12. 6.
කොලංකොලකථා
1. ප. පු: න වත්තබ්බං: කොලංකොලො පුග්ගලො කොලංකොලතානියතො’ති.
ස. පටිඤ්ඤා: ආමන්තා.
ප. අනු: නනු සො කොලංකොලො’ති.
ස. පටිඤ්ඤා: ආමන්තා.
අනු. ඨ: හඤ්චි සො කොලංකොලො,
අනු. පා: තෙන වත රෙ වත්තබ්බෙ “කොලංකොලො පුග්ගලො කොලංකොලතානියතො’ති.
කොලංකොලකථා නිට්ඨිතා.
12. 7.
එකබීජීකථා
1. ප. පු: න වත්තබ්බං “එකබීජී පුග්ගලො එකබීජිතානියතො’ති.
ස. පටිඤ්ඤා: ආමන්තා.
ප. අනු: නනු සො එකබීජී’ති.
ස. පටිඤ්ඤා: ආමන්තා.
අනු. ඨ: හඤ්චි සො එකබීජී,
අනු. පා: තෙන වත රෙ වත්තබ්බෙ “එකබීජී පුග්ගලො එකබීජිතානියතො’ති.
එකබීජිකථා නිට්ඨිතා.