විනය මහාවග්ග පාලි - බෙන්තර ශ්‍රද්ධාතිස්ස හිමි 1933.pdf
- කතෘ :
- බෙන්තර ශ්‍රද්ධාතිස්ස හිමි
- ප්‍රකාශිත වර්ෂය :
- 1933
- මුද්‍රිත වර්ෂය :
- 1933
- පිටු ගණන :
- 448
- බාගත කිරීම් ගණන :
- 874
- වෙබ් අඩවියට එක් කළ දිනය :
- 2021-01-09
- ගොනුවේ ප්‍රමාණය :
- 74 MB
පොතේ පිටු කිහිපයක ඡායාරූප පහතින් බලන්න.
මෙම ග්‍රන්ථය ත්‍රිපිටකයේ විනය පිටකයට අයත් මහාවග්ග පාලිය සම්පූර්ණයෙන්ම පාලි භාෂාවෙන් (සිංහල අකුරින්) ඉදිරිපත් කරන සංස්කරණයකි.
විද්‍යොදය පරිවේණාධිපතිව වැඩවිසූ මහගොඩ ශ්‍රී ඤාණෙශ්වර නාහිමි සහ ක්ෂේත්‍රාරාම කන්දේ විහාරාධිපති පොතුවිල ශරණතිස්ස නාහිමි යන දෙනමගේ අතවැසි වූ කළුතර පෞරාණික දීපාරාම දූවේ විහාරාධිවාසී බෙන්තර ශ්‍රද්ධාතිස්ස ස්ථවිරයන් වහන්සේ විසින් මෙම ග්‍රන්ථය ප්‍රතිසංස්කරණය කර ඇත. දොන් ඒබ්‍රහම් රාජපක්ෂ මුදලාලි මහතාගේ ප්‍රකාශනයෙන් 1933 දී (බු.ව. 2474) පානදුර යන්ත්‍රාලයෙහි මෙය මුද්‍රණය කරවා තිබේ.
මෙහි ප්‍රධාන පරිච්ඡේද 10 ක් (ඛන්ධක) අන්තර්ගත වේ:
- මහාඛන්ධකං
- උපොසථක්ඛන්ධකං
- වස්සූපනායිකක්ඛන්ධකං
- පවාරණක්ඛන්ධකං
- චම්මක්ඛන්ධකං
- භෙසජ්ජක්ඛන්ධකං
- කඨිනක්ඛන්ධකං
- චීවරක්ඛන්ධකං
- චම්පෙය්‍යක්ඛන්ධකං
- කොසම්බකක්ඛන්ධකං
විඤ්ඤත්ති.
විනය පිටකෙ මහා වග්ගො’ති එත්ථ:— විවිධ නයත්තා විසෙස නයත්තා විනයනතො ච කායවාචානං ආදිබ්‍රහ්මචරියක ආභිසමාචාරික සික්ඛාපද සමුදයස්සා’භිභවන භූතො’යං විනය සඤ්ඤො පරිසත්තී අත්ථෙන භාජනෙන වා පිටකසඤ්ඤෙන සමං. සමගිය විනයො ච සො පිටකඤ්ච පරිසත්තිභාවතො තස්ස තස්ස අත්ථස්ස භාජනතො චාති විනයපිටකන්ති වුච්චතෙ.
තස්මිං ඛො පන විනයපිටකෙ උභතො විභංග බාවීසති ඛන්ධක සොළස පරිවාර පාරාජික පාචිත්තිය මහාවග්ග චුල්ල වග්ග පරිවාර සංඛාතෙහි පඤ්චහි ගන්ථෙහි සංගහිතත්තා විනයපිට කෙකදෙසො’යං මහාවග්ගො “සො වන භික්ඛවෙ භික්ඛු ආභි සමාචාරිකං ධම්මං අපරිපූරෙත්වා ආදිබ්‍රහ්මචරියකං ධම්මං පරි පූරෙස්සතීති නෙතං ඨානං විජ්ජති”ති වචනතො ආදිබ්‍රහ්මචරි යක සික්ඛාහිපි මහතං සම්භාවනීයානං ආභිසමාචාරික සික්ඛා සංඛාතානං ඛන්ධකවත්තානං වා මහාඛන්ධකාදිවසෙන පමාණ මහන්තතානං වා දසන්නං ඛන්ධකානං වග්ගො සම්භූතොති කත්වා මහාවග්ගොති වාභිධීයතෙ.
යස්ස හි උද්දෙසන උද්දෙසාපන සංඛ්‍යාතෙන “අත්තනො සීලක්ඛන්ධො සුගුත්තො හොති සුරක්ඛිතො, කුක්කුච්චා’ප න්නානං භික්ඛූනං පටිසරණං හොති, විසාරදො සද්ධම්මජ්ඣෙ වොහරති, පච්චත්ථිකෙ සහධම්මෙන සුනිග්ගහිතෙ නිග්ගණ්හා ති, සද්ධම්මට්ඨිතියා පටිපන්නො හොති”ති වුත්තානිසංසානඤ්ච උපොසථ පවාරණ සබ්බකම්ම පබ්බජ්ජා උපසම්පදා නිස්සයදාන සාමණෙරුපට්ඨාපනාදිනඤ්ච සාමිකො හොති තස්ස විනයස්ස විනයෙකදෙසස්ස වා සඤ්ජප්පණීතස්ස සකලෙහෙව සාසනිකෙහි සද්ධත්ථිතස්ස මමායිතස්ස පරිපාලිතස්ස කස්ස කා වණ්ණනා? තස්මා අලමිහ පපඤ්චෙන.
සො ඛො පන මහාවග්ගොපි යථා භගවතො සම්මුඛා පටිග්ග හිතෙහි උපාලිත්ථෙරප්පමුඛෙහි මහාසාවකෙහි චෙව සබ්බකාමී ථෙර මොග්ගලිපුත්තතිස්සත්ථෙරාදීහි පරියත්තිපාරංගෙහි වීත රාගෙහි චා’පරෙහි මුඛපරම්පරායානීතො යාව තතියසංගීති සමයා සුවිසුද්ධො අහොසි අනුපඤ්ඤත්තො ජම්බුදීපෙ, තථෙවිධාපි
මහාමහින්දත්ථෙරාදීහි තථාගතපරිනිබ්බානා පඤ්චපඤ්ඤාසාධිකෙ චතුස්සතමෙ වස්සෙ දුතියාභිසෙකෙනා’භිසිත්තෙන වට්ටගාමණී අභය මහාරාජෙ රජ්ජමනුසාසති යාව සබ්බපරියත්තියා පොත්ථකාරොපනා සුවිසුද්ධමානීතො අහොසි අනුපඤ්ඤතො.
තතො ඔරම්පන පොත්ථක පටිපොත්ථකාරොපනෙහිපි අබ්‍යත්ත ලෙඛක පටිලෙඛක කාලුස්සෙහි චෙව නානාචරියවාදෙහි ච මිස්සීභූ තාරම්භො සාසනමාමකෙහි නෙකෙහාචරියවරෙහි කාලෙන කාලං සුබ්බාපයිතොපි අනෙකන්තසුද්ධිමුපගතො තාලපත්තලිඛිතො ඌනභණ්ඩාභරණාභිලාසිනං විහෙසාය අහොසි:
තස්මා කතිපයෙහි සුධීහෙහි ව්‍යාපාරිතෙන මයා ස්‍යාම මරම්ම යුරොපියාති මුද්දිතානි ච සබරගාමකෙ ධම්මසාලායං සන්නිපති තෙහි විද්‍යොදය මහා විද්‍යාලයාධිවුත්ථස්ස පණ්ඩිතශිරොමණී ශ්‍රී සුමංගල යතිපතිප්පමුඛෙහි ථෙරවරෙහි විසොධිතානි ච පොරා ණානි සීහලක්ඛරලිඛිතානි ච කතිපය මහාවග්ගපොත්ථකානි සමාලොච්‍ය සමන්තපාසාදිකා සාරත්ථදීපනීහි ච සංසන්දෙත්වා මම ධම්මාචෙරියස්ස බෙන්තරාරාමපරිවෙණාධිපස්ස සරණතිස්සත්ථෙරවරස්ස විශිට්ඨොපදෙස මනුගම්ම ඉතො පුරා වාරද්වයම්පි යථාසත්තිමභිසංඛාරිය පාකටත්තමුපනීතොපි තෙසම’තිසිස්සමෙව පරික්ඛය මගතත්තා උග්ගහණ ධාරණාභිලාසීන’මනුග්ගහාය පුරිමවාරවතොපි සම්පූ ත්‍යුත්සාහෙන තතියාභිසංඛරණෙනා’භිසංඛතො’යං සම්ඵුල්ලස්තු මහා වග්ගො විනයනය පරියාපුණනා’භිලාසිනං පියසීලීන’මතිස්සුකීනං මනකුමුදවන විකාසනෙ සරද රජනීකර සිරි සමුබ්බහන්තො යාව සාසනන්තරධානා.
අථ ච පනිමස්මිං තතියාභිසංඛරණෙපි බෙන්තරාරාම පරිවෙණාධිපෙන ආචරියෙන සරණතිස්සත්ථෙරපාදෙන චෙව තස්සග්ගසිස්සෙන “කාලවිල” ගාමජෙන ඉන්දරතන භික්ඛුනා ච අම්හාකමනවසද්‍රෙසු පඨම මුද්දිත පත්තාවලොකනාදිනා උපත්ථම්භිත භාවඤ්චානු කතඤ්ඤුතායා’වෙදයාම.
B. Saddha Tissa Thera. 2474 / 1930 12. 1.