භූතපුබ්බං භික්ඛවෙ සක්කස්ස දෙවානමින්දස්ස රහොගතස්ස පටිසල්ලීනස්ස එවං චෙතසො පරිවිතක්කො උදපාදි: යොපි මෙ අස්ස පච්චත්ථිකො තස්ස පාහං න දුබ්භෙය්යන්ති.

අථ ඛො භික්ඛවෙ වෙපචිත්ති අසුරින්දො සක්කස්ස දෙවානමින්දස්ස චෙතසා චෙතොපරිවිතක්කමඤ්ඤාය යෙන සක්කො දෙවානමින්දො තෙනුපසඞ්කමි.

අද්දසා ඛො භික්ඛවෙ සක්කො දෙවානමින්දො වෙපචිත්තිං අසුරින්දං දූරතොව ආගච්ඡන්තං. දිස්වාන වෙපචිත්තිං අසුරින්දං එතදවොච: තිට්ඨ වෙපචිත්ති ගහිතොසීති.

යදෙව තෙ මාරිස පුබ්බෙ චිත්තං තදෙව ත්වං මාරිස පහාසීති. සපස්සු ච මෙ වෙපචිත්ති අදුබ්භායාති.

තෙන ඛො පන සමයෙන භගවා දිවාවිහාරගතො හොති පටිසල්ලීනො. අථ ඛො සක්කො ච දෙවානමින්දො වෙරොචනො ච අසුරින්දො යෙන භගවා තෙනුපසඞ්කමිංසු. උපසඞ්කමිත්වා පච්චෙකං ද්වාරබාහං අට්ඨංසු. අථ ඛො වෙරොචනො අසුරින්දො භගවතො සන්තිකෙ ඉමං ගාථං අභාසි:

255. සාවත්ථියං–

භූතපුබ්බං භික්ඛවෙ සම්බහුලා ඉසයො සීලවන්තො කල්යාණධම්මා අරඤ්ඤායතනෙ පණ්ණකුටීසු සම්මන්ති. අථ ඛො භික්ඛවෙ සක්කො ච දෙවානමින්දො වෙපචිත්ති ච අසුරින්දො යෙන තෙ ඉසයො සීලවන්තො කල්යාණධම්මා තෙනුපසඞ්කමිංසු.

අථ ඛො භික්ඛවෙ වෙපචිත්ති අසුරින්දො අටලියො උපාහනා ආරොහිත්වා ඛග්ගං ඔලග්ගෙත්වා ඡත්තෙන ධාරියමානෙන අග්ගද්වාරෙන අස්සමං පවිසිත්වා තෙ ඉසයො සීලවන්තෙ කල්යාණධම්මෙ අපබ්යාමතො කරිත්වා අතික්කමි.