පඨමපාරාජික සමුට්ඨානං
13. මෙථුනං සුක්කසංසග්ගො අනියතා පඨමිකා,
පුබ්බූපපරිපාචිතා රහො භික්ඛුනියා සහ.
පුබ්බූපපරිපාචිතා රහො භික්ඛුනියා සහ.
14. සභොජනෙ රහො ද්වෙ ච අඞ්ගුලි උදකෙ හසං,
පහාරෙ උග්ගිරෙ ද්වෙ ව තෙපඤ්ඤාසා ච සෙඛියා.
පහාරෙ උග්ගිරෙ ද්වෙ ව තෙපඤ්ඤාසා ච සෙඛියා.
15. අධක්ඛකගාමාවස්සුතා තලමට්ඨඤ්ච සුද්ධිකා,
වස්සං වුත්ථා ච ඔවාදං නානුබන්ධෙ පවත්තිනිං.
වස්සං වුත්ථා ච ඔවාදං නානුබන්ධෙ පවත්තිනිං.
16. ඡසත්තති ඉමෙ සික්ඛා කායමානසිකා කතා,
සබ්බෙ එකසමුට්ඨානා පඨමං පාරාජිකං යථා.
සබ්බෙ එකසමුට්ඨානා පඨමං පාරාජිකං යථා.
පඨමපාරාජිකසමුට්ඨානං නිට්ඨිතං.
දුතියපාරාජික සමුට්ඨානං
17. අදින්නං විග්ගහුත්තරිං දුට්ඨුල්ලං අත්තකාමිනං,
අමූලා අඤ්ඤභාගියා අනියතා දුතියිකා.
අමූලා අඤ්ඤභාගියා අනියතා දුතියිකා.
18. අච්ඡින්දෙ පරිණාමනෙ මුසා ඔමස පෙසුණා,
දුට්ඨුල්ලා පඨවිං ඛණෙ භූතං අඤ්ඤාය උජ්ඣාපෙ.
දුට්ඨුල්ලා පඨවිං ඛණෙ භූතං අඤ්ඤාය උජ්ඣාපෙ.
19. නික්කඩ්ඪනං සිඤ්චනඤ්ච ආමිසහෙතු භුත්තාවී,
එහි අනාදරි භිංසා අපනිධෙ ච ජීවිතං.
එහි අනාදරි භිංසා අපනිධෙ ච ජීවිතං.
20. ජානං සප්පාණකං කම්මං ඌනෙන සංවාසනාසනා,
සහධම්මිකං විලෙඛා ව මොහො අමූලකෙන ච.
සහධම්මිකං විලෙඛා ව මොහො අමූලකෙන ච.
21. කුක්කුච්චං ධම්මිකං චීවරං දත්වා පරිණාමෙය්ය පුග්ගලෙ,
කිං තෙ අකාලං අච්ඡින්දෙ දුග්ගහීත නිරයෙන ච.
කිං තෙ අකාලං අච්ඡින්දෙ දුග්ගහීත නිරයෙන ච.
22. ගණං විභඞ්ගං දුබ්බලං කඨිනාඵාසු පස්සයං,
අක්කොසචණ්ඩී මච්ඡරී ගබ්භිනී ච පායන්තියා.
අක්කොසචණ්ඩී මච්ඡරී ගබ්භිනී ච පායන්තියා.
23. ද්වෙ වස්සං සික්ඛා සඞ්ඝෙන තයො චෙව ගිහීගතා,
කුමාරීභූතා තිස්සො ච ඌනද්වාදස සම්මතා.
කුමාරීභූතා තිස්සො ච ඌනද්වාදස සම්මතා.
24. අලං තාව සොකාවාසං ඡන්දා අනුවස්සා ච ද්වෙ,
සික්ඛාපදා සත්තතිමෙ සමුට්ඨානා තිකා කතා.
සික්ඛාපදා සත්තතිමෙ සමුට්ඨානා තිකා කතා.
25. කායචිත්තෙන න වාචා වාචා චිත්තං න කායිකං,
තීහි ද්වාරෙහි ජායන්ති පාරාජිකං දුතියං යථා.
තීහි ද්වාරෙහි ජායන්ති පාරාජිකං දුතියං යථා.
දුතිය පාරාජිකසමුට්ඨානං නිට්ඨිතං.
සඤ්චරිත්ත සමුට්ඨානං
26. සඤ්චරී කුටි විහාරො ධොවනඤ්ච පටිග්ගහො,
විඤ්ඤත්තුත්තරි අභිහට්ඨුං උභින්නං දූතකෙන ච.
විඤ්ඤත්තුත්තරි අභිහට්ඨුං උභින්නං දූතකෙන ච.
27. කොසිය සුද්ධ ද්වෙභාගා ඡබ්බස්සානි නිසීදනං,
රිඤ්චන්ති රූපිකා චෙව උභො නානප්පකාරකා.
රිඤ්චන්ති රූපිකා චෙව උභො නානප්පකාරකා.
28. ඌන බන්ධන වස්සිකා සුත්තං විකප්පනෙන ච,
ද්වාර දාන සිබ්බනී ච පූවපච්චය ජොති ච.
ද්වාර දාන සිබ්බනී ච පූවපච්චය ජොති ච.
29. රතනං සූචි මඤ්චො ච තූලං නිසීදනං කණ්ඩු ච,
වස්සිකා ච සුගතෙන විඤ්ඤත්ති අඤ්ඤං චෙතාපනා.
වස්සිකා ච සුගතෙන විඤ්ඤත්ති අඤ්ඤං චෙතාපනා.
30. ද්වෙ සඞ්ඝිකා මහාජනී ද්වෙ පුග්ගලා ලහුකා ගරු,
ද්වෙ විඝාසා සාටිකා ච සමණචීවරෙන ච.
ද්වෙ විඝාසා සාටිකා ච සමණචීවරෙන ච.
31. සමපඤ්ඤාසිමෙ ධම්මා ඡහි ඨානෙහි ජායරෙ,
කායතො න චිත්තා වාචතො න කායමනා.
කායතො න චිත්තා වාචතො න කායමනා.
32. කායවාචා න චිත්තතො කායචිත්තා න වාචතො,
වාචා චිත්තා න කායෙන තීහි ද්වාරෙහි ජායරෙ,
ඡ සමුට්ඨානිකා චෙතෙ, සඤ්චරිත්තෙන සාදිසා.
වාචා චිත්තා න කායෙන තීහි ද්වාරෙහි ජායරෙ,
ඡ සමුට්ඨානිකා චෙතෙ, සඤ්චරිත්තෙන සාදිසා.
සඤ්චරිත්තසමුට්ඨානං නිට්ඨිතං.
සමනුභාසන සමුට්ඨානං
33. භෙදානුවත්තදුබ්බච දූස දුට්ඨුල්ල දිට්ඨි ච,
ඡන්දං උජ්ජග්ඝිකා ද්වෙ ච ද්වෙ ච සද්දා න බ්යාහරෙ.
ඡන්දං උජ්ජග්ඝිකා ද්වෙ ච ද්වෙ ච සද්දා න බ්යාහරෙ.
34. ඡමා නීචාසනෙ ඨානං පච්ඡතො උප්පථෙන ච,
වජ්ජානුවත්තිගහණා ඔසාරෙ පච්චාචික්ඛනා.
වජ්ජානුවත්තිගහණා ඔසාරෙ පච්චාචික්ඛනා.
35. කිස්මිං සංසට්ඨා ද්වෙ වධි විසිබ්බෙ දුක්ඛිතාය ච,
පුන සංසට්ඨා න වූපසමෙ ආරාමඤ්ච පවාරණා.
පුන සංසට්ඨා න වූපසමෙ ආරාමඤ්ච පවාරණා.
36. අන්වද්ධමාසං සහජීවි ද්වෙ චීවරං අනුබන්ධනා;
සත්තතිංස ඉමෙ ධම්මා කායවාචාය චිත්තතො
සබ්බෙ එකසමුට්ඨානා සමනුභාසනා යථා.
සත්තතිංස ඉමෙ ධම්මා කායවාචාය චිත්තතො
සබ්බෙ එකසමුට්ඨානා සමනුභාසනා යථා.
සමනුභාසනාසමුට්ඨානං නිට්ඨිතං.