බහුලීකාතබ්බඤ්ච වො භික්ඛවෙ ධම්මං දෙසිස්සාමි, න බහුලීකාතබ්බඤ්ච. තං සුණාථ -පෙ-

කතමො ච භික්ඛවෙ න බහුලීකාතබ්බො ධම්මො:

පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ න බහුලීකාතබ්බො ධම්මො.

කතමො ච භික්ඛවෙ බහුලීකාතබ්බො ධම්මො:

පාණාතිපාතා වෙරමණී -පෙ- සම්මාදිට්ඨි.

අයං වුච්චති භික්ඛවෙ බහුලීකාතබ්බො ධම්මොති.

අනුස්සරිතබ්බඤ්ච වො භික්ඛවෙ ධම්මං දෙසිස්සාමි, නානුස්සරිතබ්බඤ්ච. තං සුණාථ -පෙ-

කතමො ච භික්ඛවෙ නානුස්සරිතබ්බො ධම්මො:

පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ නානුස්සරිතබ්බො ධම්මො.

කතමො ච භික්ඛවෙ අනුස්සරිතබ්බො ධම්මො:

පාණාතිපාතා වෙරමණී -පෙ- සම්මාදිට්ඨි.

අයං වුච්චති භික්ඛවෙ අනුස්සරිතබ්බො ධම්මොති.

සච්ඡිකාතබ්බඤ්ච වො භික්ඛවෙ ධම්මං දෙසිස්සාමි, න සච්ඡිකාතබ්බඤ්ච. තං සුණාථ -පෙ-

කතමො ච භික්ඛවෙ න සච්ඡිකාතබ්බො ධම්මො:

පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ න සච්ඡිකාතබ්බො ධම්මො.

කතමො ච භික්ඛවෙ සච්ඡිකාතබ්බො ධම්මො:

පාණාතිපාතා වෙරමණී -පෙ- සම්මාදිට්ඨි.

අයං වුච්චති භික්ඛවෙ සච්ඡිකාතබ්බො ධම්මොති.