ගාථාසඞ්ගණිකං
1. එකංසං චීවරං කත්වා, පග්ගහෙත්වාන අඤ්ජලිං,
ආසිංසමානරූපො ව කිස්ස ත්වං ඉධ මාගතො.
ආසිංසමානරූපො ව කිස්ස ත්වං ඉධ මාගතො.
2. ද්වීසු විනයෙසු පඤ්ඤත්තා යෙ උද්දෙසං ආගච්ඡන්ති උපොසථෙසු,
කති තෙ සික්ඛාපදානි හොන්ති කතිසු නගරෙසු පඤ්ඤත්තා.
කති තෙ සික්ඛාපදානි හොන්ති කතිසු නගරෙසු පඤ්ඤත්තා.
3. භද්දකො තෙ උම්මග්ගො යොනිසො පරිපුච්ඡසි,
තග්ඝ තෙ අහමක්ඛිස්සං යථාසි කුසලො තථා.
තග්ඝ තෙ අහමක්ඛිස්සං යථාසි කුසලො තථා.
4. ද්වීසු විනයෙසු පඤ්ඤත්තා යෙ උද්දෙසං ආගච්ඡන්ති උපොසථෙසු,
අඩ්ඪුඩ්ඪසතානි තෙ හොන්ති සත්තසු නගරෙසු පඤ්ඤත්තා.
අඩ්ඪුඩ්ඪසතානි තෙ හොන්ති සත්තසු නගරෙසු පඤ්ඤත්තා.
5. කතමෙසු සත්තසු නගරෙසු පඤ්ඤත්තා ඉඞ්ඝ මෙ ත්වං බ්යාකර,
තං වචනපථං නිසාමයිත්වා පටිපජ්ජෙම හිතාය නො සියාති.
තං වචනපථං නිසාමයිත්වා පටිපජ්ජෙම හිතාය නො සියාති.
6. වෙසාලියං රාජගහෙ සාවත්ථියං ච ආළවියං,
කොසම්බියං ච සක්කෙසු භග්ගෙසු චෙව පඤ්ඤත්තා.
කොසම්බියං ච සක්කෙසු භග්ගෙසු චෙව පඤ්ඤත්තා.
7. කති වෙසාලියං පඤ්ඤත්තා කති රාජගහෙ කතා,
සාවත්ථියං කති හොන්ති කති ආළවියං කතා.
සාවත්ථියං කති හොන්ති කති ආළවියං කතා.
8. කති කොසම්බියං පඤ්ඤත්තා, කති සක්කෙසු වුච්චන්ති,
කති භග්ගෙසු පඤ්ඤත්තා තං මෙ අක්ඛාහි පුච්ඡිතො.
කති භග්ගෙසු පඤ්ඤත්තා තං මෙ අක්ඛාහි පුච්ඡිතො.
9. දස වෙසාලියං පඤ්ඤත්තා එකවීස රාජගහෙ කතා,
ඡ ඌන තීණි සතානි සබ්බෙ සාවත්ථියං කතා.
ඡ ඌන තීණි සතානි සබ්බෙ සාවත්ථියං කතා.
10. ඡ ආළවියං පඤ්ඤත්තා අට්ඨ කොසම්බියං කතා,
අට්ඨ සක්කෙසු වුච්චන්ති තයො භග්ගෙසු පඤ්ඤත්තා.
අට්ඨ සක්කෙසු වුච්චන්ති තයො භග්ගෙසු පඤ්ඤත්තා.
11. යෙ වෙසාලියං පඤ්ඤත්තා, තෙ සුණොහි යථා කථං,
මෙථුන විග්ගහුත්තරි අතිරෙකඤ්ච කාළකං.
මෙථුන විග්ගහුත්තරි අතිරෙකඤ්ච කාළකං.
12. භූතං පරම්පරභත්තං දන්තපොනෙන අචෙලකො,
භික්ඛුනීසු ච අක්කොසො දසෙතෙ වෙසාලියං කතා.
භික්ඛුනීසු ච අක්කොසො දසෙතෙ වෙසාලියං කතා.
13. යෙ රාජගහෙ පඤ්ඤත්තා තෙ සුණොහි යථා කථං,
අදින්නාදානං රාජගහෙ ද්වෙ අනුද්ධංසනාපි ච.
අදින්නාදානං රාජගහෙ ද්වෙ අනුද්ධංසනාපි ච.
14. ද්වෙ පිච භෙදා අන්තරවාසකං රූපියං සුත්තං උජ්ඣාපනෙන ච
පාචීතපිණ්ඩං ගණභොජනං විකාලෙ ච චාරිත්තං නහානං ඌනවීසති.
පාචීතපිණ්ඩං ගණභොජනං විකාලෙ ච චාරිත්තං නහානං ඌනවීසති.
15. චීවරං දත්වා වොසාසන්තී එතෙ රාජගහෙ කතා,
ගිරග්ගචරියා තත්ථෙව ඡන්දදානෙන එකවීසති.
ගිරග්ගචරියා තත්ථෙව ඡන්දදානෙන එකවීසති.
16. යෙ සාවත්ථියං පඤ්ඤත්තා තෙ සුණොහි යථා කථං,
පාරාජිකානි චත්තාරි සඞ්ඝාදිසෙසා භවන්ති සොළස.
පාරාජිකානි චත්තාරි සඞ්ඝාදිසෙසා භවන්ති සොළස.
17. අනියතා ච ද්වෙ හොන්ති නිස්සග්ගියා චතුතිංසති,
ඡ පඤ්ඤාසසතඤ්චෙව ඛුද්දකානි පවුච්චන්ති.
ඡ පඤ්ඤාසසතඤ්චෙව ඛුද්දකානි පවුච්චන්ති.
18. දසයෙව ච ගාරය්හා ද්වෙ සත්තති ච සෙඛියා,
ඡ ඌන තීණි සතානි සබ්බෙ සාවත්ථියං කතා.
ඡ ඌන තීණි සතානි සබ්බෙ සාවත්ථියං කතා.
19. යෙ ආළවියා පඤ්ඤත්තා තෙ සුණොහි යථා කථං,
කුටි කොසිය සෙය්යා ච ඛනනෙ ගච්ඡ දෙවතෙ;
සප්පාණකඤ්ච සිඤ්චන්ති ඡ එතෙ ආළවියං කතා.
කුටි කොසිය සෙය්යා ච ඛනනෙ ගච්ඡ දෙවතෙ;
සප්පාණකඤ්ච සිඤ්චන්ති ඡ එතෙ ආළවියං කතා.
20. යෙ කොසම්බියං පඤ්ඤත්තා තෙ සුණොහි යථා කථං,
මහාවිහාරො දොවචස්සං අඤ්ඤං ද්වාරං සුරාය ච,
අනාදරියං සහධම්මො පයො පානෙන අට්ඨමං.
මහාවිහාරො දොවචස්සං අඤ්ඤං ද්වාරං සුරාය ච,
අනාදරියං සහධම්මො පයො පානෙන අට්ඨමං.
21. යෙ ච සක්කෙසු පඤ්ඤත්තා තෙ සුණොහි යථා කථං,
එළකලොමානි පත්තො ච, ඔවාදො චෙව භෙසජ්ජං.
එළකලොමානි පත්තො ච, ඔවාදො චෙව භෙසජ්ජං.
22. සූචි ආරඤ්ඤිකො චෙව ඡ එතෙ කාපිලවත්ථවෙ,
උදකසුද්ධියා ඔවාදො, භික්ඛුනීසු පවුච්චන්ති.
උදකසුද්ධියා ඔවාදො, භික්ඛුනීසු පවුච්චන්ති.
23. යෙ ච භග්ගෙසු පඤ්ඤත්තා තෙ සුණොහි යථා කථං,
සමාදහිත්වා විසිබ්බෙන්ති සාමිසෙන සසිත්ථකං.
සමාදහිත්වා විසිබ්බෙන්ති සාමිසෙන සසිත්ථකං.
24. පාරාජිකානි චත්තාරි සඞ්ඝාදිසෙසානි භවන්ති,
සත්ත ච නිස්සග්ගියා අට්ඨ ද්වත්තිංසති ච ඛුද්දකා.
සත්ත ච නිස්සග්ගියා අට්ඨ ද්වත්තිංසති ච ඛුද්දකා.
25. ද්වෙ ගාරය්හා තයො සෙක්ඛා ඡ පඤ්ඤාස සික්ඛාපදා,
ඡසු නගරෙසු පඤ්ඤත්තා බුද්ධෙනාදිච්චබන්ධුනා.
ඡසු නගරෙසු පඤ්ඤත්තා බුද්ධෙනාදිච්චබන්ධුනා.
26. ඡ ඌන තීණි සතානි සබ්බෙ සාවත්ථියං කතා,
කාරුණිකෙන බුද්ධෙන ගොතමෙන යසස්සිනා.
කාරුණිකෙන බුද්ධෙන ගොතමෙන යසස්සිනා.