නෙත්තිසාරාර්ත්ථදීපනී - කෝදාගොඩ උපසේන හිමි 1933.pdf
v2
- කතෘ :
- කෝදාගොඩ උපසෙන මාහිමි
- ප්‍රකාශිත වර්ෂය :
- 1933
- මුද්‍රිත වර්ෂය :
- 1933
- පිටු ගණන :
- 446
- බාගත කිරීම් ගණන :
- 681
- වෙබ් අඩවියට එක් කළ දිනය :
- 2023-01-27
- ගොනුවේ ප්‍රමාණය :
- 74 MB
පොතේ පිටු කිහිපයක ඡායාරූප පහතින් බලන්න.
නෙත්තිසාරාර්ත්ථදීපනී යනු පාණදුරේ වලපල ශ්‍රී සද්ධර්මෝදය පිරිවෙන්පති ගණාචාර්ය කෝදාගොඩ උපසේන මාහිමියන් විසින් සම්පාදිත නෙත්තිප්පකරණයට අයත් සිංහල ව්‍යාඛ්‍යාන ග්‍රන්ථයකි. ආරණ්‍යවාසී විදර්ශනාවාසී රංගොඩ ශ්‍රී සුමන මාහිමියන්ගේ ආරාධනයෙන් මෙම කෘතිය රචනා කර තිබේ.
මහාකච්චායන මහරහතන් වහන්සේ විසින් දේශිත යැයි සැලකෙන නෙත්තිප්පකරණයෙහි එන හාර, නය හා ශාසනපට්ඨාන ආදී ගම්භීර න්‍යාය ධර්මයන් සිංහල පාඨකයාට පැහැදිලි වන සේ සූත්‍ර පාඨ හා නිදසුන් සහිතව විස්තර කිරීම මෙහි අරමුණයි. ග්‍රන්ථ ප්‍රවේශයේදී පමුණුවේ බුද්ධදත්ත හිමියන් විසින් ලියන ලද සවිස්තර සංඥාපනයක් ඇතුළත් වන අතර කෝදාගොඩ උපසේන හිමියන්ගේ වෙනත් ග්‍රන්ථ නාමාවලියක්ද එහි දැක්වේ.
මෙම කෘතිය ක්‍රි.ව. 1933 (බු.ව. 2476) දී මාතර යටියන ඩී. ඇස්. විජේකෝන් මහතාගේ පරිත්‍යාගයෙන් කොළඹ ශ්‍රීභාරතී යන්ත්‍රාලයේදී මුද්‍රණය කරවා ඇත.
සංඥාපනය.
නෙත්තිප්පකරණය.
සද්ධම්මනයනෙත්තා නෙත්ති- වෙනෙය්‍ය ජනයන් නව ලොවුතුරා දහමට පමුණුවන හෙයින් නෙත්ති නම්, සසරගත සතුන් කාමභවාදියට පමුණුවන හෙයින් තෘෂ්ණා තොමෝ භවනෙත්තීයි කියනු ලබන්නී මෙනි, නොහොත්- හාර- නය- පට්ඨාන- සංඛ්‍යාතවූ යම් ධර්‍ම ශාස්ත්‍රයකින් ධර්මකථිකයෝ වෙනෙය්‍ය ජනයන් දර්ශනමාර්‍ගයට පමුණුවත්ද ඒ ඒ ධර්‍මශාස්ත්‍රය නෙත්ති නම්, සොළසහාර- පඤ්චනය- අට්ඨාරස මූලපද (මූලික පට්ඨාන) ඡබ්බීසතිපද- ඡඅසීතිපද- සංඛ්‍යාත එකපඤ්ඤාසාවයවයෙන් යුත් බෞද්ධ න්‍යායශාස්ත්‍රය නෙත්තියි- ඇය සකල නවාඞ්ග ශාස්තෘ ශාසනයාගේ අවිපරීතාර්‍ථ බොධයට උපාය මාර්‍ගයී, එහෙයින් “නහි නෙත්ති උපදෙස සන්නිස්සයෙන විනා අවිපරීත සුත්තත්ථාවබොධො සම්භවතී’’ කීහ. විස්තර ව්‍යාඛ්‍යානයෙන් දතයුතු.
මේ නෙත්ති න්‍යායශාස්ත්‍රයද නවාඞ්ගශාස්තෲශාසනාවර්තී තා හෙයින් අටුවා ක්‍රමයකි, භාෂිතාවර්තී කථාවෙහි හා මේ නෙත්‍යර්ත්‍ථ කථාවෙහි අන්‍යොන්‍ය විශේෂ ලක්ෂණ කිමෙක්ද? පිටකත්‍රය පර්‍ය්‍යාපන්න නවාඞ්ග ශාස්තෘ ශාසනයාගේ අවයවාර්‍ථ සමුදයාවාදීහූ ප්‍රකාශක ප්‍රකීර්ණක දෙශනානුස්ත පර්‍වතතීය භාෂිතාර්‍ථ කථායි, නවාඞ්ග ශාස්තෲ ශාසන පර්‍ය්‍යාපන්න පර්‍ය්‍යාය නිඃපර්‍ය්‍යාය නීත නෙය්‍යා ස්‍රාව අනාස්‍රව වාසනාභාගීය නිබ්බෙධභාගීය සෙඛභාගීය අසෙඛභාගීත්‍යාදි අර්‍ථ සමුදය තත්ත්‍වත් සූත්‍රයෙන් උද්ධරණය කොට අස්සාද ආදීනව නිස්සරණ ඵල උපාය දෘෂ්ටාන්ත වශයෙන් බෙදූ ප්‍රතිපදා චතුෂ්ක පුද්ගලත්‍රිකාදියෙන්හා නයදාම්නීදි නය වශයෙනුදු සමර්ථ විදර්‍ශනා මාර්‍ගානුසාරයෙන් දාර්ශනීකයනට වෙනෙය්‍ය ජනයන්ගේ සිත්සතන් පමුණුවන ආකාරොපදේශය නෙත්‍යර්‍ථ කථායි- මේ සැකෙවින් එදෙතැන වෙනසයි:-
ඒ මේ නෙත්ති තොමෝ කවරෙකු විසින් හදාරණ ලද්දීද? යත්: සිව්පිළිසිඹියාපත් මහකච්චායන මාහිමියාණන් වහන්සේ විසිනි, ඒ වග සැකෙවින් මෙසේයි:- මෙයින් කල්පයකින් පෙර ලොව පහළවූ පියුමතුරා බුදුන් විසින් සියසවුනමක් “සැකෙවින් වදාළ දහම් විතරින් බෙදා දක්වන්නවුන් අතුරෙන් අගතැන් තබා පසස්නා දුටු” එක් ගැහැවි මහසල් කුලදරුවෙක් ඒ තනතුරෙහි ඇලීගිය සිත්ඇත්තේ බුදුපාමොක් මහසඟනට සතියක් දන්දී බුදුන් පාමුල හෙව සාමිනී ඉකුත් සත්වැනිදින ලෝහිමියාණන් වහන්සේ විසින් දහම්බෙදීමෙහි අගතැන් තැබූ වහන්දෑ ලත් තනතුර මමත් මතුකල් ලබන්නෙමැයි කීය. ඒ පියුමතුරා ලෝහිමියාණෝ අනා කැනීන් මතුකල් බලනුවෝ ඒ සබඳ සියලු අනාගතන් දැන එම්බා ගැහැවිය- “මෙසේ මෙයින් කල්පයක් ගියකල ගෞතම ලෝහිමියාණන්ගේ සස්නෙහි ඉදුමුවා පිරිකරින් පැවිදිව රහත්ව එම තනතුර ලබන්නෙහි යයි” වදාළ සේක- එයින් පහන් සිත්ඇතිව එතැන්පටන් පෙරුම් පුරමින් අවුත් සුමෙධ නම් බුදුන් සමයෙහි විද්‍යාධරයෙක්ව කිණිහිරි මලින් ඒ බුදුන් පුදා- කසුප් බුදුන් සමයෙහි බරණැස් නුවර ඉපිද ඒ බුදුන් පිරිනිවි කල රන්සෑය කිරීමට රන් ගඩොලක් පුදා පින්ගත්තේය. නැවත අප බුදුන් සමයෙහි උජ්ජෙනිරට චණ්ඩපජ්ජොත රජුගේ පුරෝහිත බමුණුහට පුත්ව කච්චායන බමුණුගොත උපන්නේය- යටකී කිණිහිරිමල් පූජාවෙන් හා රන් ගඩොල් පූජාවෙන් ලත් පිනෙන් රන්වන් සිරුරු ඇතිවූ හෙයින් කඤ්චන මානවක යයි නම් කළෝය. තුන්වෙදයෙහි කෙළ පැමිණියේ පියබමුණුහුගේ ඇවෑමෙන් පුරෝහිත තනතුරට පත්වූයේ බුදුන් ලොව පහළ වූ බව ඇසූ චණ්ඩපජ්ජොත රජු විසින් සියනුවරට බුදුන් වැඩමවාගෙන ඊමට ඇමැතියන් සත්දෙනෙකුත් පිරිවර කොට යවන ලද්දේ බුදුන්වෙත පැමිණ බණ අසා එහි ශික්‍ෂානුභාවයෙන් පැවිදිව රහත්ව රජුගේ හස්න බුදුන්ට දැක්වීය. ලෝහිමිතෙමේ මහණ තෝ පළමුකොට එහි ගොස් රජහට බණකියා පහදවයි වදාළ සේක. එබස් පිළිගත් කච්චායන හිමිතෙමේ උජ්ජේනි රටට වැඩමවා දහම්දෙසා රජ ඇමැතීන් හා රටවැස්සන් සරණ සීලාදි ගුණයෙහි පිහිටුවා අවන්ති දක්ඛිණා පථයෙහි බුදුසසුන් පිහිටුවා, නැවත බුදුන් හමුවට පැමිණියේය.
තවද මේ මහකච්චායන මාහිමියාණෝ බුදුන් සමයෙහිවූ මහ සවුනන් අතුරෙහි බුදුසසුන් වඩාලූ මහෝත්තමයෙකි. තදින් වහන්සේගේ සද්ධිවිහාරිකවූ කුට්ටි කණ්ණසෝණ ස්ථවිරයන්ට වර පසක් කියාදී බුදුන් වෙත එව, “අන්‍යර්තීන්හි භික්‍ෂවෙ සබ්බ පච්චන්තිමෙසු ජනපදෙසු විනයධරපඤ්චමෙන ගණෙන උපසම්පදා” යනාදී ප්‍රඥප්ති වරපසෙක් සාසනයෙහි ස්ථිරකරවා තබනලදී. නැවත බුදුරජාණන් වහන්සේ දෙව්රම්වෙහෙර ඉරියව් පවත්වන සේක්, මධුපිණ්ඩික සූත්‍ර පාරායන සූත්‍ර කච්චායන පෙය්‍යාල යන සූත්‍රාන්තයන් අර්ථොත්පත්ති කොට සංඛිත්තාදි න්‍යායගේ අර්ත්‍ථය විස්තාරහෙයින් විභාග කරන්නවුන් අතුරෙන් අගතන්හි තැබූසේක.
තවද “පණ්ඩිතො භික්ඛවෙ මහාකච්චානො මහාපඤ්ඤො භික්ඛවෙ මහාකච්චානො” යනාදි වශයෙන් ලොකස්වාමින් විසින්ද-
“අයං ඛො ආයස්මා මහාකච්චානො සත්ථුවෙව සංවණ්ණිතො සම්භාවිතො, ච විඤ්ඤූනං සබ්‍රහ්මචාරීනං පහොති චායස්මා මහා කච්චානො ඉමස්ස භගවතා සංඛිත්තෙන උද්දිට්ඨස්ස උද්දිට්ඨස්ස විත්ථාරෙන අත්ථං අවිභත්තස්ස විත්ථාරෙන අත්ථං විභජිතුං” යනාදි වශයෙන් හා-
“තං ඛො පන භවන්තං කච්චානං එවං කල්‍යාණො කිත්ති සද්දො අබ්භුග්ගතො පණ්ඩිතො වියත්තො මෙධාවී බහුස්සුතො චිත්‍රකථී කල්යාණ පටිභාණො වුඩ්ඪොචෙව අරහංච” යනාදි වශයෙන්ද මහ සවුනන් විසින්ද පසස්නාලද පිරිසිදු පඬිතුමෙකි. ඒ මේ මහකච්චායන මාහිමියාණන් වහන්සේ විසින් හාර- නය- පට්ඨාන- සංඛ්‍යාත ත්‍රිභාගයෙන් යුත් නෙත්තිප්‍රකරණය හා අරියසච්චප්පකාසනභූමි ආදි අෂ්ටවිධ භූමිනය පරිච්ඡෙදයෙන් යුත් පෙටකොපදෙශ ප්‍රකරණයද- වදාළබව-
“එකස්මිං සමයෙ ආයස්මා මහාකච්චානත්ථෙරො ජම්බුවනෙ අබ්භොක්ඛි විහරන්තො අත්තනො සහනිකා යචරනං භික්ඛුනං ඉමං හාරනය සාසනපට්ඨාන පතිමණ්ඩිතං පකරණං අභාසී ත්‍රි” සණ්හත්ථ සූදනී නම් නෙත්ති ටීකාවෙහි කියන ලදී.
එහෙයින් මේ නෙත්ති පෙටකොපදෙශ- යන ග්‍රන්ථය- ශ්‍රාවකභාෂිතයි. ශාස්තෘවූන් වහන්සේ විසින් අනුමෝදිත හෙයින් හා බුද්ධභාෂිත දෘෂ්ටාන්තා කොට ඇතිහෙයින්ද බුද්ධභාෂිතද වේ- නෙත්තිතොමෝ පාළිවශයෙන් සඞ්ගහවාර- විභාගවාර යයි දෙවැදෑරුම් වන්නීය- එහි-
“යං ලොකො පුච්ඡතෙ- යනාදි ගාථාපඤ්චකයෙන් පිරිසිඳිනාලද්දේ සඞ්ග්‍රහවාරයයි- විභාගවාරය- උද්දෙස- නිද්දෙස- පටිනිද්දෙස- වශයෙන් තෙවැදෑරුම්වේ. එහි පටිනිද්දෙසවාරය හාරවිභඞ්ගවාර- හාරසම්පාතවාර- නයසමුට්ඨානවාර- සාසනපට්ඨානවාර යයි- සිව්වැදෑරුම්වේ, සෙසුනය අටුවානයින් හා ව්‍යාඛ්‍යානයින්ද දතයුතු.
ඒ මේ නෙත්තිය හා පෙටකොපදෙශය- සබ්බගීතියෙහිදී බුද්ධකණිකායෙහිලා සංගායනා කරණලදී. උපාලිදාසකාදි ඇදුරු පරපුරෙන් අඛණ්ඩරව ගෙනෙන ලද්දී දකුණු දඹදිව ලක්දිවට අභිමුඛව පිහිටි නාගපට්ඨන නම් මහතොට් දම්සෝ මහ රජු විසින් කරවන ලද වෙහෙර විසූ අටුවාචාරි කණෙක් වූ ධර්‍මපාල මහාස්ථවිරයන් වහන්සේ විසින් අටකථා සම්පාදනයෙන් සඞ්ග්‍රහකරණ ලද්දීය.
මේ දම්පල් මාහිමිතෙමේ මහා විහාර පරම්පරා යාතවූ උතුමෙකි. ඒ නෙත්ති අටුවාහි ලීනාත්‍ථ සඤ්ජීවතයෙන් බුද්ධඝොස මහාස්ථවිර තුමෙකු විසින් ලීනාර්ථප්‍රකාශනී නම් ටීකාවක්ද, එනිම- ඤාණාභිවංස ධම්මසෙනාපති මහාධම්ම රාජාධි රාජගුරු සංඝරාජ මාහිමියාණන් විසින් ශණ්හත්ථ සූදනී නම් පෙටකාලංකාර මහාටීකාවක්ද- බුද්ධඝොස සන්ධිපාල රාජගුරු මහාස්ථවිරයන් විසින් නෙත්ති විභාවනී නම් ව්‍යාඛ්‍යානයක්ද පෙළබසින් කරණලදී.
මෙසේ දඹදිව බුද්ධකාලයෙහි පහළ වූ නවාංග ශාස්තෲශාසන සංවර්‍ණනොපායභූත නෙත්ති න්‍යායශාස්ත්‍ර ප්‍රචාරකොපායොප ග්‍රන්ථයන්ගේ ප්‍රාතුර්භාවයද- ජම්බුද්වීපිකවූද බුද්ධඝොසවූද ශාසන පාලක සූරීන් ප්‍රභවකොට ඇතිවූවද- පිටකත්‍රයාර්ථකථා මූලටීකා අනුටීකා ගණ්ඩපද ව්‍යාඛ්‍යා ව්‍යාකරණ ඡන්දොලංකාරාදි ප්‍රශස්ත ග්‍රන්ථොත්පාදනයෙහි අතුල්‍ය කීර්ති කදම්බ ක්‍රීඩොද්වාහනය කළාවූ පෞරාණික සෛංහලීය පණ්ඩිතයන් කෙරෙන් තවම, පාරූපගමනය කිඤ්චිදූනත්වය්ගේ පේෂණීය නමුදු සාසනානු ග්‍රහයින් මේ පස්විසිවැණි ශතවර්‍ෂයෙහි මෙලක්දිව පහළවූ අපගේ ගරු ඇදුරු මාහිමියාණන්ගේ නෙත්තිරත්නාකර නෙත්තිසාරත්‍ථදීපනී යන පණ්ඩිත සම්භාව්‍ය නෙත්තිග්‍රන්ථද්වය රචනාවෙන් එය පිරී මැකී ගියේය. ඒ මේ ග්‍රන්ථය ගුණමකු ඉසිවතුන් හැර නිසි ඉදි නැණැති පඬුවෝ වෙසෙසින් පසක්මය ඒ ගැන වැඩි වැනුම් උවමනා නොවේ. පෙළබසින් සූත්‍රව්‍යාත්ති උදාහරණ සහිතව ෂට්පරිච්ඡේදාත්මක වශයෙන් රචනාකරණලද නෙත්ති රත්නාකාරය පඬුවන් විසින් පරික්‍ෂාවෙන් බැලියයුතු.
තවද - අපගේ ප්‍රාචාර්‍ය්‍යවූ අරණ්‍යවාසී විදර්ශනාවාසී රංගොඩ ශ්‍රී සුමන මාහිමියාණන් වහන්සේ ඒ මේ නෙත්තිරත්නාකර ග්‍රන්ථය සතුටින් බැලීමෙන් නෙත්ති ශාස්ත්‍රය පිළිබඳව බලවත් ප්‍රීතියට පැමිණ ඒ ගැන කරුණු විමසා නෙත්ති ශාස්ත්‍රයාගේ මූල ග්‍රන්ථයවූ නෙත්තිප්‍රකරණයට සිංහල භාෂාවෙන් ව්‍යාඛ්‍යානයක් කරණ හැටියට අපැදුරු මාහිමියාණන්ට නියම කළ හෙයින්- මේ නෙත්තිසාරාර්ත්ථදීපනී නම් නෙත්ති ව්‍යාඛ්‍යාන ග්‍රන්ථය සම්පාදනය කරණලදී.
තවද අපගේ ඒ ඇදුරු මාහිමියාණන් විසින් තවත් ග්‍රන්ථ රාශියක් නිපදවන ලදී. එනම්-
1 බාලාවතාරිනී නම් ව්‍යාකරණ මහාටීකාව පරිච්ඡේද 13 යි, ගරුතර හික්කඩුවේ ශ්‍රී සුමංගල මහානායක මාහිමිපාණන් වහන්සේ විසින් ගාථා එකොළොසකින් ගෞරවයෙන් පිළිගන්නාලදී. 2 මහාසමයෙහි වදාළ සප්තසූත්‍ර පද්‍යාවර්තනය සිංහල මුද්‍රිතයි. 3 අටවකාර විනිශ්චය- විනය පාළි 4 සමමොහනාසනී - පාළි මුද්‍රිතයි. 5 බද්ධසීමා විනිශ්චය සහ සංසදන විනිශ්චය - සිංහල මුද්‍රිතයි. 6 අබද්ධසීමා විනිශ්චය - සිංහල මුද්‍රිතයි. 7 ගණීහාරභරණය - පාළි ගාථා. 8 මුග්ධබොධ ව්‍යාකරණ ප්‍රථමාර්ථ ව්‍යාඛ්‍යා. 9 විනයසික්ඛා සංවරවිභාගය - පාළි. 10 සංසාරවාස චාරිත්ත දීපනී - සිංහල මුද්‍රිතයි. 11 සුජනප්‍රසාද - සිංහල මුද්‍රිතයි. 12 අංගුත්තරටීකාය ගණ්ඩපද - (නිකතිපාතාවසානකොට) 13 සමොහාන විනිශ්චය - සිංහල මුද්‍රිතයි 14 විනයාදෘෂ මිශ්‍ර-මුද්‍රණයෙහි යොදා තිබේ 15 ආචරිය වංශ දීපනී - නාථා
තවත් අවාලකරණ ලද ග්‍රන්ථ රාශියක් තිබේ.
මේබවට-තත්ප්‍රධාන ශිෂ්‍ය වූ,
පමුණුවේ බුද්ධදත්ත ස්ථවිර. (බුද්ධදත්ත)
පමුණුවේ බුද්ධදත්ත ස්ථවිර. (බුද්ධදත්ත), ශ්‍රී බුද්ධ වර්‍ෂයෙන් 2476 ඉල්මස අවනවවක්ලත් සොමිදින, 1932 නොවැම්බ්‍ර මස 21, පානදුරේ වලපල ශ්‍රී සද්ධර්මොදය පිරිවෙණදීය
දැන්වීමයි.
නෙත්තිසාරාර්ථදීපනී නම්වූ මේ බණපොත් වහන්සේ මෙහි කතෘවූ අපගේ කල්යාණ මිත්‍ර ගරුතර කෝදාගොඩ උපසෙන මාහිමියාණන් වහන්සේගේ අනුමතයෙන් මෙහි නම සඳහන් වන මාවිසින් මුද්‍රණය කරවා බුද්ධපූජා ධර්මපූජා වශයෙන් පුදා පින් අත්පත් කර ගැනීමට අදහස් කරණලදී.
වෙසෙසින් මාගේ ප්‍රේයර්‍ථ පුත්‍රවූ පරලොකප්‍රාප්ත දොන් කරෝලිස් විජේකෝන් පොඩිමහත්මයා සිහිකිරීමෙන් පින් අනුමෝදන් කිරීම පිණිස මෙයින් පොත් (2000) ක් මුද්‍රණය කරවා (1000) ක් අනුරාධපුර රුවන්මැලි මහාසෑයේ ප්‍රතිසංස්කරණයට ආධාර පිණිස පූජා කිරීමටද- (500) ක් යටියන ජයවර්‍ධනාරාමයෙහි ආරම්භකරණලද පුස්තකාලයෙහි නවකම් පිණිස පරිත්‍යාග කිරීමටද, ඉතිරිපොත් උපසෙන ස්වාමීන්වහන්සේගේ අභිමතයේ සුදුසු පොත්ගුල් පිරිවෙන්වලට හා ගිහි පැවිදි පින්වතුන්ට සතුටුපඬුරු වශයෙන් දීම පිණිස පරිත්‍යාග කිරීමටද නියමකර ගන්නාලදී. මෙයින් ලැබෙන ආදායමෙන් ස්වල්පයකුදු අපගේ හෝ කර්තෘවූ ස්වාමීන් වහන්සේගේ හෝ කිසිම කටයුත්තකට නොගන්නෙමු. මෙයින් එක් පොතක් රුපියල් 2/50 ට දීමෙන් මහාසෑයේ වැඩට රුපියල් 2000 ක් ලබාගත හැකිවේ. ජයවර්ධනාරාමයේ පොත්ගුලේ නවකම් පිණිස පොත් 500, මගේ පුත්‍රවූ - ඩබ්ලිව්. විජේකෝන් කරගොඩ උයන්ගොඩ විද්‍යාආරච්චි මහත්මයාට පත්කරණු ලැබේ.
තවද මෙය මුද්‍රණය කරවීමේදී කොපිලියාදීම් ප්‍රෆ්බැලීම් සංඥාපන ශුද්ධිපත්‍ර යෙදීම ආදි කටයුතු සම්පාදනයෙහි යෙදුනාවූ පමුණුවේ අප ගරු බුද්ධදත්ත ස්වාමීන් වහන්සේ ප්‍රධාන තලවනේ ධම්මදස්සී ස්වාමි, කැලුබෝවල ඉන්දගුප්ත ස්වාමි, අරම්මල අතුලසෙන ස්වාමි, වලපල ජෝතිරතන ස්වාමි, මගල්ලේගොඩ චන්ද්‍රජෝති ස්වාමි, ගලගම ජිනසෙන ස්වාමියන සත්නමද, මුද්‍රණාලයේ මහතුන් හා සාකච්ඡා කරිමෙන් අපගේ නියමයෙන් මුදල් දීමෙන් අවංක ශ්‍රද්ධොත්සාහයෙන් කටයුතු කළාවූ පානදුරේ ජී. පී. ඇෆ්. ජයසූරිය මහත්මයා, ජී. වී. පුඤ්ඤු මහත්මයා, බී. ඇස්. ගුණසේකර මහත්මයා යන මහත්වරුද, මුද්‍රණාලයේ ප්‍රධාන යු. පී. ඒකනායක සහෝදර මහත්වරුද, අපගේ මේ ගරු පින්කමට සහායාවී පින් ලබාගත්තෝය. පානදුරේ සී. පී. පීරිස් මහත්මයා අපගේ කල්යාණමිත්‍ර වූ විදර්ශනාවාසී ආරක්‍ෂිත රංගොඩ සිරිසුමන මාහිමියාණන් වහන්සේගේ ඡායාරූපය බ්ලොක් කරවා දීමෙන්ද, (මුද්‍රණය සඳහා) ආර්තර් සිල්වා මහත්මයා රුපියල් 5 ක් හා කෝදාගොඩ යු. ජේ. ඒ. වික්‍රමසිංහ මහත්මයා රු 25. පත්කිරීමෙන්ද මීට සහභාගීවුහ.
තවද සම්බුද්ධශාසනයාගේ පැවැත්මට එකාන්තයෙන්ම ආධාර වන්නාවූ මේ සත්කාර්ය්‍යයෙන් ජනිත පුණ්‍යසම්භාරය අපගේ මූලික කල්යාණ මිත්‍රවූ දකුණුලක රමණීයනිකාය ප්‍රතිෂ්ඨාපෘ ශීලාදිගුණශෙන් බැබලෙව්වාවූ විදර්ශනාවාසී ආරක්‍ෂිත පුවක්දණ්ඩා වේ පඤ්ඤානන්ද මහා ස්වාමීන් වහන්සේ ඇතුළු උත්තමයාණන් වහන්සේලාද, අපගේ මාතෘ පීතෘ පුත්‍රදාරා භාතෘ භගිනි ආචාර්‍ය්‍ය ඥාතිමිත්‍රා මිත්‍රාදි සකල මනුෂ්‍යයෝද සකල දිව්‍ය බ්‍රහ්ම අසුරනාග සුපර්‍ණ යක්‍ෂ රාක්‍ෂසාදි අමනුෂ්‍යයෝද, සකල රජදරුවෝද සකල දෘෂ්ටිවාසීහුද අනුමෝදන් වෙත්වා.
සබ්බෙ සත්තා අවෙරා හොන්තු අබ්බ්‍යාපජ්ඣා හොන්තු සුඛිතත්තා භවන්තු.
මතාරංච මහාරාජ-සංඝඤ්චාපි සුරූපරෙ අනුමොදිතා ඉමං පුඤ්ඤං අධාරකඛන්තු සාසනං ඉමිනා යාවනිබ්බානං සච්චධම්ම රතොසදා කල්‍යාණමිත්තෙන සෙවනෙනා කරිස්සං පුඤ්ඤසඤ්චයං.
ඉදං මෙ පුඤ්ඤං ආසවක්ඛයා වහං හොතු.
මීට, ඩී. ඇස්. විජේකෝන්.
ඩී. ඇස්. විජේකෝන්, යටියන-මාතර., ශ්‍රී බුද්ධ වර්‍ෂයෙන් 2476 ඉල් මස අවතෙළෙස්වක්ලත් කිවිදින දීය. 1932 නොවැම්බ්‍ර 25.
කරුණාවෙන් දැන්වීමයි.
පසුගිය වර්‍ෂයේ ගරු කෝදාගොඩ උපසෙන මාහිමියාණන් වහන්සේගේ දඹදිව වන්දනා ගමන ගැන ඒ ඒ පලාත්වල දායක මහතුන් විසින් අපවෙත එවනලද මුදල් ඒ ගමන වැලකුණු බැවින් ඒ ස්වාමීන් වහන්සේගේ නියමයෙන් මේ පොතේ මුද්‍රණය ගැන ඒ මුදල රු. 157, ජී. පී. ඇල්. ජයසූරිය මහත්මයා වෙත භාරකරණලදී.
මීට, -එච්. ලියෝ ප්‍රේරා-නීතිඥ.
එච්. ලියෝ ප්‍රේරා-නීතිඥ.