10. 4. 3. 2.
අරියධම්ම සුත්තං
අරියධම්මඤ්ච වො භික්ඛවෙ දෙසිස්සාමි, අනරියධම්මඤ්ච තං සුණාථ -පෙ-
කතමො ච භික්ඛවෙ අනරියො ධම්මො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ අනරියො ධම්මො.
කතමො ච භික්ඛවෙ අරියො ධම්මො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ අරියො ධම්මොති.
10. 4. 3. 3.
කුසල සුත්තං
කුසලඤ්ච වො භික්ඛවෙ දෙසිස්සාමි, අකුසලඤ්ච. තං සුණාථ -පෙ-
කතමඤ්ච භික්ඛවෙ අකුසලං:
පාණාතිපාතො -පෙ- මිච්ඡාදිට්ඨි. ඉදං වුච්චති භික්ඛවෙ අකුසලං.
කතමඤ්ච භික්ඛවෙ කුසලං:
පාණාතිපාතා වෙරමණී -පෙ- සම්මාදිට්ඨි.
ඉදං වුච්චති භික්ඛවෙ කුසලන්ති.
10. 4. 3. 4.
අත්ථ සුත්තං
අත්ථඤ්ච වො භික්ඛවෙ දෙසිස්සාමි, අනත්ථඤ්ච. තං සුණාථ -පෙ-
කතමො ච භික්ඛවෙ අනත්ථො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ අනත්ථො.
කතමො ච භික්ඛවෙ අත්ථො:
පාණාතිපාතා වෙරමණී -පෙ- සම්මාදිට්ඨීති.
අයං වුච්චති භික්ඛවෙ අත්ථො ති.
10. 4. 3. 5.
ධම්ම සුත්තං
ධම්මඤ්ච වො භික්ඛවෙ දෙසිස්සාමි, අධම්මඤ්ච. තං සුණාථ -පෙ-
කතමො ච භික්ඛවෙ අධම්මො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ අධම්මො.
කතමො ච භික්ඛවෙ ධම්මො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ ධම්මො ති.