34. සාවත්ථියං–

සබ්බං භික්ඛවෙ ජරාධම්මං -පෙ-

35. සබ්බං භික්ඛවෙ, ව්යාධිධම්මං -පෙ-

36. සබ්බං භික්ඛවෙ, මරණධම්මං -පෙ-

37. සබ්බං භික්ඛවෙ, සොකධම්මං -පෙ-

38. සබ්බං භික්ඛවෙ, සංකිලෙසිකධම්මං -පෙ-

39. සබ්බං භික්ඛවෙ, ඛයධම්මං -පෙ-

41. සබ්බං භික්ඛවෙ, සමුදයධම්මං -පෙ-

42. සාවත්ථියං–

සබ්බං භික්ඛවෙ, නිරොධධම්මං, කිඤ්ච භික්ඛවෙ සබ්බං නිරොධධම්මං: චක්ඛුං භික්ඛවෙ, නිරොධධම්මං. රූපා නිරොධධම්මා, චක්ඛුවිඤ්ඤාණං නිරොධධම්මං, චක්ඛුසම්ඵස්සො නිරොධධම්මො. යම්පිදං චක්ඛුසම්ඵස්සපච්චයා උප්පජ්ජති වෙදයිතං සුඛං වා දුක්ඛං වා අදුක්ඛමසුඛං වා තම්පි නිරොධධම්මං. සොතං -පෙ-

ජිව්හා නිරොධධම්මා, රසා නිරොධධම්මා, ජිව්හාවිඤ්ඤාණං නිරොධධම්මං, ජිව්හාසම්ඵස්සො නිරොධධම්මො. යම්පිදං ජිව්හාසම්ඵස්සපච්චයා උප්පජ්ජති වෙදයිතං සුඛං වා දුක්ඛං වා අදුක්ඛමසුඛං වා තම්පි නිරොධධම්මං. කායො -පෙ-

මනො නිරොධධම්මො, ධම්මා නිරොධධම්මා, මනොවිඤ්ඤාණං නිරොධධම්මං, මනොසම්ඵස්සො නිරොධධම්මො. යම්පිදං මනොසම්ඵස්සපච්චයා උප්පජ්ජති වෙදයිතං සුඛං වා දුක්ඛං වා අදුක්ඛමසුඛං වා තම්පි නිරොධධම්මං.

එවං පස්සං භික්ඛවෙ, සුතවා අරියසාවකො චක්ඛුස්මිම්පි නිබ්බින්දති, -පෙ- නාපරං ඉත්ථත්තායාති පජානාතීති.