10. 2. 5. 10.
භබ්බාභබ්බ සුත්තං
දස ඉමෙ භික්ඛවෙ ධම්මෙ අප්පහාය අභබ්බො අරහත්තං සච්ඡිකාතුං කතමෙ දස:
රාගං දොසං මොහං කොධං උපනාහං මක්ඛං පලාසං ඉස්සං මච්ඡරියං මානං.
ඉමෙ ඛො භික්ඛවෙ දස ධම්මෙ අප්පහාය අභබ්බො අරහත්තං සච්ඡිකාතුං.
දසයිමෙ භික්ඛවෙ ධම්මෙ පහාය භබ්බො අරහත්තං සච්ඡිකාතුං කතමෙ දස:
රාගං දොසං මොහං කොධං උපනාහං මක්ඛං පලාසං ඉස්සං මච්ඡරියං මානං.
ඉමෙ ඛො භික්ඛවෙ දස ධම්මෙ පහාය භබ්බො අරහත්තං සච්ඡිකාතුන්ති.
උපාලිවග්ගො පඤ්චමො.
තත්රුද්දානං:
කාමභොගී වෙරං - දිට්ඨිවජ්ජ උත්තියා උභො
කොකනදො ආහුනියො: ථෙරො උපාලි අභබ්බොති.
දුතියො පණ්ණාසකො නිට්ඨිතො.