බුදුසිරිත සිතුවමින් - වේරගොඩ සාරද හිමි 1991.pdf

බුදුසිරිත සිතුවමින් (Life of the Buddha in Pictures) යනු පූජ්‍ය වේරගොඩ සාරද ස්ථවිරයන් වහන්සේ විසින් සම්පාදනය කරන ලද අලංකාර චිත්‍ර සහිත බෞද්ධ ග්‍රන්ථයකි. මෙහි සිතුවම් නිර්මාණය ගුණරත්න ජයකොඩි, පී. වික්‍රමනායක, සුනිල් ගාමිණී සහ උපසේන ගුණවර්ධන යන ප්‍රවීණ චිත්‍ර ශිල්පීන් විසින් සිදු කර ඇත.

මෙම ග්‍රන්ථය මඟින් ගෞතම බුදුරජාණන් වහන්සේගේ උතුම් චරිතාපදානය සිතුවම් මඟින් විස්තර කෙරෙන අතර ඊට අමතරව ලෝවැඩ සඟරාවේ අන්තර්ගත උපදේශාත්මක කරුණු ද චිත්‍ර සහ සටහන් ඇසුරින් ඉදිරිපත් කර තිබේ. සිංහල, ඉංග්‍රීසි සහ චීන භාෂා මාධ්‍යයන්ගෙන් විස්තර දක්වා ඇත.

මෙම කෘතිය 1991 වෙසක් පුන් පොහෝ දින සිංගප්පූරුවේ බෞද්ධ භාවනා මධ්‍යස්ථානය (Singapore Buddhist Meditation Centre) මඟින් නොමිලේ ධර්මදානය පිණිස මුද්‍රණය කර ප්‍රකාශයට පත් කරන ලද්දකි.

පිළිගැන්වීම

මට මෙලොව එළිය දකින්නට මඟ පෑදූ මගේ ආදරණීය දෙමාපියන්ටත්, මා පැවිදිබිමෙහි පිහිටුවා මට යහමඟ එළිපෙහෙළිකොට දී වදාළ මගේ ආචාර්‍ය්‍යවරයාණන් වහන්සේ හා අනුශාසකයාණන් වහන්සේ වූ අතිගරු පූජ්‍යපාද යටලමත්තේ ශ්‍රී වජිරඥාණ නායක ස්ථවිරපාදයාණන් වහන්සේටත් ‘’බුදු සිරිත සිතුවමින්’’ නම් මෙම ග්‍රන්ථය ගෞරව සම්මාන පුරස්සරව පිරිනමා සිටින්නෙමි.

නොමිලේ බෙදාදෙනු පිණිස බෞද්ධ ධර්ම ග්‍රන්ථ දශ ලක්ෂයක් මුද්‍රණය කොට ප්‍රකාශයට පත්කිරීම සඳහා නොමසුරු ධන පරිත්‍යාගයක් කළ සිංගප්පූරුවේ බෞද්ධ අබෞද්ධ සියලු දෙනාටම මේ ග්‍රන්ථය උපහාරයක් වේවා!

වේරගොඩ සාරද ස්ථවිර

DEDICATION

May this Publication be a tribute to my parents who brought me into this world and to my Venerable Teacher and Preceptor Most Ven. Yatalamatte Sri Vajiragnana Nayaka Thero who ordained me and guided me along the path of virtue and righteousness.

May this work be also a tribute to all those Singaporeans - Buddhist and non-Buddhist alike who made generous donations enabling the printing and publishing of a million Books on Buddhism, for free distribution.

Rev. Weragoda Sarada.