පණ්ණරසමසික්ඛාපදං.
පාදුකවග්ගො සත්තමො.
උද්දානං:
‘පරිමණ්ඩලං පටිච්ඡන්නං සුසංවුතොක්ඛිත්තචක්ඛුනා
උක්ඛිත්තුජ්ජග්ඝිකප්පසද්දො තයො චෙව පචාලනා
උක්ඛිත්තුජ්ජග්ඝිකප්පසද්දො තයො චෙව පචාලනා
ඛම්හ ඔගුණ්ඨිතා චෙව කුටිපල්ලත්ථිකාය ච,
සක්කච්චං පත්තසඤ්ඤී ච සමසූපසමතිත්තිකං.
සක්කච්චං පත්තසඤ්ඤී ච සමසූපසමතිත්තිකං.
සක්කච්චං පත්තයසඤ්ඤි ච සපදාන සමසූපකං,
ථූපතො ච පටිච්ඡන්නං විඤ්ඤත්තුජ්ඣානසඤ්ඤිනා.
ථූපතො ච පටිච්ඡන්නං විඤ්ඤත්තුජ්ඣානසඤ්ඤිනා.
න මහන්තං මණ්ඩලං ද්වාරං සබ්බං හත්ථං න බ්යාහරරෙ,
උක්ඛෙපො ඡෙදනං ගණ්ඩං ධුනං සිත්ථාවකාරකං.
උක්ඛෙපො ඡෙදනං ගණ්ඩං ධුනං සිත්ථාවකාරකං.
ජිව්හානිච්ඡාරකං චෙව වපුස්සුරු සුරෙන ච,
හත්ථො පත්තො ච ඔට්ඨො ච සාමිසඤ්ච සසිත්ථකං.
හත්ථො පත්තො ච ඔට්ඨො ච සාමිසඤ්ච සසිත්ථකං.
ඡත්තපාණිස්ස සද්ධම්මං න දෙසෙන්ති තථාගතා,
ඉච්චෙව දණ්ඩපාණිස්ස සත්ථආයුධපාණිනං.
ඉච්චෙව දණ්ඩපාණිස්ස සත්ථආයුධපාණිනං.
පාදුකොපාහනා චෙව යානා සෙය්යගතස්ස ච,
පල්ලත්ථිකා නිසින්නස්ස වෙඨිතොගුණ්ඨිතස්ස ච
පල්ලත්ථිකා නිසින්නස්ස වෙඨිතොගුණ්ඨිතස්ස ච
ඡමා නීචාසනෙ ඨානං පච්ඡතො උප්පථෙන ච.
ඨිතකෙන න කාතබ්බං හරිතෙ උදකම්හි චාති.
ඨිතකෙන න කාතබ්බං හරිතෙ උදකම්හි චාති.
තෙසං වග්ගානං උද්දානං:
පරිමණ්ඩලං උජ්ජගසි ඛම්භං සක්කච්චමෙව ච,
කබළාසුරු සුරූ චෙව පාදුකෙන ච සත්තමාති.
කබළාසුරු සුරූ චෙව පාදුකෙන ච සත්තමාති.
පඤ්ඤත්තා අතිදෙවෙන ගොතමෙන යස්සසිනා,
සාවකෙ සික්ඛනත්ථාය පඤ්චසත්තති සෙඛියාති.
සාවකෙ සික්ඛනත්ථාය පඤ්චසත්තති සෙඛියාති.
උද්දිට්ඨා ඛො ආයස්මන්තො සෙඛියා ධම්මා. තත්ථායස්මන්තෙ පුච්ඡාමි කච්චිත්ථ පරිසුද්ධා. දුතියම්පි පුච්ඡාමි කච්චිත්ථ පරිසුද්ධා. තතියම්පි පුච්ඡාමි කච්චිත්ථ පරිසුද්ධා. පරිසුද්ධෙත්ථායස්මන්තො තස්මා තුණ්හී එවමෙතං ධාරයාමීති.
සෙඛියා.