6. 1. 10.
ඛන්ධ සුත්තං
331. සාවත්ථියං:
යො භික්ඛවෙ, රූපස්මිං ඡන්දරාගො, චිත්තස්සෙ’සො උපක්කිලෙසො. යො වෙදනාය ඡන්දරාගො -පෙ- යො සඤ්ඤාය ඡන්දරාගො -පෙ- යො සඞ්ඛාරෙසු ඡන්දරාගො -පෙ- යො විඤ්ඤාණස්මිං ඡන්දරාගො, චිත්තස්සෙ’සො උපක්කිලෙසො.
යතො ඛො භික්ඛවෙ, භික්ඛුනො ඉමෙසු පඤ්චසු ඨානෙසු චෙතසො උපක්කිලෙසො පහීනො හොති, නෙක්ඛම්මනින්නං චස්ස චිත්තං හොති. නෙක්ඛම්මපරිභාවිතං චිත්තං කම්මනියං ඛායති, අභිඤ්ඤා සච්ඡිකරණීයෙසු ධම්මෙසූති.
කිලෙසවග්ගො පඨමො.
තත්රුද්දානං:
චක්ඛු රූපඤ්ච විඤ්ඤාණං සම්ඵස්සො වෙදනාය ච,
සඤ්ඤා සඤ්චෙතනා තණ්හා ධාතුක්ඛන්ධෙන තෙ දසාති.
කිලෙස සංයුත්තං නිට්ඨිතං.