහගතා ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො, පටිසන්ධික්ඛණෙ