1. ස. පු: පඤ්චෙවායතනා කාමා’ති.

ප. පටිඤ්ඤා: ආමන්තා.

ස. අනු: නනු අත්ථී තප්පටිසංයුත්තො ඡන්දො’ති.

ප. පටිඤ්ඤා: ආමන්තා.

අනු. ඨ: හඤ්චි අත්ථී තප්පටිසංයුත්තො ඡන්දො,

අනු. පා: නො ච වත රෙ වත්තබ්බෙ ‘පඤ්චෙවායතනා කාමා’ති.

2. ස. අනු: නනු, අත්ථී තප්පටිසංයුත්තො රාගො, තප්පටිසංයුත්තො ඡන්දො, තප්පටිසංයුත්තො ඡන්දරාගො, තප්පටිසංයුත්තො සඞ්කප්පො, තප්පටිසංයුත්තො රාගො, තප්පටිසංයුත්තො සඞ්කප්පරාගො, තප්පටිසංයුත්තා පීති. තප්පටිසංයුත්තං සොමනස්සං, තප්පටිසංයුත්තං පීතිසොමනස්සන්ති.

ප. පටිඤ්ඤා: ආමන්තා.

අනු. ඨ: හඤ්චි අත්ථී තප්පටිසංයුත්තං පීතිසොමනස්සං,

අනු. පා: නො ච වත රෙ වත්තබ්බෙ: පඤ්චෙවායතනා කාමා’ති.

3. ප. පු: න වත්තබ්බං ‘පඤ්චෙවායතනා කාමා’ති.

ස. පටිඤ්ඤා: ආමන්තා.

ප. අනු: නනු වුත්තං භගවතා: “පඤ්චිමෙ භික්ඛවෙ කාමගුණා කතමෙ පඤ්ච: චක්ඛුවිඤ්ඤෙය්යා රූපා ඉට්ඨා කන්තා මනාපා පියරූපා කාමූපසංහිතා රජනීයා. සොතවිඤ්ඤෙය්යා සද්දා -පෙ-

ඝානවිඤ්ඤෙය්යා ගන්ධා -පෙ- ජිව්හාවිඤ්ඤෙය්යා රසා -පෙ- කායවිඤ්ඤෙය්යා ඵොට්ඨබ්බා ඉට්ඨා කන්තා මනාපා පියරූපා කාමූපසංහිතා රජනීයා. ඉමෙ ඛො භික්ඛවෙ පඤ්චකාමගුණා”ති අත්ථෙ’ව සුත්තන්තො’ති.

ස. පටිඤ්ඤා: ආමන්තා.

ප. නිග: තෙන හි ‘පඤ්චෙවායතනා කාමා’ති.

4. ස. පු: පඤ්චෙවායතනා කාමා’ති.

ප. පටිඤ්ඤා: ආමන්තා.

ස. අනු: නනු වුත්තං භගවතා: “පඤ්චිමෙ භික්ඛවෙ කාමගුණා. කතමෙ පඤ්ච: චක්ඛුවිඤ්ඤෙය්යා රූපා -පෙ- කායවිඤ්ඤෙය්යා ඵොට්ඨබ්බා ඉට්ඨා කන්තා මනාපා පියරූපා කාමූපසංහිතා රජනීයා. අපි ච ඛො භික්ඛවෙ නෙතෙ කාමා. කාමගුණා නාමෙතෙ අරියස්ස විනයෙ වුච්චන්ති.

අත්ථෙ’ව සුත්තන්තො’ති.

ප. පටිඤ්ඤා: ආමන්තා.

පටි. ආ: තෙන හි න වත්තබ්බං: පඤ්චෙවායතනා කාමා’ති.