10. 4. 3. 4.
අත්ථ සුත්තං
අත්ථඤ්ච වො භික්ඛවෙ දෙසිස්සාමි, අනත්ථඤ්ච. තං සුණාථ -පෙ-
කතමො ච භික්ඛවෙ අනත්ථො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ අනත්ථො.
කතමො ච භික්ඛවෙ අත්ථො:
පාණාතිපාතා වෙරමණී -පෙ- සම්මාදිට්ඨීති.
අයං වුච්චති භික්ඛවෙ අත්ථො ති.
10. 4. 3. 5.
ධම්ම සුත්තං
ධම්මඤ්ච වො භික්ඛවෙ දෙසිස්සාමි, අධම්මඤ්ච. තං සුණාථ -පෙ-
කතමො ච භික්ඛවෙ අධම්මො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ අධම්මො.
කතමො ච භික්ඛවෙ ධම්මො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ ධම්මො ති.
10. 4. 3. 6.
සාසවධම්ම සුත්තං
සාසවඤ්ච වො භික්ඛවෙ ධම්මං දෙසිස්සාමි, අනාසවඤ්ච. තං සුණාථ -පෙ-
කතමො ච භික්ඛවෙ සාසවො ධම්මො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ සාසවො ධම්මො.
කතමො ච භික්ඛවෙ අනාසවො ධම්මො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ අනාසවො ධම්මො ති.
10. 4. 3. 7.
සාවජ්ජ සුත්තං
සාවජ්ජඤ්ච වො භික්ඛවෙ ධම්මං දෙසිස්සාමි, අනවජ්ජඤ්ච. තං සුණාථ -පෙ-
කතමො ච භික්ඛවෙ සාවජ්ජො ධම්මො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ සාවජ්ජො ධම්මො.
කතමො ච භික්ඛවෙ අනවජ්ජො ධම්මො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ අනවජ්ජො ධම්මො ති.
10. 4. 3. 8.
තපනීය සුත්තං
තපනීයඤ්ච වො භික්ඛවෙ ධම්මං දෙසිස්සාමි, අතපනීයඤ්ච. තං සුණාථ -පෙ-
කතමො ච භික්ඛවෙ තපනීයො ධම්මො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ තපනීයො ධම්මො.
කතමො ච භික්ඛවෙ අතපනීයො ධම්මො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ අතපනීයො ධම්මො ති.