නිගමනකථා
එත්තාවතා ච –
“සීලෙ පතිට්ඨාය නරො සපඤ්ඤො, චිත්තං පඤ්ඤඤ්ච භාවයං;
ආතාපී නිපකො භික්ඛු, සො ඉමං විජටයෙ ජට”න්ති. –
ආතාපී නිපකො භික්ඛු, සො ඉමං විජටයෙ ජට”න්ති. –
ඉමං ගාථං නික්ඛිපිත්වා යදවොචුම්හ –
“ඉමිස්සා දානි ගාථාය, කථිතාය මහෙසිනා;
වණ්ණයන්තො යථාභූතං, අත්ථං සීලාදිභෙදනං.
වණ්ණයන්තො යථාභූතං, අත්ථං සීලාදිභෙදනං.
“සුදුල්ලභං ලභිත්වාන, පබ්බජ්ජං ජිනසාසනෙ;
සීලාදිසඞ්ගහං ඛෙමං, උජුං මග්ගං විසුද්ධියා.
සීලාදිසඞ්ගහං ඛෙමං, උජුං මග්ගං විසුද්ධියා.
“යථාභූතං අජානන්තා, සුද්ධිකාමාපි යෙ ඉධ;
විසුද්ධිං නාධිගච්ඡන්ති, වායමන්තාපි යොගිනො.
විසුද්ධිං නාධිගච්ඡන්ති, වායමන්තාපි යොගිනො.
“තෙසං පාමොජ්ජකරණං, සුවිසුද්ධවිනිච්ඡයං;
මහාවිහාරවාසීනං, දෙසනානයනිස්සිතං.
මහාවිහාරවාසීනං, දෙසනානයනිස්සිතං.
“විසුද්ධිමග්ගං භාසිස්සං, තං මෙ සක්කච්ච භාසතො;
විසුද්ධිකාමා සබ්බෙපි, නිසාමයථ සාධවො”ති.
විසුද්ධිකාමා සබ්බෙපි, නිසාමයථ සාධවො”ති.
ස්වායං භාසිතො හොති.
තත්ථ ච –
තෙසං සීලාදිභෙදානං, අත්ථානං යො විනිච්ඡයො;
පඤ්චන්නම්පි නිකායානං, වුත්තො අට්ඨකථානයෙ.
පඤ්චන්නම්පි නිකායානං, වුත්තො අට්ඨකථානයෙ.
සමාහරිත්වා තං සබ්බං, යෙභුය්යෙන සනිච්ඡයො;
සබ්බසඞ්කරදොසෙහි, මුත්තො යස්මා පකාසිතො.
සබ්බසඞ්කරදොසෙහි, මුත්තො යස්මා පකාසිතො.
තස්මා විසුද්ධිකාමෙහි, සුද්ධපඤ්ඤෙහි යොගිහි;
විසුද්ධිමග්ගෙ එතස්මිං, කරණීයොව ආදරොති.
විසුද්ධිමග්ගෙ එතස්මිං, කරණීයොව ආදරොති.
විභජ්ජවාදිසෙට්ඨානං , ථෙරියානං යසස්සිනං;
මහාවිහාරවාසීනං, වංසජස්ස විභාවිනො.
මහාවිහාරවාසීනං, වංසජස්ස විභාවිනො.
භදන්තසඞ්ඝපාලස්ස, සුචිසල්ලෙඛවුත්තිනො;
විනයාචාරයුත්තස්ස, යුත්තස්ස පටිපත්තියං.
විනයාචාරයුත්තස්ස, යුත්තස්ස පටිපත්තියං.
ඛන්තිසොරච්චමෙත්තාදි-ගුණභූසිතචෙතසො;
අජ්ඣෙසනං ගහෙත්වාන, කරොන්තෙන ඉමං මයා.
අජ්ඣෙසනං ගහෙත්වාන, කරොන්තෙන ඉමං මයා.
සද්ධම්මට්ඨිතිකාමෙන , යො පත්තො පුඤ්ඤසඤ්චයො;
තස්ස තෙජෙන සබ්බෙපි, සුඛමෙධන්තු පාණිනො.
තස්ස තෙජෙන සබ්බෙපි, සුඛමෙධන්තු පාණිනො.
විසුද්ධිමග්ගො එසො ච, අන්තරායං විනා ඉධ;
නිට්ඨිතො අට්ඨපඤ්ඤාස-භාණවාරාය පාළියා.
නිට්ඨිතො අට්ඨපඤ්ඤාස-භාණවාරාය පාළියා.
යථා තථෙව ලොකස්ස, සබ්බෙ කල්යාණනිස්සිතා;
අනන්තරායා ඉජ්ඣන්තු, සීඝං සීඝං මනොරථාති.
අනන්තරායා ඉජ්ඣන්තු, සීඝං සීඝං මනොරථාති.
පරම විසුද්ධ සද්ධා බුද්ධි වීරිය පටිමණ්ඩිතෙන සීලාචාරජ්ජව මද්දවාදිගුණසමුදයසමුදිතෙන සකසමය සමයන්තරගහනජ්ඣොගාහණසමත්ථෙන පඤ්ඤාවෙය්යත්තියසමන්නාගතෙන තිපිටකපරියත්තිභෙදෙ සාට්ඨකථෙ සත්ථුසාසනෙ අප්පටිහතඤාණප්පභාවෙන මහාවෙය්යාකරණෙන කරණසම්පත්තිජනිතසුඛවිනිග්ගතමධුරොදාරවචනලාවණ්ණයුත්තෙන යුත්තමුත්තවාදිනා වාදීවරෙන මහාකවිනා ඡළභිඤ්ඤාපටිසම්භිදාදි භෙදගුණපටිමණ්ඩිතෙ උත්තරිමනුස්සධම්මෙ අප්පටිහතබුද්ධීනං ථෙරවංසප්පදීපානං ථෙරානං මහාවිහාරවාසීනං වංසාලඞ්කාරභූතෙන විපුලවිසුද්ධබුද්ධිනා බුද්ධඝොසොති ගරූහි ගහිතනාමධෙය්යෙන ථෙරෙන මුදන්තඛෙදකවත්තබ්බෙන කතො විසුද්ධිමග්ගො නාම.
තාව තිට්ඨතු ලොකස්මිං, ලොකනිත්ථරණෙසිනං;
දස්සෙන්තො කුලපුත්තානං, නයං සීලාදිසුද්ධියා.
දස්සෙන්තො කුලපුත්තානං, නයං සීලාදිසුද්ධියා.
යාව බුද්ධොති නාමම්පි, සුද්ධචිත්තස්ස තාදිනො;
ලොකම්හි ලොකජෙට්ඨස්ස, පවත්තති මහෙසිනොති.
ලොකම්හි ලොකජෙට්ඨස්ස, පවත්තති මහෙසිනොති.
ඉති සාධුජනපාමොජ්ජත්ථාය කතා විසුද්ධිමග්ගකථා, පාළිගණනාය පන සා අට්ඨපඤ්ඤාසභාණවාරා හොතීති.
විසුද්ධිමග්ගපකරණං නිට්ඨිතං.