කථින විනිශ්චය - කපුගම සද්ධම්මවංශපාල හිමි 1909.pdf
- කතෘ :
- කපුගම ධම්මක්ඛන්ධ හිමි
- ප්‍රකාශිත වර්ෂය :
- 1909
- මුද්‍රිත වර්ෂය :
- 1909
- පිටු ගණන :
- 53
- බාගත කිරීම් ගණන :
- 1,307
- වෙබ් අඩවියට එක් කළ දිනය :
- 2021-01-08
- ගොනුවේ ප්‍රමාණය :
- 24 MB
පොතේ පිටු කිහිපයක ඡායාරූප පහතින් බලන්න.
කඨින විනිශ්චය යනු ගාලු කෝරලයේ වැලිබද්ධපත්තුවේ දඩල්ලේ වාලුකාරාමාධිපතිව වැඩවිසූ සද්ධම්මවංසපාල කපුගම ධම්මක්ඛන්ධ මහාස්ථවිරයන් වහන්සේ විසින් සම්පාදිත විනය ග්‍රන්ථයකි. කඨින චීවරය සම්බන්ධ සියලු විනය කරුණු එක්තැන් කොට විස්තර කරමින් භික්ෂූන් වහන්සේලාගේ ප්‍රයෝජනය පිණිස මෙම කෘතිය රචනා කර තිබේ. එසේම එකල පැවති මතභේද දුරුකිරීම සඳහා සීමා ලක්ෂණය පිළිබඳ විස්තරයක් ද මෙහි අන්තර්ගතය.
මෙම කෘතිය පානදුරේ සද්ධර්මාකාර පරිවෙණාධිපති කවිධජ විනයාචරිය සීලානන්ද අනුනායක ස්ථවිරයන් වහන්සේගෙන් ලබාගෙන, වැලිගම සුදර්ශනාරාමාධිපති බොරලැස්ගමුවේ පේමානන්ද ස්ථවිරයන් වහන්සේ විසින් සංස්කරණය කොට ඇත. රත්මලානේ ජී. ජෝන් ප්‍රේරා අප්පුහාමි මහතා විසින් බුද්ධ වර්ෂ 2453 (ක්‍රි.ව. 1909) දී ජිනාලංකාර මුද්‍රණාලයේදී මුද්‍රණය කරවා ප්‍රකාශයට පත් කරන ලදී.
සංඥාපනය.
කඨිනවිනිශ්චය නම්වූ මෙ ප්‍රකරණය වනාහි මෙයින් ශතවර්‍ෂයකට පමණ පූර්‍වයෙහි ගාලුකෝරලේ වැලිබද්ධපත්තුචෙ දඩල්ලෙ වාලුකාරාමාධිපතිව වැඩවිසූ සද්ධම්මවංසපාල යන රාජදනීැය ගෞරවනාමාංකිතවූ කපුගම ධම්මක්ඛන්ධාභිධාන මහාස්ථවිරපාදයන් වහන්සේගේ කෘතියකි. යථෝක්ත මහාස්ථවිරයන් වහන්සේ ශ්‍රී වික්‍රම රාජසිංහ රජතුමන්ගේ රාජ්‍ය කාලයෙහි දෙවෙනිවරට බුරුමදේශයට ගොස් උපසම්පදාවද ලැබගණ එකලවූ බුරුමරාජ්‍යසකල බුරුම මහරජතුමන්ගෙන් ලබනලද ගෞරවනාමාංකිතව සශ්‍රීක ලක්දිවට වැඩමවා ස්වකීය මුල්ම නිකාය බෙහෙවින් උජ්ජීවිතයව පැමිණවු ධර්‍මවිනයාභිදක්‍ෂ ශාසනහිතෛෂී උතුමෙකි.
මෙ ග්‍රන්ථකාරක මහාස්ථවිරයන් වහන්සේගේ බාහුශ්‍රැත්‍යය මෙ පොත කියවන කාටත් හොඳින් වැටහෙන බැවින් මෙහිදී වර්‍ණනා කිරීමට ප්‍රපංච නොවෙමු. කඨිනචීවරය සම්බන්ධ වනමනාතාක් කරුණු එක්තැනෙක පිඩුකොට කියනලද ග්‍රන්ථයක් නොතිබුන බැවින් මෙ ප්‍රකරණය හීනවූ විනයක්‍ෂපාටවය ඇති ශාසනික භික්‍ෂූන්ගේ ඒ ඌනත්වය පිරිමසාලීම සඳහා කරණලද්දකි. සීමාලක්‍ෂණයද බෙහෙවින් මෙහි වර්‍ණනා කොට ඇත්බැවින් නානාධික නානාකාලීන භික්ෂූන් අතර ඇතිවූ සීමාසම්බන්ධ මතභෙදයක් දුරලීමද ප්‍රකරණකර්තෲන්ගේ එක් අදහසක්බැවි අනුමිතවශයෙන් කිවහැක්කේය.
ලක්දිව ඉතා දුර්ලභව පවත්නාවූ මෙ පොත ලෝකයා අතර ප්‍රකටකර හැරීම මහත් ශාසන සංග්‍රහයක් විය හැකි බැවි සැලකූ පානදුරේ පින්වත්ගේ අසමින්ද උගත් සද්ධර්මාකාර පරිවෙණාධිපති කවිධජ විනයාචරිය සීලානන්‍දාභිධාන අනුනායක ස්ථවිරයන් වහන්සේගෙන් මෙ පොත මුද්‍රණය කරවනු පිණිස අපට ලැබුනබැවි ගෞරව ස්තුති පුරස්සරව සඳහන් කරමු. මෙහි චිරාගත ලිපිදොෂ බහුලව තිබුන බැවින් අප විසින්ද තව පිටපතක් සොයා සසඳවලා ප්‍රපාතකළ මහාස්ථවිරයන් වහන්සේගේ අභිප්‍රායෙහි හැඟුනතැන් හැර ලිපිදොෂයයි හැඟුනතැන් වෙනස්කොට මුද්‍රණය කරවනු පිණිස දෙනලද්දේය, බෙහෙවින්ම ලක්දිව ශාසනොපග්‍රහය හීනවූ කාලයෙහි කරණලද මෙ විනයප්‍රකරණයගැන නුවනින් සලකා බලනකල යථෝක්ත මහාස්ථවිරයන් වහන්සේ ආගමධර්‍මයෙහි භයලූ බුද්ධිමත් මහාප්‍රාඥ උතුමෙක් බවද එහෙයින් පැසසුම් ලැබිය යුත්තෙක් බවද හැඟෙන හෙයින් එයම ග්‍රන්ථගෞරවයට ප්‍රමාණ යයි සලකමු.
B. Pemananda Thera.
නිවේදනයයි.
අප සමිතිය මගින් යහපත් සත්පුරුෂ භවතුන්ගේ උපකාර මහත්කොට ගෙන මේතාක්ම නොපසු බට වීර්‍ය්‍යයෙන් යුක්තව සියලු දෙනාටම ප්‍රයෝජනවත්වූ සාරවත් ධර්‍ම ඇතුලත් මාහැඟි ධර්‍මපුස්තක කීපයක් පළකරවීම හා තවත් ලෝක ශාසනාභිවෘද්ධියට ඉවහල්වූ නානාවිධ පුණ්‍යකර්‍ම රැස්කිරීමද යන සත්කාර්‍ය්‍යරාශියක් සිදු කරගන්නාලදී මින්මතුවටද සමිතියෙහි නියමිත ව්‍යවස්ථා නොඉක්මවා ගතවූකාලයෙහිමෙන්ව ධර්‍මපුස්තක ප්‍රචාරය ආදි සත්කාර්‍ය්‍යයන් නොපසුබටවම සිදුකරනු ලබනබැවින් සියළුම සත්පුරුෂභවතුන් විසින් එව උපකාර කලයුතුය.