10. 1. 4.
මණිභද්දසුත්තං.
238. එකං සමයං භගවා මගධෙසු විහරති මණිමාළකෙ චෙතියෙ මණිභද්දස්ස යක්ඛස්ස භවනෙ. අථ ඛො මණිභද්දො යක්ඛො යෙන භගවා තෙනුපසඞ්කමි. උපසඞ්කමිත්වා භගවතො සන්තිකෙ ඉමං ගාථං අභාසි:
සතීමතො සදා භද්දං සතිමා සුඛමෙධති,
සතීමතො සු වෙ සෙය්යො වෙරා ච පරිමුච්චතීති.
සතීමතො සු වෙ සෙය්යො වෙරා ච පරිමුච්චතීති.
[භගවා:]
සතීමතො සදා භද්දං සතිමා සුඛමෙධති,
සතීමතො සුවෙ සෙය්යො වෙරා න පරිමුච්චති.
සතීමතො සුවෙ සෙය්යො වෙරා න පරිමුච්චති.
යස්ස සබ්බමහොරත්තං අහිංසාය රතො මනො,
මෙත්තං සො සබ්බභූතෙසු වෙරං තස්ස න කෙනචීති.
මෙත්තං සො සබ්බභූතෙසු වෙරං තස්ස න කෙනචීති.
10. 1. 5.
සානුසුත්තං.
239. එකං සමයං භගවා සාවත්ථියං විහරති ජෙතවනෙ අනාථපිණ්ඩිකස්ස ආරාමෙ. තෙන ඛො පන සමයෙන අඤ්ඤතරිස්සා උපාසිකාය සානු නාම පුත්තො යක්ඛෙන ගහිතො හොති. අථ ඛො සා උපාසිකා පරිදෙවමානා තායං වෙලායං ඉමා ගාථායො අභාසි:
චාතුද්දසිං පඤ්චදසිං යා ව පක්ඛස්ස අට්ඨමී,
පාටිහාරියපක්ඛඤ්ච අට්ඨඞ්ගසුසමාගතං,
උපොසථං උපවසන්ති බ්රහ්මචරියං චරන්ති යෙ.
පාටිහාරියපක්ඛඤ්ච අට්ඨඞ්ගසුසමාගතං,
උපොසථං උපවසන්ති බ්රහ්මචරියං චරන්ති යෙ.
න තෙහි යක්ඛා කීළන්ති ඉති මෙ අරහතං සුතං,
සා දානි අජ්ජ පස්සාමි යක්ඛා කීළන්ති සානුනාති.
සා දානි අජ්ජ පස්සාමි යක්ඛා කීළන්ති සානුනාති.
[යක්ඛො:]
චාතුද්දසිං පඤ්චදසිං යා ච පක්ඛස්ස අට්ඨමී,
පාටිහාරියපක්ඛඤ්ච අට්ඨඞ්ගසුසමාගතං,
උපොසථං උපවසන්ති බ්රහ්මචරියං චරන්ති යෙ.
පාටිහාරියපක්ඛඤ්ච අට්ඨඞ්ගසුසමාගතං,
උපොසථං උපවසන්ති බ්රහ්මචරියං චරන්ති යෙ.
න තෙහි යක්ඛා කීළන්ති සාහු තෙ අරහතං සුතං,
සානුං පබුද්ධං වජ්ජාසි යක්ඛානං වචනං ඉදං:
සානුං පබුද්ධං වජ්ජාසි යක්ඛානං වචනං ඉදං:
“මාකාසි පාපකං කම්මං ආවි වා යදි වා රහො,
යඤ්චෙව පාපකං කම්මං කරිස්සසි කරොසි වා,
න තෙ දුක්ඛා පමුත්යත්ථි උප්පච්චාපි පලායතො”ති.
යඤ්චෙව පාපකං කම්මං කරිස්සසි කරොසි වා,
න තෙ දුක්ඛා පමුත්යත්ථි උප්පච්චාපි පලායතො”ති.
[සානු:]
මතං වා අම්ම රොදන්ති යො වා ජීවං න දිස්සති,
ජීවන්තං අම්ම පස්සන්තී කස්මා මං අම්ම රොදසීති?
ජීවන්තං අම්ම පස්සන්තී කස්මා මං අම්ම රොදසීති?
[උපාසිකා:]
මතං වා පුත්ත රොදන්ති යො වා ජීවං න දිස්සති,
යො ච කාමෙ චජිත්වාන පුනරාගච්ඡතෙ ඉධ,
තං වාපි පුත්ත රොදන්ති පුන ජීවං මතො හි සො.
යො ච කාමෙ චජිත්වාන පුනරාගච්ඡතෙ ඉධ,
තං වාපි පුත්ත රොදන්ති පුන ජීවං මතො හි සො.
කුක්කුළා උබ්භතො තාත කුක්කුළං පතිතුමිච්ඡසි,
නරකා උබ්භතො තාත නරකං පතිතුමිච්ඡසි.
නරකා උබ්භතො තාත නරකං පතිතුමිච්ඡසි.
අභිධාවථ භද්දං තෙ කස්ස උජ්ඣාපයාමසෙ,
ආදිත්තා නීහටං භණ්ඩං පුන ඩය්හිතුමිච්ඡසීති.
ආදිත්තා නීහටං භණ්ඩං පුන ඩය්හිතුමිච්ඡසීති.
10. 1. 6.
පියඞ්කරසුත්තං.
240. එකං සමයං ආයස්මා අනුරුද්ධො සාවත්ථියං විහරති ජෙතවනෙ අනාථපිණ්ඩිකස්ස ආරාමෙ. තෙන ඛො පන සමයෙන ආයස්මා අනුරුද්ධො රත්තියා පච්චූසසමයං පච්චුට්ඨාය ධම්මපදානී භාසති. අථ ඛො පියඞ්කරමාතා යක්ඛිනී පුත්තකං එවං තොසෙසි:
මා සද්දං කරි පියඞ්කර භික්ඛු ධම්මපදානි භාසති,
අපි ච ධම්මපදං විජානිය පටිපජ්ජෙම හිතාය නො සියා.
අපි ච ධම්මපදං විජානිය පටිපජ්ජෙම හිතාය නො සියා.
පාණෙසු ච සංයමාමසෙ සම්පජානමුසා න භණාමසෙ,
සික්ඛෙම සුසීලමත්තනො අපි මුච්චෙම පිසාචයොනියාති.
සික්ඛෙම සුසීලමත්තනො අපි මුච්චෙම පිසාචයොනියාති.
10. 1. 7.
පුනබ්බසුසුත්තං.
241. එකං සමයං භගවා සාවත්ථියං විහරති ජෙතවනෙ අනාථපිණ්ඩිකස්ස ආරාමෙ.