23. 5.
අපරිනිප්ඵන්න කථා.
1. ස. පු: රූපං අපරිනිප්ඵන්නන්ති.
ප. පටිඤ්ඤා: ආමන්තා.
ස. අනු: රූපං න අනිච්චං, න සඞ්ඛතං, න පටිච්චසමුප්පන්නං, න ඛයධම්මං, න වයධම්මං, න විරාගධම්මං, න නිරොධධම්මං, න විපරිනාමධම්මන්ති.
ප. පටි: න හෙවං වත්තබ්බෙ -පෙ-
ස. අනු: නනු රූපං අනිච්චං සඞ්ඛතං පටිච්චසමුප්පන්නං ඛයධම්මං වයධම්මං විරාගධම්මං නිරොධධම්මං විපරිනාමධම්මන්ති.
ප. පටිඤ්ඤා: ආමන්තා.
ස. ඨ: හඤ්චි රූපං අනිච්චං සඞ්ඛතං -පෙ- විපරිනාමධම්මං,
ස. පා: නො ච වත රෙ වත්තබ්බෙ “රූපං අපරිනිප්ඵන්න”න්ති.
2. ස. පු: දුක්ඛඤ්ඤෙව පරිනිප්ඵන්නන්ති.
ප. පටිඤ්ඤා: ආමන්තා.
ස. අනු: නනු “යදනිච්චං තං දුක්ඛං? වුත්තං භගවතා, රූපං අනිච්චන්ති.
ප. පටිඤ්ඤා: ආමන්තා.
ස. ඨ: හඤ්චි “යදනිච්චං තං දුක්ඛං” වුත්තං භගවතා, රූපං අනිච්චං,
ස. පා: නො ච වත රෙ වත්තබ්බෙ “දුක්ඛඤ්ඤෙව පරිනිප්ඵන්න”න්ති.
3. ස. පු: වෙදනා -පෙ- සඤ්ඤා -පෙ- සඞ්ඛාරා -පෙ- විඤ්ඤාණං -පෙ- චක්ඛායතනං -පෙ- ධම්මායතනං -පෙ- චක්ඛුධාතු -පෙ- ධම්මධාතු -පෙ- චක්ඛුන්ද්රියං -පෙ- අඤ්ඤාතාවින්ද්රියං අපරිනිප්ඵන්නන්ති.
ප. පටිඤ්ඤා: ආමන්තා.
ස. අනු: අඤ්ඤාතාවින්ද්රියං න අනිච්චං -පෙ- න විපරිනාමධම්ම’න්ති.
ප. පටි: න හෙවං වත්තබ්බෙ -පෙ-
ස. අනු: නනු අඤ්ඤාතාවින්ද්රියං අනිච්චං සඞ්ඛතං -පෙ- විපරිනාමධම්මන්ති.
ප. පටිඤ්ඤා: ආමන්තා.
ස. ඨ: හඤ්චි අඤ්ඤාතාවින්ද්රියං අනිච්චං සඞ්ඛතං පටිච්චසමුප්පන්නං ඛයධම්මං වයධම්මං විරාගධම්මං නිරොධධම්මං විපරිනාමධම්මං,
ස. පා: නො ච වත රෙ වත්තබ්බෙ “අඤ්ඤාතාවින්ද්රියං අපරිනිප්ඵන්න”න්ති.
4. ස. පු: දුක්ඛඤ්ඤෙව පරිනිප්ඵන්නන්ති.
ප. පටිඤ්ඤා: ආමන්තා.
ස. අනු: නනු “යදනිච්චං තං දුක්ඛං වුත්තං භගවතා, අඤ්ඤාතාවින්ද්රියං අනිච්ච’න්ති.
ප. පටිඤ්ඤා: ආමන්තා.
ස. ඨ: හඤ්චි “යදනිච්චං තං දුක්ඛං” වුත්තං භගවතා, අඤ්ඤාතාවින්ද්රියං අනිච්චං,
ස. පා: නො ච වත රෙ වත්තබ්බෙ “දුක්ඛඤ්ඤෙව පරිනිප්ඵන්න”න්ති.
අපරිනිප්ඵන්න කථා නිට්ඨිතා.
තෙවීසතිමො වග්ගො නිට්ඨිතො.