6. 7.
ආකාසො සනිදස්සනොති කථා
1. ස. පු: ආකාසො සනිදස්සනො’ති.
ප. පටිඤ්ඤා: ආමන්තා.
ස. අනු: රූපං රූපායතනං රූපධාතු නීලං පීතකං ලොහිතකං ඔදාතකං චක්ඛුවිඤ්ඤෙය්යං චක්ඛුස්මිං පටිහඤ්ඤති චක්ඛුස්ස ආපාථං ආගච්ඡතී’ති.
ප. පටි: න හෙවං වත්තබ්බෙ -පෙ-
2. ස. පු: ආකාසො සනිදස්සනො’ති.
ප. පටිඤ්ඤා: ආමන්තා.
ස. අනු: චක්ඛුඤ්ච පටිච්ච ආකාසඤ්ච උප්පජ්ජති චක්ඛුවිඤ්ඤාණන්ති.
ප. පටි: න හෙවං වත්තබ්බෙ -පෙ-
ස. පු: චක්ඛුඤ්ච පටිච්ච ආකාසඤ්ච උප්පජ්ජති චක්ඛුවිඤ්ඤාණන්ති.
ප. පටිඤ්ඤා: ආමන්තා.
ස. අනු: “චක්ඛුඤ්ච පටිච්ච ආකාසඤ්ච උප්පජ්ජති චක්ඛුවිඤ්ඤාණන්ති” අත්ථෙ’ව සුත්තන්තො’ති.
ප. පටි: නත්ථී.
ස. අනු: “චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණන්ති” අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. ඨ: ‘හඤ්චි චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණන්ති’ අත්ථෙ’ව සුත්තන්තො,
අනු. පා: නො ච වත රෙ වත්තබ්බෙ. චක්ඛුඤ්ච පටිච්ච ආකාසඤ්ච උප්පජ්ජති චක්ඛුවිඤ්ඤාණන්ති.
3. ස. පු: න වත්තබ්බං ‘ආකාසො සනිදස්සනො’ති.
ස. පටිඤ්ඤා: ආමන්තා.
ප. අනු: නනු පස්සති ද්වින්නං රුක්ඛානං අන්තරං ද්වින්නං ථම්භානං අන්තරං තාළච්ඡිද්දං වාතපානච්ඡිද්දන්ති.
ස. පටිඤ්ඤා: ආමන්තා.
අනු. ඨ: හඤ්චි පස්සති ද්වින්නං රුක්ඛානං අන්තරං ද්වින්නං ථම්භානං අන්තරං තාළච්ඡිද්දං වාතපානච්ඡිද්දං,
අනු. පා: තෙන වත රෙ වත්තබ්බෙ: ආකාසො සනිදස්සනො’ති.
ආකාසො සනිදස්සනොතිකථා නිට්ඨිතා.
6. 8.
පඨවීධාතු සනිදස්සනාති ආදිං කත්වා කායකම්මං සනිදස්සනන්ති පරියොසානකථා.
1. ස. පු: පඨවීධාතු සනිදස්සනා’ති.
ප. පටිඤ්ඤා: ආමන්තා.
ස. අනු: රූපං රූපායතනං රූපධාතු නීලං පීතකං ලොහිතකං ඔදාතං චක්ඛුවිඤ්ඤෙය්යං චක්ඛුස්මිං පටිහඤ්ඤති චක්ඛුස්ස ආපාථං ආගච්ඡතීති.
ප. පටි: න හෙවං වත්තබ්බෙ -පෙ-
2. ස. පු: පඨවීධාතු සනිදස්සනා’ති.
ප. පටිඤ්ඤා: ආමන්තා.
ස. අනු: චක්ඛුඤ්ච පටිච්ච පඨවීධාතුඤ්ච උප්පජ්ජති චක්ඛුවිඤ්ඤාණන්ති.
ප. පටි: න හෙවං වත්තබ්බෙ -පෙ-
ස. පු: චක්ඛුඤ්ච පටිච්ච පඨවීධාතුඤ්ච උප්පජ්ජති චක්ඛුවිඤ්ඤාණන්ති.
ප. පටිඤ්ඤා: ආමන්තා.
ස. අනු: චක්ඛුඤ්ච පටිච්ච පඨවීධාතුඤ්ච උප්පජ්ජති චක්ඛුවිඤ්ඤාණන්ති අත්ථෙ’ව සුත්තන්තො’ති.
ප. පටි: නත්ථී.
ස. අනු: “චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණන්ති” අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. ඨ: හඤ්චි ‘චක්ඛුවිඤ්ච පටිච්ච රූපෙ ච උප්පජ්ජති චක්ඛුවිඤ්ඤාණන්ති’ අත්ථෙ’ව සුත්තන්තො,
අනු. පා: නො ච වත රෙ වත්තබ්බෙ: චක්ඛුඤ්ච පටිච්ච පඨවීධාතුඤ්ච උප්පජ්ජති චක්ඛු විඤ්ඤාණන්ති.
3. ප. පු: න වත්තබ්බං ‘පඨවීධාතු සනිදස්සනා’ති.
ස. පටිඤ්ඤා: ආමන්තා.
ස. අනු: නනු පස්සති භූමිං පාසාණං පබ්බතන්ති.
ස. පටිඤ්ඤා: ආමන්තා.
අනු. ඨ: හඤ්චි පස්සති භූමිං පාසාණං පබ්බතං,
අනු. පා: තෙන වත රෙ වත්තබ්බෙ’ පඨවීධාතුසනිදස්සනා’ති.