උපෙක්ඛාසමන්නාගතකථා < අභිධම්මපිටක | බුද්ධ ජයන්ති ත්‍රිපිටකය

4. 5.

උපෙක්ඛාසමන්නාගතකථා.

1. ස. පු: අරහා ඡහි උපෙක්ඛාහි සමන්නාගතො’ති.

ප. පටිඤ්ඤා: ආමන්තා.

ස. අනු: අරහා ඡහි ඵස්සෙහි ඡහි වෙදනාහි ඡහි සඤ්ඤාහි -පෙ- ඡහි පඤ්ඤාහි සමන්නාගතො’ති.

ප. පටි: න හෙවං වත්තබ්බෙ -පෙ-

2. ස. පු: අරහා ඡහි උපෙක්ඛාහි සමන්නාගතො’ති.

ප. පටිඤ්ඤා: ආමන්තා.

ස. අනු: අරහා චක්ඛුනා රූපං පස්සන්තො සොතෙන සද්දං සුණාති, ඝානෙන ගන්ධං ඝායති, ජිව්හාය රසං සායති. කායෙන ඵොට්ඨබ්බං ඵුසති, මනසා ධම්මං විජානාති; මනසා ධම්මං විජානන්තො චක්ඛුනා රූපං පස්සති -පෙ- සොතෙන සද්දං සුණාති -පෙ- ඝානෙන ගන්ධං ඝායති -පෙ- ජිව්හාය රසං සායති -පෙ- කායෙන ඵොට්ඨබ්බං ඵුසතී’ති.

ප පටි: න හෙවං වත්තබ්බෙ -පෙ-

3. ස. පු: අරහා ඡහි උපෙක්ඛාහි සමන්නාගතො’ති.

ප. පටිඤ්ඤා: ආමන්තා.

ස. අනු: සත්තං සමිතං අබ්බොකිණ්ණං ඡහි උපෙක්ඛාහි සමන්නාගතො සමොහිතො ඡ උපෙක්ඛායො පච්චුපට්ඨිතා’ති.

ප. පටි: න හෙවං වත්තබ්බෙ -පෙ-

4. ප. පු: න වත්තබ්බං ‘අරහා ඡහි උපෙක්ඛාහි සමන්නාගතො’ති.

ස. පටිඤ්ඤා: ආමන්තා.

ප. අනු: නනු අරහා ඡළඞ්ගුපෙක්ඛො’ති.

ස. පටිඤ්ඤා: ආමන්තා.

අනු. ඨ: හඤ්චි අරහා ඡළඞ්ගුපෙක්ඛො,

අනු. පා: තෙන වත රෙ වත්තබ්බෙ: අරහා ඡහි උපෙක්ඛාහි සමන්නාගතො’ති.

උපෙක්ඛාසමන්නාගතකථා නිට්ඨිතා.

4. 6.

බොධියාබුද්ධොතිකථා.

1. ස. පු: බොධියා බුද්ධො’ති.

ප. පටිඤ්ඤා: ආමන්තා.

ස. අනු: බොධියා නිරුද්ධාය විගතාය පටිප්පස්සද්ධාය අබුද්ධො හොතී’ති

ප. පටි: න හෙවං වත්තබ්බෙ -පෙ-

2. ස. පු: බොධියා බුද්ධො’ති.

ප. පටිඤ්ඤා: ආමන්තා.

ස. අනු: අතීතාය බොධියා බුද්ධො’ති.

ප. පටි: න හෙවං වත්තබ්බෙ -පෙ-

3. ස. පු: අතීතාය බොධියා බුද්ධො’ති.

ප. පටිඤ්ඤා: ආමන්තා.

ස. අනු: තාය බොධියා බොධිකරණීයං කරොතී’ති.

ප. පටි: න හෙවං වත්තබ්බෙ -පෙ-

4. ස. පු: තාය බොධියා බොධිකරණීයං කරොති’ති.

ප. පටිඤ්ඤා: ආමන්තා.

ස. අනු: තාය බොධියා දුක්ඛං පරිජානාති, සමුදයං පජහති, නිරොධං සච්ඡිකරොති, මග්ගං භාවෙතී’ති.

ප. පටි: න හෙවං වත්තබ්බෙ -පෙ-

5. ස. පු: බොධියා බුද්ධො’ති.

ප. පටිඤ්ඤා: ආමන්තා.

ස. අනු: අනාගතාය බොධියා බුද්ධො’ති.

ප. පටි: න හෙවං වත්තබ්බෙ -පෙ-