10. 4. 3. 10.
දුක්ඛුද්රය සුත්තං
දුක්ඛුද්රයඤ්ච වො භික්ඛවෙ ධම්මං දෙසිස්සාමි, සුඛුද්රයඤ්ච. තං සුණාථ -පෙ-
කතමො ච භික්ඛවෙ දුක්ඛුද්රයො ධම්මො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ දුක්ඛුද්රයො ධම්මො.
කතමො ච භික්ඛවෙ සුඛුද්රයො ධම්මො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ සුඛුද්රයො ධම්මො ති.
10. 4. 3. 11.
දුක්ඛවිපාක සුත්තං
දුක්ඛවිපාකඤ්ච වො භික්ඛවෙ ධම්මං දෙසිස්සාමි, සුඛවිපාකඤ්ච. තං සුණාථ -පෙ-
කතමො ච භික්ඛවෙ දුක්ඛවිපාකො ධම්මො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ දුක්ඛවිපාකො ධම්මො.
කතමො ච භික්ඛවෙ සුඛවිපාකො ධම්මො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ සුඛවිපාකො ධම්මො ති.
සාධුවග්ගො තතියො.
4. අරියමග්ගවග්ගො
10. 4. 4. 1.
අරියමග්ග සුත්තං
අරියමග්ගඤ්ච වො භික්ඛවෙ දෙසිස්සාමි, අනරියමග්ගඤ්ච. තං සුණාථ -පෙ-
කතමො ච භික්ඛවෙ අනරියො මග්ගො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ අනරියො මග්ගො.
කතමො ච භික්ඛවෙ අරියො මග්ගො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ අරියො මග්ගො ති.
10. 4. 4. 2.
කණ්හමග්ග සුත්තං
කණ්හමග්ගඤ්ච වො භික්ඛවෙ දෙසිස්සාමි, සුක්කමග්ගඤ්ච. තං සුණාථ -පෙ-
කතමො ච භික්ඛවෙ කණ්හො මග්ගො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ කණ්හො මග්ගො.
කතමො ච භික්ඛවෙ සුක්කො මග්ගො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ සුක්කො මග්ගො ති.
10. 4. 4. 3.
සද්ධම්ම සුත්තං
සද්ධම්මඤ්ච වො භික්ඛවෙ දෙසිස්සාමි, අසද්ධම්මඤ්ච. තං සුණාථ -පෙ-
කතමො ච භික්ඛවෙ අසද්ධම්මො:
පාණාතිපාතො -පෙ- මිච්ඡාදිට්ඨි. අයං වුච්චති භික්ඛවෙ අසද්ධම්මො.
කතමො ච භික්ඛවෙ සද්ධම්මො:
පාණාතිපාතා වෙරමණී -පෙ- සම්මාදිට්ඨි.
අයං වුච්චති භික්ඛවෙ සද්ධම්මො ති.