චොදකාදිපටිපත්ති
1. චොදකෙන කථං පටිපජ්ජිතබ්බං, චුදිතකෙන කථං පටිපජ්ජිතබ්බං, සඞ්ඝෙන කථං පටිපජ්ජිතබ්බං, අනුවිජ්ජකෙන කථං පටිපජ්ජිතබ්බං :
චොදකෙන කථං පටිපජ්ජිතබ්බන්ති, චොදකෙන පඤ්චසු ධම්මෙසු පතිට්ඨාය පරො චොදෙතබ්බො : කාලෙන වක්ඛාමි නො අකාලෙන, භූතෙන වක්ඛාමි නො අභූතෙන, සණ්හෙන වක්ඛාමි නො ඵරුසෙන, අත්ථසංහිතෙන වක්ඛාමි නො අනත්ථසංහිතෙන, මෙත්තාචිත්තො වක්ඛාමි නො දොසන්තරොති : චොදකෙන එවං පටිපජ්ජිතබ්බං.
චුදිතකෙන කථං පටිපජ්ජිතබ්බන්ති චුදිතකෙන ද්වීසු ධම්මෙසු පටිපජ්ජිතබ්බං : සච්චෙ ච, අකුප්පෙ ච. චුදිතකෙන එවං පටිපජ්ජිතබ්බං.
සඞ්ඝෙන කථං පටිපජ්ජිතබ්බන්ති සඞ්ඝෙන ඔතිණ්ණානොතිණ්ණං ජානිතබ්බං සඞ්ඝෙන එවං පටිපජ්ජිතබ්බං.
අනුවිජ්ජකෙන කථං පටිපජ්ජිතබ්බන්ති අනුවිජ්ජකෙන යෙන ධම්මෙන යෙන විනයෙන යෙන සත්ථුසාසනෙන තං අධිකරණං වූපසම්මති තථා තං අධිකරණං වූපසමෙතබ්බං. අනුවිජ්ජකෙන එවං පටිපජ්ජිතබ්බං.
2. උපොසථො කිමත්ථාය, පවාරණා කිස්ස කාරණා,
පරිවාසො කිමත්ථාය, මූලායපටිකස්සනා කිස්ස කාරණා ;
මානත්තං කිමත්ථාය අබ්භානං කිස්ස කාරණා.
පරිවාසො කිමත්ථාය, මූලායපටිකස්සනා කිස්ස කාරණා ;
මානත්තං කිමත්ථාය අබ්භානං කිස්ස කාරණා.
3. උපොසථො සාමග්ගත්ථාය විසුද්ධත්ථාය පවාරණා,
පරිවාසො මානත්තත්ථාය මූලායපටිකස්සනා නිග්ගහත්ථාය ;
මානත්තං අබ්භානත්ථාය විසුද්ධත්ථාය අබ්භානං.
පරිවාසො මානත්තත්ථාය මූලායපටිකස්සනා නිග්ගහත්ථාය ;
මානත්තං අබ්භානත්ථාය විසුද්ධත්ථාය අබ්භානං.
4. ඡන්දා දොසා භයා මොහා, ථෙරෙ ච පරිභාසති,
කායස්ස භෙදා දුප්පඤ්ඤො ඛතො උපහතින්ද්රියො ;
නිරයං ගච්ඡති දුම්මෙධො න ච සික්ඛාය ගාරවො.
කායස්ස භෙදා දුප්පඤ්ඤො ඛතො උපහතින්ද්රියො ;
නිරයං ගච්ඡති දුම්මෙධො න ච සික්ඛාය ගාරවො.
5. න චාමිසං හි නිස්සාය න ච නිස්සාය පුග්ගලං,
උභො එතෙ විවජ්ජෙත්වා යථාධම්මො තථා කරෙ.
උභො එතෙ විවජ්ජෙත්වා යථාධම්මො තථා කරෙ.
චොදකස්ස අත්තජ්ඣාපනං
1. කොධනො උපනාහී ච,
චණ්ඩො ච පරිභාසකො,
අනාපත්තියා ආපත්තීති රොපෙති ;
තාදිසො චොදකො ඣාපෙති අත්තානං.
චණ්ඩො ච පරිභාසකො,
අනාපත්තියා ආපත්තීති රොපෙති ;
තාදිසො චොදකො ඣාපෙති අත්තානං.
2. උපකණ්ණකං ජප්පති ජිම්හං පෙක්ඛති
වීතිහරති කුම්මග්ගං පටිසෙවති,
අනාපත්තියා ආපත්තීති රොපෙති,
තාදිසො චොදකො ඣාපෙති අත්තානං.
වීතිහරති කුම්මග්ගං පටිසෙවති,
අනාපත්තියා ආපත්තීති රොපෙති,
තාදිසො චොදකො ඣාපෙති අත්තානං.
3. අකාලෙන චොදෙති අභූතෙන
ඵරුසෙන අනත්ථසංහිතෙන,
දොසන්තරො චොදෙති නො මෙත්තාචිත්තො
අනාපත්තියා ආපත්තීති රොපෙති,
තාදිසො චොදකො ඣාපෙති අත්තානං.
ඵරුසෙන අනත්ථසංහිතෙන,
දොසන්තරො චොදෙති නො මෙත්තාචිත්තො
අනාපත්තියා ආපත්තීති රොපෙති,
තාදිසො චොදකො ඣාපෙති අත්තානං.
4. ධම්මාධම්මං න ජානාති
ධම්මාධම්මස්ස අකොවිදො,
අනාපත්තියා ආපත්තීති රොපෙති ;
තාදිසො චොදකො ඣාපෙති අත්තානං.
ධම්මාධම්මස්ස අකොවිදො,
අනාපත්තියා ආපත්තීති රොපෙති ;
තාදිසො චොදකො ඣාපෙති අත්තානං.
5. විනයාවිනයං න ජානාති
විනයාවිනයස්ස අකොවිදො,
අනාපත්තියා ආපත්තීති රොපෙති ;
තාදිසො චොදකො ඣාපෙති අත්තානං.
විනයාවිනයස්ස අකොවිදො,
අනාපත්තියා ආපත්තීති රොපෙති ;
තාදිසො චොදකො ඣාපෙති අත්තානං.
6. භාසිතාභාසිතං න ජානාති
භාසිතාභාසිතස්ස අකොවිදො,
අනාපත්තියා ආපත්තීති රොපෙති ;
තාදිසො චොදකො ඣාපෙති අත්තානං.
භාසිතාභාසිතස්ස අකොවිදො,
අනාපත්තියා ආපත්තීති රොපෙති ;
තාදිසො චොදකො ඣාපෙති අත්තානං.
7. ආචිණ්ණානාචිණ්ණං න ජානාති,
ආචිණ්ණානාචිණ්ණස්ස අකොවිදො,
අනාපත්තියා ආපත්තීති රොපෙති
තාදිසො චොදකො ඣාපෙති අත්තානං.
ආචිණ්ණානාචිණ්ණස්ස අකොවිදො,
අනාපත්තියා ආපත්තීති රොපෙති
තාදිසො චොදකො ඣාපෙති අත්තානං.
8. පඤ්ඤත්තාපඤ්ඤත්තං න ජානාති
පඤ්ඤත්තාපඤ්ඤත්තස්ස අකොවිදො,
අනාපත්තියා ආපත්තීති රොපෙති
තාදිසො චොදකො ඣාපෙති අත්තානං.
පඤ්ඤත්තාපඤ්ඤත්තස්ස අකොවිදො,
අනාපත්තියා ආපත්තීති රොපෙති
තාදිසො චොදකො ඣාපෙති අත්තානං.
9. ආපත්තානාපත්තිං න ජානාති
ආපත්තානාපත්තියා අකොවිදො
අනාපත්තියා ආපත්තීති රොපෙති
තාදිසො චොදකො ඣාපෙති අත්තානං
ආපත්තානාපත්තියා අකොවිදො
අනාපත්තියා ආපත්තීති රොපෙති
තාදිසො චොදකො ඣාපෙති අත්තානං
10. ලහුකගරුකං න ජානාති
ලහුකගරුකස්ස අකොවිදො,
අනාපත්තියා ආපත්තීති රොපෙති
තාදිසො චොදකො ඣාපෙති අත්තානං.
ලහුකගරුකස්ස අකොවිදො,
අනාපත්තියා ආපත්තීති රොපෙති
තාදිසො චොදකො ඣාපෙති අත්තානං.
11. සාවසෙසානවසෙසං න ජානාති
සාවසෙසානවසෙසස්ස අකොවිදො,
අනාපත්තියා ආපත්තීති රොපෙති
තාදිසො චොදකො ඣාපෙති අත්තානං.
සාවසෙසානවසෙසස්ස අකොවිදො,
අනාපත්තියා ආපත්තීති රොපෙති
තාදිසො චොදකො ඣාපෙති අත්තානං.