සිංහල ව්‍යාකරණ පද නීතිය - වේරගම පුංචිබණ්ඩාර 1888.pdf
- කතෘ :
- වේරගම පුංචිබණ්ඩාර
- ප්‍රකාශිත වර්ෂය :
- 2012
- මුද්‍රිත වර්ෂය :
- 2012
- පිටු ගණන :
- 106
- බාගත කිරීම් ගණන :
- 4,031
- වෙබ් අඩවියට එක් කළ දිනය :
- 2022-06-05
- ගොනුවේ ප්‍රමාණය :
- 47 MB
පොතේ පිටු කිහිපයක ඡායාරූප පහතින් බලන්න.
සිංහල ව්‍යාකරණ පද නීතිය යනු සබරගමුවේ වේරගම පුංචිබණ්ඩාර පණ්ඩිතයන් විසින් පාසල් සහ ආධුනික සිසුන් උදෙසා සම්පාදනය කරන ලද ප්‍රකට සිංහල ව්‍යාකරණ ග්‍රන්ථයකි. සිදත් සඟරාවෙන් පසු බිහි වූ සරල හා ක්‍රමානුකූල මූලික ව්‍යාකරණ ග්‍රන්ථයක් ලෙස මෙය සැලකේ.
මෙහි මුල් සංස්කරණය හික්කඩුවේ ශ්‍රී සුමංගල නාහිමියන්ගේ සහ විලියම් ප්‍රේරා රණසිංහ මහතාගේ පරීක්ෂාවෙන් 1888 දී ප්‍රකාශයට පත් වූ අතර, පසුව විද්‍යොදය පරිවේණාධිපති බද්දේගම පියරතන නාහිමියන් විසින්ද සංශෝධනය කරනු ලැබ ඇත. අක්ෂර මාලාව, ස්වර හා ව්‍යංජන, සන්ධි, නාම, ආඛ්‍යාත, ලිංග, විභක්ති සහ සමාස ආදී සිංහල ව්‍යාකරණාංග රැසක් ප්‍රශ්නෝත්තර හා නිදසුන් ඇසුරින් මෙහි විස්තර කර තිබේ.
සංඥාපනය.
ඉතා පහසුවෙන් ස්වල්ප කාලයකදී සෑහෙන පමණ සිංහල ව්‍යාකරණ ඉගෙනගැණීමට පාඨශාලාවන්හි ව්‍යවහාර කටයුතුවූ ව්‍යාකරණ ග්‍රන්ථයක්හුගේ අවිද්‍යමාන භාවය දීර්ඝ කාලයක පටන් අපේ භාෂාවට තුබුණු මහත් පාඩුවකි.
පුරාණ භාෂාවට වඩා වර්තමාන භාෂාව බොහෝ වෙනස්ව තිබේ. මේ වෙනස් ව්‍යාකරණ ග්‍රන්ථවල අන්තර්ගත කිරීමද අවශ්‍යයෙන්ම කටයුත්තක් විය.
මේතාක් ප්‍රසිද්ධ කළ කොයිම ව්‍යාකරණ ග්‍රන්ථයකවත් මතක් නොකළ ඉතා වැදගත් ව්‍යාකරණ විධි බොහෝමයක් පුරාණයේ පටන් භාෂාවේ පැවත එන බව පෙනේ. ඒවා ව්‍යාකරණ ග්‍රන්ථවල අන්තර්ගත කිරීමද අවශ්‍යයෙන්ම කටයුතුව තිබේ.
ඉංග්‍රීසි පාඨශාලාවන්හි විද්‍යාද්ග්‍රහණයෙහි නියුක්ත වන සිංහල තරුණයෝ ඒ ඉගෙනීමෙන් තොර වනවිට දහඅට ඇවිරිදි විසි හැවිරිදි වයසට පැමිණියෝ වෙති. ඉක්බිති සිංහල ඉගෙනීමට දැන් තිබෙන ව්‍යාකරණ පොත් අතට ගත්කල ඒවායේ ගූඪතාවත් සංක්ෂිප්ත භාවයත් නිසා ස්වල්ප කාලයකදී පහසුවෙන් ඔවුන්ගේ අභිමතාර්ථ සාධනය කරගත නොහැකි වෙයි. එහෙයින් සිංහල ඉගෙනීම ප්‍රතික්ෂේප කර රැකීරක්ෂාවල යෙදෙති. මේ නිසා ආණ්ඩුවේ රාජකාරියයන්හි නියුක්ත වන බොහෝ අයගේ සිංහල දැනීම ඉතා පහත බස්නේය.
යථෝක්ත කරුණු සියල්ලම පිරිමසන අටියෙන් බොහෝ අයගේ මතත් පරීක්ෂාකර බලා අමෘතු ක්‍රමයකට මෙම ග්‍රන්ථය රචනාකරණ ලදී. මෙම ග්‍රන්ථය සිංහල පාඨශාලාවන්හි පාඨනය කරවතොත් ඉතා ස්වල්ප කාලයකදී පහසුවෙන් සිංහල ව්‍යාකරණ ශිෂ්‍යයන්ට ඉගැන්විය හැකි වෙයි. මෙය ඉංග්‍රීසි ඉගෙන බුද්ධිමත් වූ සිංහල තරුණයන්ට ගුරුපදේශ රහිතවම ව්‍යාකරණ අවබෝධ කරගත හැකි වනසේ ශිථිල භාෂාවෙන් ගළපන ලද්දකි.
iv
මේ පොත මුද්‍රණය කිරීමේදී අපගේ ආචාර්ය්‍යවූ හික්කඩුවේ ශ්‍රී සුමඞ්ගල නායක ස්ථවිරෝත්තමයාණන් විසින්ද විලියම් ප්‍රේරා රණසිංහ ශ්‍රේෂ්ඨාධිකරණ සභාවේ පෙරකදෝරු මහතා විසින්ද අන්තිම ශෝධ්‍ය පත්‍ර බලා පොත නිර්දෝෂයයි පිළිගැණීමෙන් ග්‍රන්ථ ගෞරවය උසුලයි.
රිචඩ් ද සිල්වා, බ්ලොක් යන ඉන්ස්පැක්ටර් මහතුන් දෙදෙනා හා අල්පේවුස් පෙරේරා ස්කෝලේ මහත්මයා සමග සාකච්ඡා කොට පාඨශාලාවට ඔබිනා ලෙස පොත පිළියෙළ කළබව මතක් කරමු.
සිංහල ව්‍යාකරණ උගත් පූර්වදිග භාෂා ඉගෙනීමට ඉතා ආශාවක් ඇති පැලහැල ජේ. සමරදිවාකර මහතා විසින් මෙබඳු පොතක් කර දීම මේ කාලයේ සිංහල ව්‍යාකරණාභිලාෂීන්ට අත්‍යන්තෝපකාරීයයි නොයෙක්විට කියා අප මේ වැඩෙහි යෙදවූ බව ස්තුතියෙන් මතක් කරමු.
ලාංකික ජනයෝ මාගධ සංස්කෘත උතුම්කොට සලකා ඒ භාෂාවලින්ම ආගම ශාස්ත්‍ර හැදෑරෝය. මේ දෙකින් එකක ව්‍යාකරණ උගත් අයට සිංහල ව්‍යාකරණ ක්‍රමය ඉබේම වාගේ වැටහේ. විස්තර වශයෙන් සිංහල ව්‍යාකරණ ග්‍රන්ථ නොකළේ මේ නිසායැයි සිතිය හැකිය. නමුත් කේවල සිංහල ව්‍යාකරණ-ඥයන්ට විස්තර ව්‍යාකරණ පොත් නොමැති බැවින් මාගධ සංස්කෘත ව්‍යාකරණයන්ට නිතරම වහල්ව සිටින්නට සිදුවී තිබේ. අපේ භාෂාවේ ව්‍යාකරණ ඉගෙන ගැනීම වෙන භාෂාවල ව්‍යාකරණයන්ට වහල් කොට හැම කල්හිම තිබීම සිංහලයන්ගේ දියුණුවට කොපමණ බාධාවක් ද? පද නීතිය නම් වූ මේ ව්‍යාකරණ ග්‍රන්ථයේ විභක්ති භේදය බලන විට ස්වභාෂා ව්‍යාකරණාභිලාශීන් බොහෝදුර මේ වහල් කමින් මුදවා තිබෙන බව කාට නොහැඟේද? විශාල සිංහල ව්‍යාකරණ ග්‍රන්ථයක් කිරීමෙහි දැන් යෙදී සිටිමු. ඒ වැඩේ අපේ ප්‍රාර්ථනාව ලෙස සමාප්ත
v
වී නම් මේ දසත්වයෙන් සම්පූර්ණ ලෙසම අපේ ස්වදේශිකයන් මිදවිය හැකි වේයයි සිතම්හ.
පද නිය නමින් කළ දුහුනන් දැනුම් සඳහා ඉසිවත් දනන් හැර මෙම ගත් කනට නොරිසිද
1888 ක් වූ සැප්තැම්බ්‍ර මස 30 වෙනි දින දීය.
1888 ක් වූ සැප්තැම්බ්‍ර මස
30 වෙනි දින දීය.
ප්‍රකාශක නිවේදන
සිදත් සඟරාවෙන් පසු පළමු කොටම සිංහලයන්ට ලැබුණු සම්භාවනීය ව්‍යාකරණ ග්‍රන්ථය වේරගම පුංචිබණ්ඩාර පණ්ඩිතුවන් විසින් සම්පාදිත මේ පද නීතිය බැව් බොහෝ වියතුන්ගේ පිළිගැනීම වේ. පුරා අසූ වසකටත් වැඩි කලක් ආධුනික ජනතාවට හෙළු වියරණ ඉගෙනීම පිණිස මේ පොතින් ලැබුණු උපකාර ඉතා මහත් බැව් කිය යුතු නොවේ.
පිරිවෙන්වලත් පාසැල්වලත් නිතර පරිශීලනය කරන මේ ග්‍රන්ථය විද්‍යොදය පරිවේණාධීශ්වර පණ්ඩිත ශිරෝමණී හික්කඩුවේ ශ්‍රී සුමඞ්ගලාභිධාන නායක මාහිමිපාණන් වහන්සේ විසින් අවසාන ශුද්ධි පත්‍රාවලෝකනයෙන් පිළිගන්නා ලද නමුත්, 2484 දක්වා මුද්‍රිත වාර කීපයකම පිටපත්වල මුද්‍රණ දෝෂ පෙණින. විද්‍යොදය පරිවේණාධිපතිව වැඩ විසූ පණ්ඩිතාචාර්‍ය්‍ය බද්දේගම සිරි පියරතනාභිධාන නායක ස්වාමීන්ද්‍රයන් වහන්සේ යථාවකාශ පරිද්දෙන් ඒ සදොස් තැන් බොහොමයක් ශුද්ධ කළ බැවින් අප විසින් ප්‍රකාශිත මේ සවන මුද්‍රණය ප්‍රයෝජන ගන්නා භවතුන්ට එක් විශාල සහනයකි.