සමුට්ඨානස්සුද්දානං:
1. අනිච්චා සබ්බෙ සඞ්ඛාරා දුක්ඛා‘නත්තා ච සඞ්ඛතා,
නිබ්බානඤ්චෙව පඤ්ඤත්ති අනත්තා ඉති නිච්ඡයා.
නිබ්බානඤ්චෙව පඤ්ඤත්ති අනත්තා ඉති නිච්ඡයා.
2. බුද්ධචන්දෙ අනුප්පන්නෙ බුද්ධාදිච්චෙ අනුග්ගතෙ,
තෙසං සභාගධම්මානං නාමමත්තං න ඤායති.
තෙසං සභාගධම්මානං නාමමත්තං න ඤායති.
3. දුක්කරං විවිධං කත්වා පූරයිත්වාන පාරමී,
උප්පජ්ජන්ති මහාවීරා චක්ඛුභූතා සබ්රහ්මකෙ.
උප්පජ්ජන්ති මහාවීරා චක්ඛුභූතා සබ්රහ්මකෙ.
4. තෙ දෙසයන්ති සද්ධම්මං දුක්ඛහානිං සුඛාවහං,
අඞ්ගිරසො සක්යමුනි සබ්බභූතානුකම්පකො.
අඞ්ගිරසො සක්යමුනි සබ්බභූතානුකම්පකො.
5. සබ්බසත්තූත්තමො සීහො පිටකෙ තීණි දෙසයී,
සුත්තන්තං අභිධම්මඤ්ච විනයඤ්ච මහාගුණං
සුත්තන්තං අභිධම්මඤ්ච විනයඤ්ච මහාගුණං
6. එවං නීයති සද්ධම්මො, විනයො යදි තිට්ඨති,
උභතො ච විභඞ්ගානි ඛන්ධකා යා ච මාතිකා.
උභතො ච විභඞ්ගානි ඛන්ධකා යා ච මාතිකා.
7. මාලා සුත්තගුණෙනෙව පරිවාරෙන ගන්ථිතා,
තස්සෙව පරිවාරස්ස සමුට්ඨානං නයතො කතං.
තස්සෙව පරිවාරස්ස සමුට්ඨානං නයතො කතං.
8. සම්භෙදං නිදානඤ්චඤ්ඤං සුත්තෙ දිස්සන්ති උපරි,
තස්මා සික්ඛෙ පරිවාරං, ධම්මකාමො සුපෙසලොති.
තස්මා සික්ඛෙ පරිවාරං, ධම්මකාමො සුපෙසලොති.
තෙරසසමුට්ඨානානි
9. විභඞ්ගෙ ද්වීසු පඤ්ඤත්තං උද්දිසන්ති උපොසථෙ,
පවක්ඛාමි සමුට්ඨානං යථාඤායං සුණාථ මෙ.
පවක්ඛාමි සමුට්ඨානං යථාඤායං සුණාථ මෙ.
10. පාරාජිකං යං පඨමං දුතියඤ්ච තතො පරං,
සඤ්චරිත්තානුභාසඤ්ච අතිරෙකඤ්ච චීවරං.
සඤ්චරිත්තානුභාසඤ්ච අතිරෙකඤ්ච චීවරං.
11. ලොමානි පදසො ධම්මො භූතං සංවිධානෙන ච,
ථෙය්යදෙසනචොරිං ච අනනුඤ්ඤාතාය තෙරස
ථෙය්යදෙසනචොරිං ච අනනුඤ්ඤාතාය තෙරස
12. තෙරසෙතෙ සමුට්ඨානනයා විඤ්ඤූහි චින්තිතා,
එකෙකස්මිං සමුට්ඨානෙ සදිසා ඉධ දිස්සරෙ.
එකෙකස්මිං සමුට්ඨානෙ සදිසා ඉධ දිස්සරෙ.
පඨමපාරාජික සමුට්ඨානං
13. මෙථුනං සුක්කසංසග්ගො අනියතා පඨමිකා,
පුබ්බූපපරිපාචිතා රහො භික්ඛුනියා සහ.
පුබ්බූපපරිපාචිතා රහො භික්ඛුනියා සහ.
14. සභොජනෙ රහො ද්වෙ ච අඞ්ගුලි උදකෙ හසං,
පහාරෙ උග්ගිරෙ ද්වෙ ව තෙපඤ්ඤාසා ච සෙඛියා.
පහාරෙ උග්ගිරෙ ද්වෙ ව තෙපඤ්ඤාසා ච සෙඛියා.
15. අධක්ඛකගාමාවස්සුතා තලමට්ඨඤ්ච සුද්ධිකා,
වස්සං වුත්ථා ච ඔවාදං නානුබන්ධෙ පවත්තිනිං.
වස්සං වුත්ථා ච ඔවාදං නානුබන්ධෙ පවත්තිනිං.
16. ඡසත්තති ඉමෙ සික්ඛා කායමානසිකා කතා,
සබ්බෙ එකසමුට්ඨානා පඨමං පාරාජිකං යථා.
සබ්බෙ එකසමුට්ඨානා පඨමං පාරාජිකං යථා.
පඨමපාරාජිකසමුට්ඨානං නිට්ඨිතං.
දුතියපාරාජික සමුට්ඨානං
17. අදින්නං විග්ගහුත්තරිං දුට්ඨුල්ලං අත්තකාමිනං,
අමූලා අඤ්ඤභාගියා අනියතා දුතියිකා.
අමූලා අඤ්ඤභාගියා අනියතා දුතියිකා.
18. අච්ඡින්දෙ පරිණාමනෙ මුසා ඔමස පෙසුණා,
දුට්ඨුල්ලා පඨවිං ඛණෙ භූතං අඤ්ඤාය උජ්ඣාපෙ.
දුට්ඨුල්ලා පඨවිං ඛණෙ භූතං අඤ්ඤාය උජ්ඣාපෙ.
19. නික්කඩ්ඪනං සිඤ්චනඤ්ච ආමිසහෙතු භුත්තාවී,
එහි අනාදරි භිංසා අපනිධෙ ච ජීවිතං.
එහි අනාදරි භිංසා අපනිධෙ ච ජීවිතං.
20. ජානං සප්පාණකං කම්මං ඌනෙන සංවාසනාසනා,
සහධම්මිකං විලෙඛා ව මොහො අමූලකෙන ච.
සහධම්මිකං විලෙඛා ව මොහො අමූලකෙන ච.
21. කුක්කුච්චං ධම්මිකං චීවරං දත්වා පරිණාමෙය්ය පුග්ගලෙ,
කිං තෙ අකාලං අච්ඡින්දෙ දුග්ගහීත නිරයෙන ච.
කිං තෙ අකාලං අච්ඡින්දෙ දුග්ගහීත නිරයෙන ච.
22. ගණං විභඞ්ගං දුබ්බලං කඨිනාඵාසු පස්සයං,
අක්කොසචණ්ඩී මච්ඡරී ගබ්භිනී ච පායන්තියා.
අක්කොසචණ්ඩී මච්ඡරී ගබ්භිනී ච පායන්තියා.
23. ද්වෙ වස්සං සික්ඛා සඞ්ඝෙන තයො චෙව ගිහීගතා,
කුමාරීභූතා තිස්සො ච ඌනද්වාදස සම්මතා.
කුමාරීභූතා තිස්සො ච ඌනද්වාදස සම්මතා.
24. අලං තාව සොකාවාසං ඡන්දා අනුවස්සා ච ද්වෙ,
සික්ඛාපදා සත්තතිමෙ සමුට්ඨානා තිකා කතා.
සික්ඛාපදා සත්තතිමෙ සමුට්ඨානා තිකා කතා.
25. කායචිත්තෙන න වාචා වාචා චිත්තං න කායිකං,
තීහි ද්වාරෙහි ජායන්ති පාරාජිකං දුතියං යථා.
තීහි ද්වාරෙහි ජායන්ති පාරාජිකං දුතියං යථා.
දුතිය පාරාජිකසමුට්ඨානං නිට්ඨිතං.