200. සාවත්ථියං–

අථ ඛො අඤ්ඤතරො බ්රාහ්මණමහාසාළො ලූඛො ලූඛපාපුරණො යෙන භගවා තෙනුපසඞ්කමි. උපසඞ්කමිත්වා භගවතා සද්ධිං සම්මොදි. සම්මොදනීයං කථං සාරාණීයං වීතිසාරෙත්වා එකමන්තං නිසීදි. එකමන්තං නිසින්නං ඛො තං බ්රාහ්මණමහාසාළං භගවා එතදවොච. කින්නු ත්වං බ්රාහ්මණ ලූඛො ලූඛපාපුරණොති.

ඉධ මෙ භො ගොතම චත්තාරො පුත්තා. තෙ මං දාරෙහි සම්පුච්ඡ ඝරා නික්ඛාමෙන්තීති.

තෙන හි ත්වං බ්රාහ්මණ ඉමා ගාථායො පරියාපුණිත්වා සභායං මහාජනකායෙ සන්නිපතිතෙ පුත්තෙසු ච සන්නිසින්නෙසු භාසස්සු:

අථ ඛො සො බ්රාහ්මණමහාසාළො භගවතො සන්තිකෙ ඉමා ගාථායො පරියාපුණිත්වා සභායං මහාජනකායෙ සන්නිපතිතෙ පුත්තෙසු ච සන්නිසින්නෙසු අභාසි.

අථ ඛො නං බ්රාහ්මණමහාසාළං පුත්තා ඝරං නෙත්වා නාහාපෙත්වා පච්චෙකං දුස්සයුගෙන අච්ඡාදෙසුං.

අථ ඛො සො බ්රාහ්මණමහාසාළො එකං දුස්සයුගං ආදාය යෙන භගවා තෙනුපසඞ්කමි. උපසඞ්කමිත්වා භගවතා සද්ධිං සම්මොදි. සම්මොදනීයං කථං සාරාණීයං වීතිසාරෙත්වා එකමන්තං නිසීදි. එකමන්තං නිසින්නො ඛො බ්රාහ්මණමහාසාළො භගවන්තං එතදවොච:

මයං භො ගොතම බ්රාහ්මණා නාම ආචරියස්ස ආචරියධනං පරියෙසාම. පටිගණ්හාතු මෙ භවං ගොතමො ආචරියො ආචරියධනන්ති. පටිග්ගහෙසි භගවා අනුකම්පං උපාදාය.

අථ ඛො සො බ්රාහ්මණමහාසාළො භගවන්තං එතදවොච: අභික්කන්තං, භො ගොතම -පෙ- උපාසකං මං භවං ගොතමො ධාරෙතු අජ්ජතග්ගෙ පාණුපෙතං සරණං ගතන්ති.

තෙන ඛො පන සමයෙන මානත්ථද්ධො නාම බ්රාහ්මණො සාවත්ථියං පටිවසති. සො නෙව මාතරං අභිවාදෙති. න පිතරං අභිවාදෙති. න ආචරියං අභිවාදෙති. න ජෙට්ඨභාතරං අභිවාදෙති.

තෙන ඛො පන සමයෙන භගවා මහතියා පරිසාය පරිවුතො ධම්මං දෙසෙති. අථ ඛො මානත්ථද්ධස්ස බ්රාහ්මණස්ස එතදහොසි: අයං ඛො සමණො ගොතමො මහතියා පරිසාය පරිවුතො ධම්මං දෙසෙති. යන්නූනාහං යෙන සමණො ගොතමො තෙනුපසඞ්කමෙය්යං. සචෙ මං සමණො ගොතමො ආලපිස්සති, අහම්පි තං ආලපිස්සාමි. නො චෙ මං සමණො ගොතමො ආලපිස්සති අහම්පි නාලපිස්සාමීති.