06 ශ්‍රේණිය.pdf

මෙම ග්‍රන්ථය ශ්‍රී ලංකා බෞද්ධ කටයුතු දෙපාර්තමේන්තුව මගින් සම්පාදනය කර ප්‍රකාශයට පත් කරන ලද 6 වන ශ්‍රේණියේ දහම් පාසල් පෙළපොතයි. මෙහි ලේඛකත්වය පූජ්‍ය වදමල්දෙණියේ සෝමාලෝක ස්වාමීන් වහන්සේ විසින් දරනු ලැබ ඇති අතර, අතිපූජ්‍ය මහානායක ස්වාමීන්ද්‍රයන් වහන්සේලා ප්‍රමුඛ විද්වත් උපදේශක මණ්ඩලයක මඟපෙන්වීම යටතේ සම්පාදනය කර ඇත.

දහම් පාසල් අධ්‍යාපනයේ මූලික පරමාර්ථ හා නිපුණතා සාක්ෂාත් කර ගැනීම සඳහා බුද්ධ චරිතය, ශාසන ඉතිහාසය, බෞද්ධ සිරිත් විරිත්, පරිසරය හා සමාජ ආචාර ධර්ම ඇතුළත් පාඩම් මාලාවක් මෙහි අන්තර්ගත වේ. මෙම පෙළපොතෙහි අන්තර්ගත ප්‍රධාන මාතෘකා කිහිපයක් පහත දැක්වේ:

• බෞද්ධයකුගේ ලක්ෂණ හා හැදෙන සිසු දිවියක ලක්ෂණ
• බුදුගුණ හා ධම්මපද පාඨ
• උපාලි මහරහතන් වහන්සේ හා බෝධි වන්දනාව
• ධර්මාශෝක රජුට පෙර ශාසන ඉතිහාසය හා ලක්දිව වීර රජවරුන්ගේ තොරතුරු
• සිහිය, භාවනාව, මෙත් වැඩීම සහ සමාජ සාරධර්ම

දහම් පාසල් සිසුන් සඳහා නොමිලේ බෙදාහැරීම පිණිස රජයේ මුද්‍රණ දෙපාර්තමේන්තුව මගින් මෙම ග්‍රන්ථය මුද්‍රණය කර ඇත.

දහම් පාසල් අධ්‍යාපනයේ පරමාර්ථය හා නිපුණතා

පරමාර්ථය

බුදුදහම පදනම් කර ගෙන තමා සහ අවට පරිසරය පිළිබඳ අවබෝධයක් ඇති, එම අවබෝධය අනුව හැසිරෙන සහ එසේ හැසිරීමේ ප්‍රතිඵල අත්දකින ගුණ නැණ දෙකෙන් පිරිපුන් දරු පිරිසක් බිහි කිරීම.

නිපුණතා

දහම් පාසල් දරුවා

1. දහම් පාසල් අධ්‍යාපනයේ වටිනාකම හැඳිනගෙන තෙරුවන් කෙරෙහි ශ්‍රද්ධාවෙන් ක්‍රියාකර යි. 2. බුද්ධචරිතය හා වෙනත් ශ්‍රේෂ්ඨ චරිත හැඳින, ඒවා චරිතායනය කර යි. 3. පන්සිල් සුරකිමින් සඟරුවනට හා ගුරු දෙගුරුන්ට ගරු බුහුමන් දක්වයි. 4. ධර්මය පිළිබඳ නිවැරදි, නිරවුල් දැනුමක් ඇති ව තමන්ටත්, අනුන්ටත් හිත පිණිස වන පෞරුෂයක් ගොඩනගා ගැනීමට ක්‍රියාකර යි. 5. කායික හා මානසික සෞඛ්‍යය පිළිබඳ සැලකිලිමත් වෙමින්, විවේකය ඵලදායි ලෙස ගතකර යි. 6. දේශාභිමානයෙන් යුතු ව ශාසනික උරුමය සහ බෞද්ධ සංස්කෘතික දායාද ආරක්ෂාකර ගැනීමට ක්‍රියාකර යි. 7. බෞද්ධ නිර්ණායක අනුව කළයුතු නො කළයුතු දේ නිවැරදි ව හැඳිනගෙන ඒ අනුව ක්‍රියාකර යි. 8. බෞද්ධ ආර්ථික හා දේශපාලන දර්ශනය හැඳිනගෙන ඊට අනුගත වෙයි. 9. බෞද්ධ සිරිත් විරිත්, වත් පිළිවෙත් හා පරිසරය හැඳින ඊට අනුරූපී ව ක්‍රියාකර යි. 10. පාලි භාෂා කුසලතාව සහ අභිධර්මය පිළිබඳ මූලික දැනුම ඇතිකර ගැනීමට ක්‍රියාකර යි.