11. 3. 5.
අක්කොධසුත්තං
271. එවං මෙ සුතං: එකං සමයං භගවා සාවත්ථියං විහරති ජෙතවනෙ අනාථපිණ්ඩිකස්ස ආරාමෙ. තෙන ඛො පන සමයෙන ද්වෙ භික්ඛූ සම්පයොජෙසුං -පෙ-
භූතපුබ්බං භික්ඛවෙ සක්කො දෙවානමින්දො සුධම්මායං සභායං දෙවෙ තාවතිංසෙ අනුනයමානො තායං වෙලායං ඉමං ගාථං අභාසි:
මා වො කොධො අජ්ඣභවි මා ච කුජ්ඣිත්ථ කුජ්ඣතං,
අක්කොධො අවිහිංසා ච අරියෙසු වසතී සදා,
අථ පාපජනං කොධො පබ්බතො වාභිමද්දතීති.
අක්කොධො අවිහිංසා ච අරියෙසු වසතී සදා,
අථ පාපජනං කොධො පබ්බතො වාභිමද්දතීති.
සක්කපඤ්චකං.
තත්රුද්දානං:
ඣත්වා දුබ්බණ්ණිය මායා අච්චයෙන අකොධනො,
දෙසිතං බුද්ධසෙට්ඨෙන ඉදං හි සක්කපඤ්චකන්ති.
දෙසිතං බුද්ධසෙට්ඨෙන ඉදං හි සක්කපඤ්චකන්ති.
සක්කසංයුත්තං සමත්තං.
දෙවතා දෙවපුත්තො ච රාජා මාරො ච භික්ඛුනී,
බ්රහ්මා බ්රාහ්මණ වඞ්ගීසො වන යක්ඛෙන වාසවොති.
බ්රහ්මා බ්රාහ්මණ වඞ්ගීසො වන යක්ඛෙන වාසවොති.
සගාථවග්ගො නිට්ඨිතො.