1. ස. පු: අරහත්තසච්ඡිකිරියාය පටිපන්නො පුග්ගලො තීහි ඵලෙහි සමන්නාගතො’ති.

ප. පටිඤ්ඤා: ආමන්තා.

ස අනු: අරහත්තසච්ඡිකිරියාය පටිපන්නො පුග්ගලො චතූහි ඵස්සෙහි චතූහි වෙදනාහි චතූහි සඤ්ඤාහි චතූහි චෙතනාහි චතූහි චිත්තෙහි චතූහි සද්ධාහි චතූහි විරියෙහි චතූහි සතීහි චතූහි සමාධීහි චතූහි පඤ්ඤාහි සමන්නාගතො’ති.

ප. පටි: න හෙවං වත්තබ්බෙ -පෙ-

2. ස. පු: අනාගාමිඵලසච්ඡිකිරියාය පටිපන්නො පුග්ගලො ද්වීහි ඵලෙහි සමන්නාගතො’ති.

ප. පටිඤ්ඤා: ආමන්තා.

ස. අනු: අනාගාමිඵලසච්ඡිකිරියාය පටිපන්නො පුග්ගලො තීහි ඵස්සෙහි -පෙ- තීහි පඤ්ඤාහි සමන්නාගතො’ති.

ප. පටි: න හෙවං වත්තබ්බෙ -පෙ-

3. ස. පු: සකදාගාමිඵලසච්ඡිකිරියාය පටිපන්නො පුග්ගලො සොතාපත්තිඵලෙන සමන්නාගතො’ති.

ප. පටිඤ්ඤා: ආමන්තා.

ස. අනු: සකදාගාමිඵලසච්ඡිකිරියාය පටිපන්නො පුග්ගලො ද්වීහි ඵස්සෙහි -පෙ- ද්වීහි පඤ්ඤාහි සමන්නාගතො’ති.

ප. පටි: න හෙවං වත්තබ්බෙ -පෙ-

4. ස. පු: අරහත්තසච්ඡිකිරියාය පටිපන්නො පුග්ගලො සොතාපත්තිඵලෙන සමන්නාගතො’ති.

ප. පටිඤ්ඤා: ආමන්තා.

ස. අනු: අරහත්තසච්ඡිකිරියාය පටිපන්නො පුග්ගලො සත්තක්ඛත්තුපරමො කොලංකොලො එකබීජී’ති.

ප. පටි: න හෙවං වත්තබ්බෙ -පෙ-

5. ස. පු: අරහත්තසච්ඡිකිරියාය පටිපන්නො පුග්ගලො සකදාගාමිඵලෙන සමන්නාගතො’ති.

ප. පටිඤ්ඤා: ආමන්තා.

ස අනු: අරහත්තසච්ඡිකිරියාය පටිපන්නො පුග්ගලො සකදාගාමී’ති.

ප. පටි: න හෙවං වත්තබ්බෙ -පෙ-

6. ස. පු: අරහත්තසච්ඡිකිරියාය පටිපන්නො පුග්ගලො අනාගාමිඵලෙන සමන්නාගතො’ති.

ප. පටිඤ්ඤා: ආමන්තා.

ස. අනු: අරහත්තසච්ඡිකිරියාය පටිපන්නො පුග්ගලො අනාගාමී අන්තරාපරිනිබ්බායී උපහච්චපරිනිබ්බායී අසඞ්ඛාරපරිනිබ්බායී සසඞ්ඛාරපරිනිබ්බායී උද්ධංසොතො අකනිට්ඨගාමී’ති.

ප. පටි: න හෙවං වත්තබ්බෙ -පෙ-

7. ස. පු: අනාගාමිඵලසච්ඡිකිරියාය පටිපන්නො පුග්ගලො සොතාපත්තිඵලෙන සමන්නාගතො’ති.

ප. පටිඤ්ඤා: ආමන්තා.

ස. අනු: අනාගාමිඵලසච්ඡිකිරියාය පටිපන්නො පුග්ගලො සොතාපන්නො සත්තක්ඛත්තුපරමො කොලංකොලො එකබීජී’ති.

ප. පටි: න හෙවං වත්තබ්බෙ -පෙ-

8. ස. පු: අනාගාමිඵලසච්ඡිකිරියාය පටිපන්නො පුග්ගලො සකදාගාමිඵලෙන සමන්නාගතො’ති.

ප. පටිඤ්ඤා: ආමන්තා.

ස. අනු: අනාගාමිඵලසච්ඡිකිරියාය පටිපන්නො පුග්ගලො සකදාගාමී’ති.

ප. පටි: න හෙවං වත්තබ්බෙ -පෙ-

9. ස. පු: සකදාගාමිඵලසච්ඡිකිරියාය පටිපන්නො පුග්ගලො සොතාපත්තිඵලෙන සමන්නාගතො’ති.

ප. පටිඤ්ඤා: ආමන්තා.

ස. අනු: සකදාගාමිඵලසච්ඡිකිරියාය පටිපන්නො පුග්ගලො සොතාපන්නො සත්තක්ඛත්තුපරමො කොලංකොලො එකබීජී’ති.

ප. පටි: න හෙවං වත්තබ්බෙ -පෙ-