අපේ විනය පොත, ප්‍රශ්ණ සහ පිලිතුරු - නාඋයන ආරණ්‍ය 2015.pdf
- ප්‍රකාශිත වර්ෂය :
- 2015
- මුද්‍රිත වර්ෂය :
- 2015
- පිටු ගණන :
- 336
- බාගත කිරීම් ගණන :
- 1,162
- වෙබ් අඩවියට එක් කළ දිනය :
- 2023-01-31
- ගොනුවේ ප්‍රමාණය :
- 40 MB
පොතේ පිටු කිහිපයක ඡායාරූප පහතින් බලන්න.
අපේ විනය පොත යනු භික්ෂු විනය පිළිබඳ මූලික කරුණු, නීති රීති සහ ශික්ෂාපද සංක්ෂිප්තව හා ප්‍රශ්නෝත්තර ආකාරයෙන් සාකච්ඡා කෙරෙන විනය ග්‍රන්ථයකි. කල්යාණී යෝගාශ්‍රම සංස්ථාව පවත්වනු ලබන වාර්ෂික විනය පරීක්ෂණයන්ට පෙනී සිටින භික්ෂුන් වහන්සේලාගේ ප්‍රයෝජනය සඳහා නා උයන ආරණ්‍ය සේනාසනයේදී 2015 වසරේදී මෙම කෘතිය සම්පාදනය කර ඇත.
මෙහි ප්‍රාතිමෝක්ෂ ශික්ෂාපද, උපෝසථ විධි, උපසම්පදා සහ සීමා විනිශ්චයන් මෙන්ම ශාසන ඉතිහාසගත වැදගත් විනය කරුණුද විස්තර කෙරේ. පූජ්‍ය බද්දේගම වජිරානන්ද ස්වාමීන් වහන්සේ සහ පූජ්‍ය ලබුනෝරුවේ ධම්මවිහාරී ස්වාමීන් වහන්සේගේ විනය ග්‍රන්ථ ඇසුරින් මෙම සංග්‍රහය සම්පාදනය කොට තිබේ.
- විනය හැඳින්වීම සහ ප්‍රාතිමෝක්ෂය
- උපෝසථ කර්මය සහ සීමා විනිශ්චය
- උපසම්පදාව
- පාරාජිකා, සංඝාදිසේස සහ සෙසු ආපත්ති
- අධිකරණ සමථ සහ ශාසන ඉතිහාසය
පෙරවදන
සම්බුදු සසුනෙහි ආයුෂ හෙවත් ජීවය විනයයි. පන්දහසක් වස් සම්මා සම්බුදු සසුන රැකගැන්ම මෙන්ම සැබෑ භික්ෂුවක නිර්මාණය යන කරුණු එකට බැඳී ඇත්තේ ගසට පොත්ත මෙනි.
එකී භික්ෂුවක් නිර්මාණයෙහිලා කල්යාණී යෝගාශ්‍රම සංස්ථාව පවත්වන්නා වූ විනය පරීක්ෂණයට පෙළගැස්මක් විදියට මෙම පොත් පිංච සකස් වී ඇත. සියුම් කරුණෙහි පටන් පරාජය දක්වා මාතෘකාමය වශයෙන් සංග්‍රහ වන මෙය විනය සාගරය තරණය කරන්නන් හට පුංචි තොටුපලක් වැන්න. කෙටි වුවද අගනා ලෙස සකස් වී ඇති මෙම ග්‍රන්ථය පැවිද්දන්ගේ මෙන්ම විනය ඉගෙනීමෙහිලාද අල්ප මාත්‍ර වූ අස්වැසිල්ලක් ලබාදෙන්නේ නම් අප උත්සාහය ඵලදරා ඇතැයි සිතන්නෙමු.
මෙම කාර්යෙහිලා පූජ්‍ය බද්දේගම වජිරානන්ද ස්වාමීන් වහන්සේ සහ ලබුනෝරුවේ ධම්මවිහාරී ස්වාමීන්වහන්සේ යන ස්වාමීන් වහන්සේලාගේ විනය ග්‍රන්ථ ප්‍රධාන කොට සකස් වී ඇති බව කෘතඥතාපූර්වකව සිහිපත් කරන්නෙමු.
2015.02.21 දිය.
නා උයන ආරණ්‍ය සේනාසනය,
පන්සියගම,
මැල්සිරිපුර.