21. 6.
සබ්බදිසා කථා.
1. ස. පු: සබ්බා දිසා බුද්ධා තිට්ඨන්තී’ති.
ස. පටිඤ්ඤා: ආමන්තා.
ප. අනු: පුරත්ථිමාය දිසාය බුද්ධො තිට්ඨතී’ති.
ප. පටි: න හෙවං වත්තබ්බෙ -පෙ-
2. ස. පු: පුරත්ථිමාය දිසාය බුද්ධො තිට්ඨතී’ති.
ප. පටිඤ්ඤා: ආමන්තා.
ස. අනු: කින්නාමො සො භගවා, කිං ජච්චො, කිං ගොත්තො, කින්නාමා තස්ස භගවතො මාතාපිතරො, කින්නාමං තස්ස භගවතො සාවකයුගං, කොනාමො තස්ස භගවතො සාවකයුගං, කොනාමො තස්ස භගවතො උපට්ඨාකො, කීදිසං චීවරං ධාරෙති, කීදිසං පත්තං ධාරෙති, කතරස්මිං ගාමෙ වා නිගමෙ වා නගරෙ වා රට්ඨෙ වා ජනපදෙ වා’ති.
ප. පටි: න හෙවං වත්තබ්බෙ -පෙ-
ස. අනු: දක්ඛිණාය දිසාය -පෙ- පච්ඡිමාය දිසාය -පෙ- උත්තරාය දිසාය -පෙ- හෙට්ඨිමාය දිසාය බුද්ධො තිට්ඨති’ති.
ප. පටි: න හෙවං වත්තබ්බෙ -පෙ-
3. ස. පු: හෙට්ඨිමාය දිසාය බුද්ධො තිට්ඨතී’ති.
ප. පටිඤ්ඤා: ආමන්තා.
ස. අනු: කින්නාමො සො භගවා -පෙ- ජනපදෙ වා’ති.
ප. පටි: න හෙවං වත්තබ්බෙ -පෙ-
ස. අනු: උපරිමාය දිසාය බුද්ධො තිට්ඨතී’ති.
ප. පටි: න හෙවං වත්තබ්බෙ -පෙ-
4. ස. පු: උපරිමාය දිසාය බුද්ධො තිට්ඨතී’ති.
ප. පටිඤ්ඤා: ආමන්තා.
ස. අනු: චාතුම්මහාරාජිකෙ තිට්ඨති -පෙ- තාවතිංසෙ තිට්ඨති -පෙ- යාමෙ තිට්ඨති -පෙ- තුසිතෙ තිට්ඨති -පෙ- නිම්මාණරතියා තිට්ඨති -පෙ- පරනිම්මිත වසවත්තියා තිට්ඨති -පෙ- බ්රහ්මලොකෙ තිට්ඨතී’ති.
ප. පටි: න හෙවං වත්තබ්බෙ -පෙ-
සබ්බදිසා කථා නිට්ඨිතා.
21. 7.
ධම්ම කථා.
1. ස. පු: සබ්බෙ ධම්මා නියතා’ති.
ප. පටිඤ්ඤා: ආමන්තා.
ස. අනු: මිච්ඡත්තනියතා’ති.
ප. පටි: න හෙවං වත්තබ්බෙ -පෙ-
ස. අනු: නත්ථි අනියතො රාසී’ති.
ප. පටි: න හෙවං වත්තබ්බෙ -පෙ-
ස. අනු: නනු අත්ථි අනියතො රාසී’ති.
ප. පටිඤ්ඤා: ආමන්තා.
ස. ඨ: හඤ්චි අත්ථි අනියතො රාසි,
ස. පා: නො ච වත රෙ වත්තබ්බෙ “සබ්බෙ ධම්මා නියතා”ති.
2. ස. පු: සබ්බෙ ධම්මා නියතා’ති.
ප. පටිඤ්ඤා: ආමන්තා.
ස. අනු: නනු තයො රාසී වුත්තා භගවතා: මිච්ඡත්තනියතො රාසි, සම්මත්තනියතො රාසි, අනියතො රාසී’ති.
ප. පටිඤ්ඤා: ආමන්තා.
ස. ඨ: හඤ්චි තයො රාසී වුත්තා භගවතා: මිච්ඡත්ත නියතො රාසි, සම්මත්තනියතො රාසි, අනියතො රාසී’ති.
ස. පා: නො ච වත රෙ වත්තබ්බෙ “සබ්බෙ ධම්මා නියතා”ති.
3. ස. පු: රූපං රූපට්ඨෙන නියතන්ති.
ප. පටිඤ්ඤා: ආමන්තා.
ස. අනු: මිච්ඡත්තනියතන්ති.
ප. පටි: න හෙවං වත්තබ්බෙ -පෙ-