අපරගාථාසඞ්ගණිකං
1. චොදනා කිමත්ථාය, සාරණා කිස්ස කාරණා.
සඞ්ඝො කිමත්ථාය මතිකම්මං පන කිස්ස කාරණා :
සඞ්ඝො කිමත්ථාය මතිකම්මං පන කිස්ස කාරණා :
2. චොදනා සාරණත්ථාය නිග්ගහත්ථාය සාරණා,
සඞ්ඝො පරිග්ගහත්ථාය මතිකම්මං පන පාටියෙක්කං.
සඞ්ඝො පරිග්ගහත්ථාය මතිකම්මං පන පාටියෙක්කං.
3. මා ඛො තුරිතො අභණි මා ඛො චණ්ඩික්කතො භණී,
මා ඛො පටිඝං ජනයි සචෙ අනුවිජ්ජකො තුවං.
මා ඛො පටිඝං ජනයි සචෙ අනුවිජ්ජකො තුවං.
4. මා ඛො සහසා අභණි කථං විග්ගාහිකං අනත්ථසංහිතං,
සුත්තෙ විනයෙ අනුලොමෙ පඤ්ඤත්තෙ අනුලොමිකෙ.
සුත්තෙ විනයෙ අනුලොමෙ පඤ්ඤත්තෙ අනුලොමිකෙ.
5. අනුයොගවත්තං නිසාමය කුසලෙන බුද්ධිමතා කතං,
සුවුත්තං සික්ඛාපදානුලොමිකං ගතිං න නාසෙන්තො සම්පරායිකං,
සුවුත්තං සික්ඛාපදානුලොමිකං ගතිං න නාසෙන්තො සම්පරායිකං,
6. හිතෙසී අනුයුඤ්ජස්සු කාලෙනත්ථූපසංහිතං,
චුදිතස්ස ච චොදකස්ස ච සහසා වොහාරං මා පධාරෙහි
චුදිතස්ස ච චොදකස්ස ච සහසා වොහාරං මා පධාරෙහි
7. චොදකො ආහ ආපන්නොති චුදිතකො ආහ අනාපන්නොති.
උභො අනුක්ඛිපන්තො පටිඤ්ඤානුසන්ධිතෙන කාරයෙ.
උභො අනුක්ඛිපන්තො පටිඤ්ඤානුසන්ධිතෙන කාරයෙ.
8. පටිඤ්ඤා ලජ්ජීසු කතා අලජ්ජීසු එවං න විජ්ජති,
බහුම්පි අලජ්ජී භාසෙය්ය වත්තානුසන්ධිතෙන කාරයෙ.
බහුම්පි අලජ්ජී භාසෙය්ය වත්තානුසන්ධිතෙන කාරයෙ.
9. අලජ්ජී කීදිසො හොති පටිඤ්ඤා යස්ස න රූහති,
එවඤ්ච තාහං පුච්ඡාමි, කීදිසො වුච්චති අලජ්ජී පුග්ගලො :
එවඤ්ච තාහං පුච්ඡාමි, කීදිසො වුච්චති අලජ්ජී පුග්ගලො :
10. සංචිච්ච ආපත්තිං ආපජ්ජති ආපත්තිං පරිගූහති,
අගතිගමනඤ්ච ගච්ඡති එදිසො වුච්චති අලජ්ජීපුග්ගලො.
අගතිගමනඤ්ච ගච්ඡති එදිසො වුච්චති අලජ්ජීපුග්ගලො.
11. සච්චං අහම්පි ජානාමි එදිසො වුච්චති අලජ්ජීපුග්ගලො,
අඤ්ඤඤ්ච තාහං පුච්ඡාමි කීදිසො වුච්චති ලජ්ජීපුග්ගලො :
අඤ්ඤඤ්ච තාහං පුච්ඡාමි කීදිසො වුච්චති ලජ්ජීපුග්ගලො :
12. සංචිච්ච ආපත්තිං නාපජ්ජති ආපත්තිං න පරිගූහති,
අගතිගමනං න ගච්ඡති එදිසො වුච්චති ලජ්ජීපුග්ගලො.
අගතිගමනං න ගච්ඡති එදිසො වුච්චති ලජ්ජීපුග්ගලො.
13. සච්චං අහම්පි ජානාමි, එදිසො වුච්චති ලජ්ජීපුග්ගලො,
අඤ්ඤඤ්ච තාහං පුච්ඡාමි කීදිසො වුච්චති අධම්මචොදකො :
අඤ්ඤඤ්ච තාහං පුච්ඡාමි කීදිසො වුච්චති අධම්මචොදකො :
14. අකාලෙ චොදෙති අභූතෙන ඵරුසෙන අනත්ථසංහිතෙන,
දොසන්තරො චොදෙති නො මෙත්තචිත්තො එදිසො වුච්චති අධම්මචොදකො.
දොසන්තරො චොදෙති නො මෙත්තචිත්තො එදිසො වුච්චති අධම්මචොදකො.
15. සච්චං අහම්පි ජානාමි එදිසො වුච්චති අධම්මචොදකො,
අඤ්ඤඤ්ච තාහං පුච්ඡාමි කීදිසො වුච්චති ධම්මචොදකො :
අඤ්ඤඤ්ච තාහං පුච්ඡාමි කීදිසො වුච්චති ධම්මචොදකො :
16. කාලෙන චොදෙති භූතෙන, සණ්හෙන අත්ථසංහිතෙන,
මෙත්තාචිත්තො චොදෙති නො දොසන්තරො එදිසො වුච්චති ධම්මචොදකො.
මෙත්තාචිත්තො චොදෙති නො දොසන්තරො එදිසො වුච්චති ධම්මචොදකො.
17. සච්චං අහම්පි ජානාමි එදිසො වුච්චති ධම්මචොදකො,
අඤ්ඤඤ්ච තාහං පුච්ඡාමි කීදිසො වුච්චති බාලචොදකො :
අඤ්ඤඤ්ච තාහං පුච්ඡාමි කීදිසො වුච්චති බාලචොදකො :
18. පුබ්බාපරං න ජානාති පුබ්බාපරස්ස අකොවිදො,
අනුසන්ධිවචනපථං න ජානාති අනුසන්ධිවචනපථස්ස අකොවිදො එදිසො වුච්චති බාලචොදකො.
අනුසන්ධිවචනපථං න ජානාති අනුසන්ධිවචනපථස්ස අකොවිදො එදිසො වුච්චති බාලචොදකො.
19. සච්චං අහම්පි ජානාමි එදිසො වුච්චති බාලචොදකො,
අඤ්ඤඤ්ච තාහං පුච්ඡාමි කීදිසො වුච්චති පණ්ඩිතචොදකො :
අඤ්ඤඤ්ච තාහං පුච්ඡාමි කීදිසො වුච්චති පණ්ඩිතචොදකො :
20. පුබ්බාපරං විජානාති පුබ්බාපරස්ස කොවිදො,
අනුසන්ධිවචනපථං ජානාති අනුසන්ධිවචනපථස්ස කොවිදො ;
එදිසො වුච්චති පණ්ඩිතචොදකො.
අනුසන්ධිවචනපථං ජානාති අනුසන්ධිවචනපථස්ස කොවිදො ;
එදිසො වුච්චති පණ්ඩිතචොදකො.
21. සච්චං අහම්පි ජානාමි එදිසො වුච්චති පණ්ඩිතචොදකො,
අඤ්ඤඤ්ච තාහං පුච්ඡාමි චොදනා කින්ති වුච්චති :
අඤ්ඤඤ්ච තාහං පුච්ඡාමි චොදනා කින්ති වුච්චති :
22. සීලවිපත්තියා චොදෙති අථො ආචාරදිට්ඨියා,
ආජීවෙනපි චොදෙති චොදනා තෙන වුච්චති.
ආජීවෙනපි චොදෙති චොදනා තෙන වුච්චති.
අපරගාථාසඞ්ගණිකං නිට්ඨිතං.