එළුඡන්දසය - භද්‍ර හිමි 1874.pdf
- කතෘ :
- භද්‍ර හිමි
- ප්‍රකාශිත වර්ෂය :
- 1874
- මුද්‍රිත වර්ෂය :
- 1874
- පිටු ගණන :
- 50
- බාගත කිරීම් ගණන :
- 1,765
- වෙබ් අඩවියට එක් කළ දිනය :
- 2021-01-06
- ගොනුවේ ප්‍රමාණය :
- 8.4 MB
පොතේ පිටු කිහිපයක ඡායාරූප පහතින් බලන්න.
එළුඡන්දසය (Elu Chandasa) යනු සිංහල කවි රචනයේ ඡන්දස් හෙවත් වෘත්ත ලක්ෂණ උගන්වන පැරණි ග්‍රන්ථයකි. මාතෘකා පිටුවේ සඳහන් වන පරිදි මෙය කවිවර භද්‍ර නම් තෙරුන්නාන්සේ විසින් විරචිත වූවකි. ඉංග්‍රීසි මාතෘකා පිටුව මෙය “A Treatise for the promotion of Singhalese Poetic composition” ලෙසත්, තරුණ එළු ශිෂ්‍යයන්ට සිදත්සඟරාව තරම් ම වැදගත් ග්‍රන්ථයක් ලෙසත් හඳුන්වයි.
මෙම මුද්‍රණය එච්. ආර්. ඩී. සිල්වා විසින් සන්නයක් හා පැහැදිලි කිරීම් සහිතව සකසා 1874 දී ශාස්ත්‍රාධාර යන්ත්‍රාලයෙහි අච්චු ගස්වා පළ කරන ලද්දකි. ප්‍රකාශකයාගේ “දැන්වීම්පත්‍රය” අනුව, මුල් ග්‍රන්ථයට සන්නයක් නොතිබූ හෙයින් වැලිගම පණ්ඩිත ගුණවර්ධන මහතාගෙන් භාෂා, ව්‍යාකරණ, ඡන්දස් ආදිය පුහුණු කළ ගෝලයෙකු ලවා අලුතින් සන්නයක් සාදවා, ශාස්ත්‍රඥයන් ලවා ශුද්ධ කරවා, පළමු වරට මෙය මුද්‍රණය කරන ලදී. ප්‍රකාශන අයිතිය එච්. ආර්. ඩී. සිල්වා මහතා සතු බව ද එහි සඳහන් වේ.
පොතේ දැක්වෙන්නේ අංක කළ කවි (ගී) සහ එක් එක් කවියට පදානුගත සන්නයයි. ගුරු ලුහු අකුරු, මාත්‍රා, අෂ්ට ගණ (ම, න, භ, ජ, ස, ය, ර, ත ගණ), සංඥා විධානය, සම, විෂම හා අර්ධසම වෘත්ත, සඳ, සිරි, මැදුන්, පිහිටි ආදී ඡන්දස් ඒවායේ වෘත්ත විභාග ද නිදසුන් කවි සමඟ විස්තර කෙරේ. පොතේ අවසානයේ ශුද්ධි පත්‍රයක් ද ඇත.