1. 14. 3.
සගය්හසුත්තං
136. රූපාරාමා භික්ඛවෙ දෙවමනුස්සා රූපරතා රූපසම්මුදිතා. රූපවිපරිණාමවිරාගනිරොධා දුක්ඛා භික්ඛවෙ දෙවමනුස්සා විහරන්ති. සද්දාරාමා -පෙ- ගන්ධාරාමා -පෙ- රසාරාමා -පෙ- ඵොට්ඨබ්බාරාමා -පෙ- ධම්මාරාමා භික්ඛවෙ, දෙවමනුස්සා ධම්මරතා ධම්මසම්මුදිතා. ධම්මවිපරිණාමවිරාගනිරොධා දුක්ඛා භික්ඛවෙ දෙවමනුස්සා විහරන්ති.
තථාගතො ච ඛො භික්ඛවෙ අරහං සම්මාසම්බුද්ධො රූපානං සමුදයඤ්ච අත්ථගමඤ්ච අස්සාදඤ්ච ආදීනවඤ්ච නිස්සරණඤ්ච යථාභූතං විදිත්වා න රූපාරාමො න රූපරතො න රූපසම්මුදිතො. රූපවිපරිණාමවිරාගනිරොධා සුඛො භික්ඛවෙ තථාගතො විහරති. සද්දානං -පෙ- ගන්ධානං -පෙ- රසානං -පෙ- ඵොට්ඨබ්බානං -පෙ- ධම්මානං සමුදයඤ්ච අත්ථගමඤ්ච අස්සාදඤ්ච ආදීනවඤ්ච නිස්සරණඤ්ච යථාභූතං විදිත්වා න ධම්මාරාමො න ධම්මරතො න ධම්මසම්මුදිතො. ධම්මවිපරිණාමවිරාගනිරොධා සුඛො භික්ඛවෙ තථාගතො විහරතීති. ඉදමවොච භගවා. ඉදං වත්වා සුගතො අථාපරං එතදවොච සත්ථා:
රූපා සද්දා රසා ගන්ධා ඵස්සා ධම්මා ච කෙවලා
ඉට්ඨා කන්තා මනාපා ච යාවතත්ථිති වුච්චති.
ඉට්ඨා කන්තා මනාපා ච යාවතත්ථිති වුච්චති.
සදෙවකස්ස ලොකස්ස එතෙ වො සුඛසම්මතා
යත්ථ චෙතො නිරුජ්ඣන්ති තං තෙසං දුක්ඛසම්මතං.
යත්ථ චෙතො නිරුජ්ඣන්ති තං තෙසං දුක්ඛසම්මතං.
සුඛන්ති දිට්ඨමරියෙභි සක්කායස්සුපරොධනං
පච්චනීකමිදං හොති සබ්බලොකෙන පස්සතං
පච්චනීකමිදං හොති සබ්බලොකෙන පස්සතං
යං පරෙ සුඛතො ආහු තදරියා ආහු දුක්ඛතො
යං පරෙ දුක්ඛතො ආහු තදරියා සුඛතො විදූ.
යං පරෙ දුක්ඛතො ආහු තදරියා සුඛතො විදූ.
පස්ස ධම්මං දුරාජානං සම්මූළ්හෙත්ථ අවිද්දසු
නිවුතානං තමො හොති අන්ධකාරො අපස්සතං.
නිවුතානං තමො හොති අන්ධකාරො අපස්සතං.
සතඤ්ච විවටං හොති ආලොකො පස්සතාමිච
සන්තිකෙ න විජානන්ති මගා ධම්මස්ස අකොවිදා.
සන්තිකෙ න විජානන්ති මගා ධම්මස්ස අකොවිදා.
භවරාගපරෙතෙහි භවසොතානුසාරිහි
මාරධෙය්යානුපන්නෙහි නායං ධම්මො සුසම්බුධො.
මාරධෙය්යානුපන්නෙහි නායං ධම්මො සුසම්බුධො.
කො නු අඤ්ඤත්ර මරියෙභි පදං සම්බුද්ධමරහති.
යම්පදං සම්මදඤ්ඤාය පරිනිබ්බන්ති අනාසවාති.
යම්පදං සම්මදඤ්ඤාය පරිනිබ්බන්ති අනාසවාති.