1. 7. 8.
පිහිතසුත්තං
[දෙවතා:]
68. කෙනස්සු පිහිතො ලොකො කිස්මිං ලොකො පතිට්ඨිතො,
කෙනස්සු උඩ්ඩිතො ලොකො කෙනස්සු පරිවාරිතොති.
කෙනස්සු උඩ්ඩිතො ලොකො කෙනස්සු පරිවාරිතොති.
[භගවා:]
මච්චුනා පිහිතො ලොකො දුක්ඛෙ ලොකො පතිට්ඨිතො,
තණ්හාය උඩ්ඩිතො ලොකො ජරාය පරිවාරිතො.
තණ්හාය උඩ්ඩිතො ලොකො ජරාය පරිවාරිතො.
1. 7. 9.
ඉච්ඡාසුත්තං
[දෙවතා:]
69. කෙනස්සු බජ්ඣති ලොකො කිස්ස විනයාය මුච්චති,
කිස්සස්ස විප්පහානෙන සබ්බං ඡින්දති බන්ධනන්ති.
කිස්සස්ස විප්පහානෙන සබ්බං ඡින්දති බන්ධනන්ති.
[භගවා:]
ඉච්ඡාය බජ්ඣති ලොකො ඉච්ඡාවිනයාය මුච්චති,
ඉච්ඡාය විප්පහානෙන සබ්බං ඡින්දති බන්ධනන්ති.
ඉච්ඡාය විප්පහානෙන සබ්බං ඡින්දති බන්ධනන්ති.
1. 7. 10.
ලොකසුත්තං
[දෙවතා:]
70. කිස්මිං ලොකො සමුප්පන්නො කිස්මිං කුබ්බති සන්ථවං,
කිස්ස ලොකො උපාදාය කිස්මිං ලොකො විහඤ්ඤතීති.
කිස්ස ලොකො උපාදාය කිස්මිං ලොකො විහඤ්ඤතීති.
[භගවා:]
ඡස්සු ලොකො සමුප්පන්නො ඡස්සු කුබ්බති සන්ථවං,
ඡන්නමෙව උපාදාය ඡස්සු ලොකො විහඤ්ඤතීති.
ඡන්නමෙව උපාදාය ඡස්සු ලොකො විහඤ්ඤතීති.
අන්වවග්ගො සත්තමො.
තත්රුද්දානං:
නාමං චිත්තඤ්ච තණ්හා ච සංයොජනඤ්ච බන්ධනා,
අබ්භාහතුඩ්ඩිතො පිහිතො ඉච්ඡා ලොකෙන තෙ දසාති.
අබ්භාහතුඩ්ඩිතො පිහිතො ඉච්ඡා ලොකෙන තෙ දසාති.
8. ඣත්වාවග්ගො
1. 8. 1.
ඣත්වාසුත්තං
71. සාවත්ථියං–
එකමන්තං ඨිතා ඛො සා දෙවතා භගවන්තං ගාථාය අජ්ඣභාසි.
කිං සු ඣත්වා සුඛං සෙති කිංසු ඣත්වා න සොචති,
කිස්සස්ස එකධම්මස්ස වධං රොචෙසි ගොතමාති.
කිස්සස්ස එකධම්මස්ස වධං රොචෙසි ගොතමාති.