1. පඨමෙන ආපත්තිසමුට්ඨානෙන පාරාජිකං ආපජ්ජෙය්යාති : න හීති වත්තබ්බං. සඞ්ඝාදිසෙසං ආපජ්ජෙය්යාති : සියාති වත්තබ්බං. ථුල්ලච්චයං ආපජ්ජෙය්යාති : සියාති වත්තබ්බං. පාචිත්තියං ආපජ්ජෙය්යාති : සියාති වත්තබ්බං. පාටිදෙසනීයං ආපජ්ජෙය්යාති : සියාති වත්තබ්බං. දුක්කටං ආපජ්ජෙය්යාති : සියාති වත්තබ්බං. දුබ්භාසිතං ආපජ්ජෙය්යාති : න හීති වත්තබ්බං.

2. දුතියෙන ආපත්තිසමුට්ඨානෙන පාරාජිකං ආපජ්ජෙය්යාති : න හීති වත්තබ්බං. සඞ්ඝාදිසෙසං ආපජ්ජෙය්යාති : සියාති වත්තබ්බං. ථුල්ලච්චයං ආපජ්ජෙය්යාති : සියාති වත්තබ්බං. පාචිත්තියං ආපජ්ජෙය්යාති : සියාති වත්තබ්බං. පාටිදෙසනීයං ආපජ්ජෙය්යාති : න හීති වත්තබ්බං. දුක්කටං ආපජ්ජෙය්යාති : සියාති වත්තබ්බං. දුබ්භාසිතං ආපජ්ජෙය්යාති : න හීති වත්තබ්බං.

3. තතියෙන ආපත්තිසමුට්ඨානෙන පාරාජිකං ආපජ්ජෙය්යාති : න හීති වත්තබ්බං. සඞ්ඝාදිසෙසං ආපජ්ජෙය්යාති : සියාති වත්තබ්බං. ථුල්ලච්චයං ආපජ්ජෙය්යාති : සියාති වත්තබ්බං. පාචිත්තියං ආපජ්ජෙය්යාති : සියාති වත්තබ්බං. පාටිදෙසනීයං ආපජ්ජෙය්යාති : සියාති වත්තබ්බං. දුක්කටං ආපජ්ජෙය්යාති : සියාති වත්තබ්බං. දුබ්භාසිතං ආපජ්ජෙය්යාති : න හීති වත්තබ්බං.

4. චතුත්ථෙන ආපත්තිසමුට්ඨානෙන පාරාජිකං ආපජ්ජෙය්යාති : සියාති වත්තබ්බං. සඞ්ඝාදිසෙසං ආපජ්ජෙය්යාති : සියාති වත්තබ්බං. ථුල්ලච්චයං ආපජ්ජෙය්යාති : සියාති වත්තබ්බං. පාචිත්තියං ආපජ්ජෙය්යාති : සියාති වත්තබ්බං. පාටිදෙසනීයං ආපජ්ජෙය්යාති : සියාති වත්තබ්බං. දුක්කටං ආපජ්ජෙය්යාති : සියාති වත්තබ්බං. දුබ්භාසිතං ආපජ්ජෙය්යාති : න හීති වත්තබ්බං.

5. පඤ්චමෙන ආපත්තිසමුට්ඨානෙන පාරාජිකං ආපජ්ජෙය්යාති : සියාති වත්තබ්බං. සඞ්ඝාදිසෙසං ආපජ්ජෙය්යාති : සියාති වත්තබ්බං. ථුල්ලච්චයං ආපජ්ජෙය්යාති : සියාති වත්තබ්බං. පාචිත්තියං ආපජ්ජෙය්යාති : සියාති වත්තබ්බං. පාටිදෙසනීයං ආපජ්ජෙය්යාති : න හීති වත්තබ්බං. දුක්කටං ආපජ්ජෙය්යාති : සියාති වත්තබ්බං. දුබ්භාසිතං ආපජ්ජෙය්යාති : සියාති වත්තබ්බං.

6. ඡට්ඨෙන ආපත්තිසමුට්ඨානෙන පාරාජිකං ආපජ්ජෙය්යාති : සියාති වත්තබ්බං. සඞ්ඝාදිසෙසං ආපජ්ජෙය්යාති : සියාති වත්තබ්බං. ථුල්ලච්චයං ආපජ්ජෙය්යාති : සියාති වත්තබ්බං. පාචිත්තියං ආපජ්ජෙය්යාති : සියාති වත්තබ්බං. පාටිදෙසනීයං ආපජ්ජෙය්යාති : සියාති වත්තබ්බං. දුක්කටං ආපජ්ජෙය්යාති : සියාති වත්තබ්බං. දුබ්භාසිතං ආපජ්ජෙය්යාති : න හීති වත්තබ්බං.

1. පඨමෙන ආපත්තිසමුට්ඨානෙන කති ආපත්තියො ආපජ්ජති : පඨමෙන ආපත්තිසමුට්ඨානෙන පඤ්ච ආපත්තියො ආපජ්ජති : භික්ඛු කප්පියසඤ්ඤී සඤ්ඤාචිකාය කුටිං කරොති අදෙසිතවත්ථුකං පමාණාතික්කන්තං සාරම්භං අපරික්කමනං, පයොගෙ දුක්කටං. එකං පිණ්ඩං අනාගතෙ ආපත්ති ථුල්ලච්චයස්ස, තස්මිං පිණ්ඩෙ ආගතෙ ආපත්ති සඞ්ඝාදිසෙසස්ස. භික්ඛු කප්පියසඤ්ඤී විකාලෙ භොජනං භුඤ්ජති, ආපත්ති පාචිත්තියස්ස. භික්ඛු කප්පියසඤ්ඤී අඤ්ඤාතිකාය භික්ඛුනියා අන්තරඝරං පවිට්ඨාය හත්ථතො ඛාදනීයං වා භොජනීයං වා සහත්ථා පටිග්ගහෙත්වා භුඤ්ජති, ආපත්ති පාටිදෙසනීයස්ස. පඨමෙන ආපත්තිසමුට්ඨානෙන ඉමා පඤ්ච ආපත්තියො ආපජ්ජති.