2. 9. 1-12.
ගඞ්ගාදිසුත්තානි
723-734. සෙය්යථාපි භික්ඛවෙ, ගඞ්ගානදී පාචීනනින්නා පාචීනපොණා පාචීනපබ්භාරා, එවමෙව ඛො භික්ඛවෙ, භික්ඛු සත්ත බොජ්ඣඞ්ගෙ භාවෙන්තො සත්ත බොජ්ඣඞ්ගෙ බහුලීකරොන්තො නිබ්බානනින්නො හොති, නිබ්බානපොණො නිබ්බානපබ්භාරො. කථඤ්ච භික්ඛවෙ, භික්ඛු සත්ත බොජ්ඣඞ්ගෙ භාවෙන්තො සත්ත බොජ්ඣඞ්ගෙ බහුලීකරොන්තො නිබ්බානනින්නො හොති නිබ්බානපොණො නිබ්බානපබ්භාරො. ඉධ භික්ඛවෙ, භික්ඛු සතිසම්බොජ්ඣඞ්ගං භාවෙති -පෙ- උපෙඛාසම්බොජ්ඣඞ්ගං භාවෙති විවෙකනිස්සිතං විරාගනිස්සිතං නිරොධනිස්සිතං වොස්සග්ගපරිණාමිං. එවං ඛො භික්ඛවෙ, භික්ඛු සත්තබොජ්ඣඞ්ගෙ භාවෙන්තො සත්ත බොජ්ඣඞ්ගෙ බහුලීකරොන්තො නිබ්බානනින්නො හොති නිබ්බානපොණො නිබ්බානපබ්භාරොති. -පෙ- නිබ්බානපබ්භාරොති. (ද්වාදසසුත්තානි විත්ථාරෙතබ්බානි.)
ගඞ්ගාපෙය්යාලො නවමො.
තත්රුද්දානං:
ඡ පාචීනතො නින්නා ඡ නින්නා සමුද්දතො
එතෙ ද්වෙව ද්වාදස හොන්ති වග්ගො තෙන පවුච්චතීති.
10. අප්පමාදවග්ගො
2. 10. 1-10.
තථාගතාදි සුත්තානි
735-744. යාවතා භික්ඛවෙ, සත්තා අපදා වා ද්විපදා වා චතුප්පදා වා බහුප්පදා වා -පෙ- බහුලීකරොතීති.
(බොජ්ඣඞ්ගවසෙන දස සුත්තන්තානි විත්ථාරෙතබ්බානි)
අප්පමාදවග්ගො දසමො.
තත්රුද්දානං:
තථාගතං පදං කූටං මූලං සාරෙන වස්සිතං
රාජා චන්දිමසූරියා ච වත්ථෙන දසමං පදන්ති.
11. බලකරණීයවග්ගො
2. 11. 1-12.
බලාදිසුත්තානි
745-756. සෙය්යථාපි භික්ඛවෙ, යෙ කෙචි බලකරණීයා කම්මන්තා කාරීයන්ති -පෙ- බහුලීකරොතීති.
(බොජ්ඣඞ්ගවසෙන ද්වාදසසුත්තා විත්ථාරෙතබ්බා).
බලකරණීයවග්ගො එකාදසමො.
තත්රුද්දානං:
බලං බීජඤ්ච නාගො ච රුක්ඛං කුම්භෙන සූකෙන
ආකාසෙන ච ද්වෙ මෙඝා නාවා ආගන්තුකා නදීති.
12. එසනාවග්ගො
2. 12. 1-40.
එසනාදිසුත්තානි
757-796. තිස්සො ඉමා භික්ඛවෙ, එසනා. කතමා තිස්සො: කාමෙසනා, භවෙසනා, බ්රහ්මචරියෙසනා -පෙ- භාවෙතබ්බොති.
(මග්ගසංයුත්තස්ස එසනාවග්ගො විය විත්ථාරෙතබ්බො)
එසනාවග්ගො ද්වාදසමො.
තත්රුද්දානං:
එසනා විධා ආසවො භවො ච දුක්ඛතා තිස්සො
ඛිලං මලඤ්ච නීඝො ච වෙදනා තණ්හාති තෙදසාති.
13. ඔඝවග්ගො
2. 13. 1-40.
ඔඝාදිසුත්තානි
797-836. චත්තාරොමෙ භික්ඛවෙ, ඔඝා. කතමෙ චත්තාරො: කාමොඝො, භවොඝො, දිට්ඨොඝො, අවිජ්ජොඝො -පෙ- භාවෙතබ්බොති.
(මග්ගසංයුත්තස්ස ඔඝවග්ගො විය විත්ථාරෙතබ්බො)
ඔඝවග්ගො තෙළසමො.
තත්රුද්දානං:
ඔඝො යොගො උපාදානං ගන්ථො අනුසයෙන චකාමගුණා නීවරණා ඛන්ධා ඔරුද්ධම්භාගියාති.