9. 2. 14.
දුතියසම්මප්පධානසුත්තං
452. කතමො ච භික්ඛවෙ අසඞ්ඛතගාමි මග්ගො: ඉධ භික්ඛවෙ භික්ඛු උප්පන්නානං පාපකානං අකුසලානං ධම්මානං පහානාය ඡන්දං ජනෙති වායමති විරියං ආරභති චිත්තං පග්ගණ්හාති පදහති. අයං වුච්චති භික්ඛවෙ අසඞ්ඛතගාමිමග්ගො -පෙ- අනුසාසනීති.
9. 2. 15.
තතියසම්මප්පධානසුත්තං
453. කතමො ච භික්ඛවෙ අසඞ්ඛතගාමිමග්ගො: ඉධ භික්ඛවෙ භික්ඛු අනුප්පන්නානං කුසලානං ධම්මානං උප්පාදාය ඡන්දං ජනෙති වායමති විරියං ආරභති -පෙ- අයං වුච්චති භික්ඛවෙ අසඞ්ඛතගාමිමග්ගො -පෙ- අනුසාසනීති.
9. 2. 16.
චතුත්ථසම්මප්පධානසුත්තං
454. කතමො ච භික්ඛවෙ අසඞ්ඛතගාමිමග්ගො: ඉධ භික්ඛවෙ භික්ඛු උප්පන්නානං කුසලානං ධම්මානං ඨිතියා අසම්මොසාය භිය්යොභාවාය වෙපුල්ලාය භාවනාය පාරිපූරියා ඡන්දං ජනෙති -පෙ- අයං වුච්චති භික්ඛවෙ අසඞ්ඛතගාමිමග්ගො -පෙ- අනුසාසනීති.
9. 2. 17.
ඡන්දිද්ධිපාදසුත්තං
455. කතමො ච භික්ඛවෙ අසඞ්ඛතගාමිමග්ගො: ඉධ භික්ඛවෙ භික්ඛු ඡන්දසමාධිපධානසඞ්ඛාරසමන්නාගතං ඉද්ධිපාදං භාවෙති. අයං වුච්චති භික්ඛවෙ අසඞ්ඛතගාමිමග්ගො -පෙ- අනුසාසනීති.
9. 2. 18.
විරියිද්ධිපාදසුත්තං
456. කතමො ච භික්ඛවෙ අසඞ්ඛතගාමිමග්ගො: ඉධ භික්ඛවෙ භික්ඛු විරියසමාධිපධානසඞ්ඛාරසමන්නාගතං ඉද්ධිපාදං භාවෙති. අයං වුච්චති භික්ඛවෙ අසඞ්ඛතගාමිමග්ගො -පෙ- අනුසාසනීති.
9. 2. 19.
චිත්තිද්ධිපාදසුත්තං
457. කතමො ච භික්ඛවෙ අසඞ්ඛතගාමිමග්ගො: ඉධ භික්ඛවෙ භික්ඛු චිත්තසමාධිපධානසඞ්ඛාරසමන්නාගතං ඉද්ධිපාදං භාවෙති. අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 20.
වීමංසිද්ධිපාදසුත්තං
458. කතමො ච භික්ඛවෙ අසඞ්ඛතගාමිමග්ගො: ඉධ භික්ඛවෙ භික්ඛු වීමංසාසමාධිපධානසඞ්ඛාරසමන්නාගතං ඉද්ධිපාදං භාවෙති. අයං වුච්චති භික්ඛවෙ අසඞ්ඛතගාමිමග්ගො -පෙ- අනුසාසනීති.