රූපමාලා විභත්‍යත්ථප්පකාසිනි - සුනන්ද හිමි 1873.pdf

රූපමාලා හෙවත් විභත්‍යත්ථප්පකාසිනි (Rupamala or Vibhaktyartha Prakasini) පාලි නාම ශබ්දවල විභක්ති රූප (ප්‍රථමාදී සප්ත විභක්ති, ආලපන සහිතව) ඒකවචන බහුවචන වශයෙන් වරනැගී පෙන්වන, පාලි භාෂාව ඉගෙනීම සඳහා වූ කුඩා ව්‍යාකරණ ප්‍රකරණයකි. පොතේ ඇතුළත් විඤ්ඤාපනයට හා දැන්වීමට අනුව මෙම ප්‍රකරණය ශබ්ද ශාස්ත්‍රයෙහි දක්ෂ වූ සරණංකර සංඝරාජ මහා ස්වාමීන් විසින් කරන ලද්දකි.

මෙම මුද්‍රණය මඩිහාරවේ සුනන්ද තෙරුන්නාන්සේ (M. Sunanda Terunnanse of Madiarawe) විසින් සංස්කරණය කොට එකතු කිරීම් සහිතව සකස් කරන ලද්දකි. ඉංග්‍රීසි Preface හි සඳහන් පරිදි, ලේඛක දෝෂවලින් පිරී තිබූ මුල් පිටපත් කිහිපයක් සසඳා දෝෂ නිවැරදි කොට, මුල් පොතෙහි ක්‍රියාපද නොයෙදූ නාම ශබ්ද සතළිහකට පමණ ක්‍රියාපද යොදා උදාහරණ සම්පූර්ණ කර ඇත. ඒකවචන බහුවචන වෙන්කොට හැඳිනිය හැකි ලෙස තීරු දෙකක සකස් කොට, විභක්ති අනුපිළිවෙළ අංක 1-7 මගින් දක්වා ඇත.

පොතෙහි බුද්ධ, අත්ත, රාජ, ගුණවන්තු, ගච්ඡන්ත ආදී අකාරාන්තාදී ශබ්දවල වරනැගිලි, එක් එක් විභක්ති රූපයට පාලි වාක්‍ය උදාහරණ සහ සමාන රූප ඇති විභක්ති පිළිබඳ විස්තර ඇතුළත් වේ. දැන්වීමට අනුව ජම්බු ආදී ස්ත්‍රීලිඞ්ග ශබ්ද, ද්විලිඞ්ග හා සර්වලිඞ්ග ශබ්ද, තුම්හ අම්හ සර්වනාම සහ සංඛ්‍යා ශබ්ද ද පෙන්වා ඇත. පාලියෙන් අදහස් ප්‍රකාශ කිරීමට සහ සරල පාලි ග්‍රන්ථ කියවීමට මෙය උපකාරී වන බව සංස්කාරකයා සඳහන් කරයි.

මෙය කොළඹ F. Cooray විසින් 1873 දී (ශ්‍රී බු. ව. 2417) මුද්‍රණය කරන ලදී. අවසානයේ ශුද්ධිපත්‍රයක් (වැරදි නිවැරදි කිරීම් ලැයිස්තුවක්) ඇතුළත් වේ.

දැන්වීමයි.

සර්වමාරවාරණකේසරීන්ද්‍රසනනිභ ශ්‍රීජිනේන්ද්‍රප්‍රමුඛබ්‍රහ්මසුරාසුරසමභාසනීයවූ මාගධභාසාව උද්ග්‍රහණධාරණවසයෙන් පරිචිතකරණ සියළු ග්‍රහස්ත ප්‍රව්‍රජිතයන්ට අත්‍යන්තෝපකාරවූ මෙම සුළුවූ මාහැඟිවූ ප්‍රකරණය, ශබ්ද ශාස්ත්‍රාර්ථයන් මනාකොට දන්නාවූ සරණංකර සංඝරාජමහා ස්වාමීන්විසින් සාදනලදැයි, අසනලදුවත් එහි ලේඛක දෝෂාදිය හැර, පොත බැළූ කෙණෙහි ඒකවචන බහුවචන හැඳිනීමට සෑහෙන සලකුනක්ද, ප්‍රථමාවිභක්ත්‍යාදි සප්තවිභක්තීන්ට අයිතිපද දැනගැනීම්පිණිස එක පටන් හතදක්වා ඉලක්කන් යෙදීමද ජම්බුසද්දයෙපටන් අජාදිස්ත්‍රීලිඞ්ගශබ්දයොද, සර්වනාම ශබ්දයන් පටන්ගැනීමට පූර්වයෙහි, ඝට කට ධම්ම කම්මාදි ද්විලිඞ්ගනාම, සද්ද, තවපුතාදි සර්වලිඞ්ග ශබ්දයන්ද, පිළිවෙලට යෙදුවා සහ, වො නො, තෙ, මෙ, යන ආදෙශශබ්දයන්ගෙ අර්ථනිර්ණයසව දැනගැනීම්පිණිස ප්‍රකෘති තුම්හ අම්හ ශබ්දයන්ද, සංඛ්‍යාවාචි ශබ්දයන් අතුරෙහි, ඒකූනවීසති, ඒකූනතිංසති ආදියෙහි පටන් ඒකූනසත ශබ්දයදක්වා එක එක ශබ්දයක අනුසාරයෙන්, විසති, එකවීසති, යනාදීහු තේරුම්ගැනීම් පිණිස පෙන්වා තිබෙන බවද, තවත් ක්‍රියාපද නොදක්වා තිබුන සතලිස්ගණනක් ශබ්දයන්ට අමුතුවෙන්ම ක්‍රියාපද යලපා සම්පූර්ණකරණලද, මෙම පොත පාලි ව්‍යාකරණ ඉගෙණගැනීම් පිණිස උත්සාහ වඩන සියළුදෙනාට ඉතා ප්‍රයොජනවත්බව දැනගතයුතු. මෙහි ප්‍රමාදදි හේතුවකින් යම් වරදක් දකින්ට ලැබුනේ නමුත් එය හැර මෙහි ප්‍රයෝජන පමනක් සැලකියයුතු.

PREFACE.

THIS excellent little Book, which is very useful in acquiring a knowledge of the language of Magadha, the original language of the world, in which all the Gods, Brahmas and Buddhas converse, has hitherto been in a very mutilated state, abounding in various clerical errors.

In preparing it for the Press, the Editor has collated several manuscript copies together and corrected errors. He has supplied with verbs upwards of 40 examples of nouns which were left alone in the original. Singular and plural nouns have been arranged in such a way as to be distinguished at the first sight. The order of the Declensions and the seven cases have been represented by numerical figures. The attentive Reader of this little work will be able to express himself in Pali and to peruse simple works in that language.

M. SUNANDA, PRIEST.