1. ස. පු: පඤ්චෙව කාමගුණා කාමධාතූ’ති.

ප. පටිඤ්ඤා: ආමන්තා.

ස. අනු: නනු අත්ථී තප්පටිසඤ්ඤුත්තො ඡන්දො’ති.

ප. පටිඤ්ඤා: ආමන්තා.

අනු. ඨ: හඤ්චි අත්ථී තප්පටිසඤ්ඤුත්තො ඡන්දො,

අනු. පා: නො ච වත රෙ වත්තබ්බෙ ‘පඤ්චෙව කාමගුණා කාමධාතූ’ති.

2. ස. අනු: නනු අත්ථී තප්පටිසඤ්ඤුත්තො රාගො, තප්පටිසඤ්ඤුත්තො ඡන්දො, තප්පටිසඤ්ඤුත්තො ඡන්දරාගො, තප්පටිසඤ්ඤුත්තො සඞ්කප්පො, තප්පටිසඤ්ඤුත්තො රාගො, තඤ්ඤුප්පටිසඤ්ඤුත්තො සඞ්කප්පරාගො, තප්පටිසඤ්ඤුත්තා පීති, තප්පටිසඤ්ඤුත්තං සොමනස්සං, තප්පටිසඤ්ඤුත්තං පීතිසොමනස්සන්ති.

ප. පටිඤ්ඤා: ආමන්තා.

අනු. ඨ: හඤ්චි අත්ථී තප්පටිසඤ්ඤුත්තං පීතිසොමනස්සං,

අනු. පා: නො ච වත රෙ වත්තබ්බෙ ‘පඤ්චෙව කාමගුණා කාමධාතූ’ති.

3. ස. පු: පඤ්චෙව කාමගුණා කාමධාතූ’ති.

ප. පටිඤ්ඤා: ආමන්තා.

ස. අනු: මනුස්සානං චක්ඛු න කාමධාතූ’ති.

ප. පටි: න හෙවං වත්තබ්බෙ -පෙ-

ස. අනු: මනුස්සානං සොතං -පෙ- මනුස්සානං ඝානං -පෙ- මනුස්සානං ජිව්හා -පෙ- මනුස්සානං කායො -පෙ- මනුස්සානං මනො න කාමධාතූ’ති.

ප. පටි: න හෙවං වත්තබ්බෙ -පෙ-

4. ස. පු: මනුස්සානං මනො න කාමධාතූ’ති.

ප. පටිඤ්ඤා: ආමන්තා.

ස. අනු: නනු වුත්තං භගවතා:

අත්ථෙ’ව සුත්තන්තො’ති.

ප. පටිඤ්ඤා: ආමන්තා.

ස. නිග: තෙන හි න වත්තබ්බං ‘මනුස්සානං මනො කාමධාතූ’ති.

5. ස. පු: පඤ්චෙව කාමගුණා කාමධාතූ’ති.

ප. පටිඤ්ඤා: ආමන්තා.

ස. අනු: කාමගුණා භවො ගති සත්තාවාසො සංසාරො යොනි විඤ්ඤාණට්ඨිති අත්තභාවපටිලාභො’ති.

ප. පටි: න හෙවං වත්තබ්බෙ -පෙ-

ස. අනු: අත්ථී කාමගුණූපගං කම්මන්ති.

ප. පටි: න හෙවං වත්තබ්බෙ -පෙ-

ස. අනු: අත්ථී කාමගුණූපගා සත්තා’ති.

ප. පටි: න හෙවං වත්තබ්බෙ -පෙ-

ස. අනු: කාමගුණෙ සත්තා ජායන්ති, ජීයන්ති, මීයන්ති, චවන්ති, උප්පජ්ජන්තී’ති.

ප. පටි: න හෙවං වත්තබ්බෙ -පෙ-

ස. අනු: කාමගුණෙ අත්ථී රූපං වෙදනා සඤ්ඤා සඞ්ඛාරා විඤ්ඤාණන්ති.

ප. පටි: න හෙවං වත්තබ්බෙ -පෙ-

ස. අනු: කාමගුණා පඤ්චවොකාරභවො’ති.

ප. පටි: න හෙවං වත්තබ්බෙ -පෙ-

ස. අනු: කාමගුණෙ සම්මාසම්බුද්ධා උප්පජ්ජන්ති, පච්චෙකසම්බුද්ධා උප්පජ්ජන්ති. සාවකයුගං උප්පජ්ජතී’ති.

ප. පටි: න හෙවං වත්තබ්බෙ -පෙ-

6. ස. පු: කාමධාතු භවො ගති සත්තාවාසො සංසාරො යොනි විඤ්ඤාණට්ඨිති අත්තභාවපටිලාභොති.

ප. පටිඤ්ඤා: ආමන්තා.