21. 5.
බුද්ධ කථා.
1. ස. පු: අත්ථි බුද්ධානං බුද්ධෙහි හීනාතිරෙකතා’ති.
ප. පටිඤ්ඤා: ආමන්තා.
ස. අනු: සතිපට්ඨානතො’ති.
ප. පටි: න හෙවං වත්තබ්බෙ -පෙ-
ස. අනු: සම්මප්පධානතො -පෙ- ඉද්ධිපාදතො -පෙ- ඉන්ද්රියතො -පෙ- බලතො -පෙ- බොජ්ඣඞ්ගතො -පෙ- වසීභාවතො -පෙ- සබ්බඤ්ඤුතඤාණදස්සනතො’ති.
ප. පටි: න හෙවං වත්තබ්බෙ -පෙ-
බුද්ධ කථා නිට්ඨිතා.
21. 6.
සබ්බදිසා කථා.
1. ස. පු: සබ්බා දිසා බුද්ධා තිට්ඨන්තී’ති.
ස. පටිඤ්ඤා: ආමන්තා.
ප. අනු: පුරත්ථිමාය දිසාය බුද්ධො තිට්ඨතී’ති.
ප. පටි: න හෙවං වත්තබ්බෙ -පෙ-
2. ස. පු: පුරත්ථිමාය දිසාය බුද්ධො තිට්ඨතී’ති.
ප. පටිඤ්ඤා: ආමන්තා.
ස. අනු: කින්නාමො සො භගවා, කිං ජච්චො, කිං ගොත්තො, කින්නාමා තස්ස භගවතො මාතාපිතරො, කින්නාමං තස්ස භගවතො සාවකයුගං, කොනාමො තස්ස භගවතො සාවකයුගං, කොනාමො තස්ස භගවතො උපට්ඨාකො, කීදිසං චීවරං ධාරෙති, කීදිසං පත්තං ධාරෙති, කතරස්මිං ගාමෙ වා නිගමෙ වා නගරෙ වා රට්ඨෙ වා ජනපදෙ වා’ති.
ප. පටි: න හෙවං වත්තබ්බෙ -පෙ-
ස. අනු: දක්ඛිණාය දිසාය -පෙ- පච්ඡිමාය දිසාය -පෙ- උත්තරාය දිසාය -පෙ- හෙට්ඨිමාය දිසාය බුද්ධො තිට්ඨති’ති.
ප. පටි: න හෙවං වත්තබ්බෙ -පෙ-
3. ස. පු: හෙට්ඨිමාය දිසාය බුද්ධො තිට්ඨතී’ති.
ප. පටිඤ්ඤා: ආමන්තා.
ස. අනු: කින්නාමො සො භගවා -පෙ- ජනපදෙ වා’ති.
ප. පටි: න හෙවං වත්තබ්බෙ -පෙ-
ස. අනු: උපරිමාය දිසාය බුද්ධො තිට්ඨතී’ති.
ප. පටි: න හෙවං වත්තබ්බෙ -පෙ-
4. ස. පු: උපරිමාය දිසාය බුද්ධො තිට්ඨතී’ති.
ප. පටිඤ්ඤා: ආමන්තා.
ස. අනු: චාතුම්මහාරාජිකෙ තිට්ඨති -පෙ- තාවතිංසෙ තිට්ඨති -පෙ- යාමෙ තිට්ඨති -පෙ- තුසිතෙ තිට්ඨති -පෙ- නිම්මාණරතියා තිට්ඨති -පෙ- පරනිම්මිත වසවත්තියා තිට්ඨති -පෙ- බ්රහ්මලොකෙ තිට්ඨතී’ති.
ප. පටි: න හෙවං වත්තබ්බෙ -පෙ-
සබ්බදිසා කථා නිට්ඨිතා.