5. ආදිත්තවග්ගො
1. 5. 1.
ආදිත්තසුත්තං.
41. එවං මෙ සුතං: එකං සමයං භගවා සාවත්ථියං විහරති ජෙතවනෙ අනාථපිණ්ඩිකස්ස ආරාමෙ. අථ ඛො අඤ්ඤතරා දෙවතා අභික්කන්තාය රත්තියා අභික්කන්තවණ්ණා කෙවලකප්පං ජෙතවනං ඔභාසෙත්වා යෙන භගවා තෙනුපසඞ්කමි. උපසඞ්කමිත්වා භගවන්තං අභිවාදෙත්වා එකමන්තං අට්ඨාසි. එකමන්තං ඨිතා ඛො සා දෙවතා භගවතො සන්තිකෙ ඉමා ගාථායො අභාසි:
ආදිත්තස්මිං අගාරස්මිං යං නීහරති භාජනං,
තං තස්ස හොති අත්ථාය නො ච යං තත්ථ ඩය්හති.
තං තස්ස හොති අත්ථාය නො ච යං තත්ථ ඩය්හති.
එවමාදිපිතො ලොකො ජරාය මරණෙන ච,
නීහරෙථෙව දානෙන දින්නං හොති සුනීහතං.
නීහරෙථෙව දානෙන දින්නං හොති සුනීහතං.
දින්නං සුඛඵලං හොති නාදින්නං හොති තං තථා,
චොරා හරන්ති රාජානො අග්ගි ඩහති නස්සති.
චොරා හරන්ති රාජානො අග්ගි ඩහති නස්සති.
අථ අන්තෙන ජහති සරීරං සපරිග්ගහං,
එතදඤ්ඤාය මෙධාවී භුඤ්ජෙථ ච දදෙථ ච.
දත්වා ච භුත්වා ච යථානුභාවං අනින්දිතො සග්ගමුපෙති ඨානන්ති.
එතදඤ්ඤාය මෙධාවී භුඤ්ජෙථ ච දදෙථ ච.
දත්වා ච භුත්වා ච යථානුභාවං අනින්දිතො සග්ගමුපෙති ඨානන්ති.
1. 5. 2.
කිංදදසුත්තං.
[දෙවතා:]
42. කිංදදො බලදො හොති කිංදදො හොති වණ්ණදො.
කිංදදො සුඛදො හොති කිංදදො හොති චක්ඛුදො.
යො ච සබ්බදදො හොති තං මෙ අක්ඛාහි පුච්ඡිතොති.
කිංදදො සුඛදො හොති කිංදදො හොති චක්ඛුදො.
යො ච සබ්බදදො හොති තං මෙ අක්ඛාහි පුච්ඡිතොති.
[භගවා:]
අන්නදො බලදො හොති වත්ථදො හොති වණ්ණදො,
යානදො සුඛදො හොති දීපදො හොති චක්ඛුදො.
සො ච සබ්බදදො හොති යො දදාති උපස්සයං,
අමතංදදො ච සො හොති යො ධම්මමනුසාසතීති.
යානදො සුඛදො හොති දීපදො හොති චක්ඛුදො.
සො ච සබ්බදදො හොති යො දදාති උපස්සයං,
අමතංදදො ච සො හොති යො ධම්මමනුසාසතීති.
1. 5. 3.
අන්නසුත්තං
[දෙවතා:]
43. අන්නමෙවාභිනන්දන්ති උභයෙ දෙවමානුසා,
අථ කො නාම සො යක්ඛො යං අන්නං නාභිනන්දතීති.
අථ කො නාම සො යක්ඛො යං අන්නං නාභිනන්දතීති.
[භගවා:]
යෙ නං දදන්ති සද්ධාය විප්පසන්නෙන චෙතසා
තමෙව අන්නං භජති අස්මිං ලොකෙ පරම්හි ච.
තමෙව අන්නං භජති අස්මිං ලොකෙ පරම්හි ච.
තස්මා විනෙය්ය මච්ඡෙරං දජ්ජා දානං මලාභිභූ,
පුඤ්ඤානි පරලොකස්මිං පතිට්ඨා හොන්ති පාණිනන්ති.
පුඤ්ඤානි පරලොකස්මිං පතිට්ඨා හොන්ති පාණිනන්ති.
1. 5. 4.
එකමූලසුත්තං
[දෙවතා:]
44. එකමූලං ද්විරාවට්ටං තිමලං පඤ්චපත්ථරං,
සමුද්දං ද්වාදසාවට්ටං පාතාලං අතරී ඉසීති.
සමුද්දං ද්වාදසාවට්ටං පාතාලං අතරී ඉසීති.
1. 5. 5.
අනොමසුත්තං
[දෙවතා:]
45. අනොමනාමං නිපුණත්ථදස්සිං පඤ්ඤාදදං කාමාලයෙ අසත්තං
තං පස්සථ සබ්බවිදුං සුමෙධං අරියෙ පථෙ කමමානං මහෙසින්ති.
තං පස්සථ සබ්බවිදුං සුමෙධං අරියෙ පථෙ කමමානං මහෙසින්ති.
1. 5. 6.
අච්ඡරාසුත්තං.
[දෙවතා:]
46. අච්ඡරාගණසඞ්ඝුට්ඨං පිසාචගණසෙවිතං,
වනන්තං මොහනං නාම කථං යාත්රා භවිස්සතීති.
වනන්තං මොහනං නාම කථං යාත්රා භවිස්සතීති.
[භගවා:]
උජුකො නාම සො මග්ගො අභයා නාම සා දිසා,
රථො අකූජනො නාම ධම්මචක්කෙහි සංයුතො.
රථො අකූජනො නාම ධම්මචක්කෙහි සංයුතො.
හිරි තස්ස අපාලම්බො සතස්ස පරිවාරණං,
ධම්මාහං සාරථිං බ්රූමි සම්මාදිට්ඨිපුරෙජවං.
ධම්මාහං සාරථිං බ්රූමි සම්මාදිට්ඨිපුරෙජවං.
යස්ස එතාදිසං යානං ඉත්ථියා පුරිසස්ස වා,
ස වෙ එතෙන යානෙන නිබ්බාණස්සෙව සන්තිකෙති.
ස වෙ එතෙන යානෙන නිබ්බාණස්සෙව සන්තිකෙති.