අංගුත්තර නිකාය 2 පාලි - බොද්‍ධ සම්මේලනය 1971.pdf

මෙම ග්‍රන්ථය සමස්ත ලංකා බෞද්ධ මහාසම්මේලනයේ ත්‍රිපිටක ග්‍රන්ථමාලාවේ 11 වැනි වෙළුම ලෙස පළ කරන ලද සුත්තන්ත පිටකයේ අංගුත්තර නිකාය දෙවැනි කාණ්ඩය (තික නිපාතය) වේ. ගංගොඩවිල සුභද්‍රාරාම පරිවෙණාධිපති බොරැක්ගමුවේ ධම්මකිත්ති ශ්‍රී රෙවත නායක ස්ථවිරයන් වහන්සේ විසින් පාලි පාඨය සහිතව සිංහල අනුවාදය සම්පාදනය කරන ලද අතර මහාචාර්ය ජී. පී. මලලසේකර මහතා විසින් ග්‍රන්ථ සංස්කරණය සිදු කර ඇත.

මෙහි පළමු කාණ්ඩය 1952 දී නිකුත් වූ අතර, දෙවැනි කාණ්ඩයේ පිටු 400 කට ආසන්න ප්‍රමාණයක් මුද්‍රණය වී තිබියදී මුද්‍රණාලයේ හටගත් ගින්නකින් මුල් අත්පිටපත ද විනාශ වීම හේතුවෙන් දෙවැනි කාණ්ඩය මුද්‍රණය ප්‍රමාද වූ බව සංස්කාරක සංඥාපනයේ සඳහන් වේ. අනතුරුව අලුතින් සකස් කර 1971 දී අනුල මුද්‍රණාලය මඟින් මුද්‍රණය කරවා ප්‍රකාශයට පත් කර තිබේ.

මෙහි අන්තර්ගත ප්‍රධාන වග්ග පහත පරිදි වේ:

• බාල වග්ගො, රථකාර වග්ගො, පුග්ගල වග්ගො, දෙවදූත වග්ගො, චූල වග්ගො
• බ්‍රාහ්මණ වග්ගො, මහා වග්ගො, ආනන්ද වග්ගො, සමණ වග්ගො
• ලොණඵල වග්ගො, සම්බොධි වග්ගො, ආපායික වග්ගො, භරණ්ඩු (කුසිනාරා) වග්ගො
• යොධාජීව වග්ගො, මඞ්ගල වග්ගො, පටිපදා වග්ගො සහ පෙය්‍යාල ආදිය

සංඥාපනය.

සමස්ත ලංකා බෞද්ධ මහා සම්මේලනය මගින් ප්‍රසිද්ධ කරනු ලබන ත්‍රිපිටක ග්‍රන්ථමාලාවට අයත් අංගුත්තරනිකාය පිළිබඳ මේ දෙවෙනි කාණ්ඩයයි.

අංගුත්තරනිකාය සම්බන්ධයෙන් කිවයුතු වූ සාමාන්‍ය කරුණු එහි පලමුවන කාණ්ඩයේ සංඥාපනයට ඇතුලත් වන නිසා ඒ දේ නැවතත් මෙහි දැක්වීම අනවශ්‍යයයි සලකමු.

අංගුත්තරනිකායේ පලමුවන කාණ්ඩය ප්‍රසිද්ධ කරන ලද්දේ 1952 දීය. මේ දෙවෙනි කාණ්ඩය මෙතෙක් පමාවීම ගැන අතිශයින් කනගාටුවෙමු. මේ ප්‍රමාදයට හේතු වූ කරුණු මෙසේ යි. මේ පොත් කාණ්ඩය මුද්‍රණයට බාර දී ඉන් පිටු 400 කටත් වඩා අධික ප්‍රමාණයක් මුද්‍රණය වූ පසු මුද්‍රිතවූ පිටපත් පමණක් නොව මුද්‍රණයට බාරදුන් මුල පිටපත ද මුද්‍රණාලයේ ඇති වූ ගින්නකින් විනාශවීම මේ ප්‍රමාදයට හේතුව විය.

අවුරුදු බොහෝ ගණනක් පමාවී නමුත් පොතේ දෙවෙනි කාණ්ඩය ප්‍රසිද්ධ කරන්නට හැකිවීම ගැන අපි සතුටු වෙමු. අංගුත්තරනිකායෙහි ඉතිරි කොටස් පමණක් නොව ත්‍රිපිටක ග්‍රන්ථමාලාවට අයත් සෙසු පොත් ද හැකිතාක් ඉක්මණින් පලකිරීම අපේ බලාපොරොත්තුවයි.

නොයෙක් අවහිර මධ්‍යයෙහිදී මෙහි ශුද්ධිපත් බලන්නට සිදුවූ නිසා බොහෝ මුද්‍රණ දෝෂ ඇතිවීම නො වැලැක්විය හැකි විය. ඒ ගැන බොහෝ සෙයින් කනගාටු වෙමු. සමහර මුද්‍රණ දෝෂ ග්‍රන්ථාවසානයෙහි වූ ශුද්ධිපත්වලට ඇතුලත් කරන ලදී. නමුත් ඇසට නො පෙනීගිය තව බොහෝ වැරදි ඇති බව නිසැකය.

මේ පොත් කාණ්ඩය දෙවෙනි වරට මුද්‍රණයට සකස් කළ පසු මාස කීපයකින් එහි කටයුතු නිමකොට දුන් අනුල මුද්‍රණාලයාධිපති ඩබ්ලිව්. ඩී. ජේ. රත්නායක මහතාට හා ඒ මහතාගේ සහායක පිරිසට අතිශයින් කෘතඥ වෙමු.

ගුණපාල මලලසේකර
සමස්ත ලංකා බෞද්ධ මහා සම්මේලනයේ ත්‍රිපිටක
ග්‍රන්ථමාලාවේ සම්පාදක තැන.

2514
1970 දෙසැම්බර මස 30 වෙනිදා
කොළඹදී ය.

PREFACE

This volume is part II of the Anguttara Nikāya in the All-Ceylon Buddhist Congress Tripiṭaka series. The first part was published as far back as 1952. The delay in publishing the second part was due to a variety of reasons over which we had no control. After this Volume had been prepared for the press and about 400 pages had actually been composed and printed, all the printed copies and the original manuscript were destroyed by a fire in the printing establishment. The work had, therefore, to be done afresh elsewhere.

Since whatever was necessary to be said by way of general remarks concerning the Anguttara Nikāya has already been mentioned in part I of the text, no purpose will be served by repeating them here.

We hope to publish further issues in this series much more expeditiously than in the past till the series is completed.

We are grateful to Mr. W. D. J. Ratnayake, Proprietor of the Anula Press, and his colleagues for completing the work of printing within a few months after receiving the revised version of the manuscript.

G. P. Malalasekera
General Editor.
All - Ceylon Buddhist Congress
Tripiṭaka Series.