1. ස. පු: අත්ථි අධිප්පායඉද්ධි බුද්ධානං වා සාවකානං වා’ති.

ප. පටිඤ්ඤා: ආමන්තා.

ස. අනු: “නිච්චපණ්ණරුක්ඛා හොන්තු”ති අත්ථි අධිප්පාය ඉද්ධි බුද්ධානං වා සාවකානං වා’ති.

ප. පටි: න හෙවං වත්තබ්බෙ -පෙ-

ස. අනු: නිච්චපුප්ඵා රුක්ඛා හොන්තු -පෙ- නිච්චඵලිතා රුක්ඛා හොන්තු -පෙ- නිච්චං ජුණ්හං හොතු -පෙ- නිච්චං ඛෙමං හොතු -පෙ- නිච්චං සුභික්ඛං හොතු -පෙ- නිච්චං සුවත්ථි හොතු”ති අත්ථි අධිප්පායඉද්ධි බුද්ධානං වා සාවකානං වා”ති.

ප. පටි: න හෙවං වත්තබ්බෙ -පෙ-

2. ස. පු: අත්ථි අධිප්පායඉද්ධි බුද්ධානං වා සාවකානං වා’ති.

ප. පටිඤ්ඤා: ආමන්තා.

ස. අනු: “උප්පන්නො ඵස්සො මා නිරුජ්ඣී”ති අත්ථි අධිප්පායඉද්ධි බුද්ධානං වා සාවකානං වා’ති.

ප. පටි: න හෙවං වත්තබ්බෙ -පෙ-

ස. අනු: උප්පන්නා වෙදනා -පෙ- සඤ්ඤා -පෙ- චෙතනා -පෙ- චිත්තං -පෙ- සද්ධා -පෙ- විරියං -පෙ- සති -පෙ- සමාධි -පෙ- පඤ්ඤා මා නිරුජ්ඣි”ති. අත්ථි අධිප්පායඉද්ධි බුද්ධානං වා සාවකානං වා’ති.

ප. පටි: න හෙවං වත්තබ්බෙ -පෙ-

3. ස. පු: අත්ථි අධිප්පායඉද්ධි බුද්ධානං වා සාවකානං වා’ති.

ප. පටිඤ්ඤා: ආමන්තා.

ස. අනු: රූපං නිච්චං හොතූ’ති අත්ථි අධිප්පායඉද්ධි බුද්ධානං වා සාවකානං වා’ති.

ප. පටි: න හෙවං වත්තබ්බෙ -පෙ-

ස. අනු: වෙදනා -පෙ- සඤ්ඤා -පෙ- සඞ්ඛාරා -පෙ- විඤ්ඤාණං නිච්චං හොතු’ති අත්ථි අධිප්පායඉද්ධි බුද්ධානං වා සාවකානං වා’ති.

ප. පටි: න හෙවං වත්තබ්බෙ -පෙ-

4. ස. පු: අත්ථි අධිප්පායඉද්ධි බුද්ධානං වා සාවකානංවා’ති.

ප. පටිඤ්ඤා: ආමන්තා.

ස. අනු: ජාතිධම්මා සත්තා මා ජායිංසූ’ති අත්ථි අධිප්පාය ඉද්ධි -පෙ- ජරාධම්මා සත්තා මා ජියිංසූ’ති -පෙ- ව්යාධිධම්මා සත්තා මා ව්යාධිංසූ’ති -පෙ- මරණධම්මා සත්තා මා මීයිංසූ’ති අත්ථි අධිප්පායඉද්ධි බුද්ධානං වා සාවකානං වා’ති.

ප. පටි: න හෙවං වත්තබ්බෙ -පෙ-

5. ප. පු: න වත්තබ්බං අත්ථි අධිප්පායඉද්ධි බුද්ධානං වා සාවකානං වා’ති.

ස. පටිඤ්ඤා: ආමන්තා.

ප. අනු: නනු ආයස්මා පිළින්දවච්ඡො රඤ්ඤො මාගධස්ස සෙනියස්ස බිම්බිසාරස්ස පාසාදං සුවණ්ණනත්වෙව අධිමුච්චි, සුවණ්ණො ච පන ආසී’ති.

ස. පටිඤ්ඤා: ආමන්තා.

ප. ඨ: හඤ්චි ආයස්මා පිළින්දවච්ඡො රඤ්ඤො මාගධස්ස සෙනියස්ස බිම්බිසාරස්ස පාසාදං සුවණ්ණනත්වෙව අධිමුච්චි, සුවණ්ණො ච පන ආසි,

ප. පා: තෙන වත රෙ වත්තබ්බෙ “අත්ථි අධිප්පායඉද්ධි බුද්ධානං වා සාවකානං වා”ති.