රසවාහිනී ගාථාසන්නය - මුල්ලේරියාවේ විපුලසාර හිමි 1913.pdf
- කතෘ :
- මුල්ලේරියාවේ විපුලසාර හිමි
- ප්‍රකාශිත වර්ෂය :
- 1913
- මුද්‍රිත වර්ෂය :
- 1913
- පිටු ගණන :
- 227
- බාගත කිරීම් ගණන :
- 1,111
- වෙබ් අඩවියට එක් කළ දිනය :
- 2021-01-06
- ගොනුවේ ප්‍රමාණය :
- 35 MB
පොතේ පිටු කිහිපයක ඡායාරූප පහතින් බලන්න.
රසවාහිනී ගාථාසන්නය යනු පාලි රසවාහිනී ග්‍රන්ථයේ ඇතුළත් ගාථාවන්හි පදගත අර්ථ හා විවරණ සපයමින් සම්පාදිත වටිනා සන්න ග්‍රන්ථයකි. පාලි භාෂාව හදාරන ආධුනික ශිෂ්‍යයන්ට රසවාහිනිය හැදෑරීමේදී මුහුණදීමට සිදුවන දුෂ්කර ගාථාවල අර්ථ පහසුවෙන් වටහාගැනීම සඳහා මෙම කෘතිය සම්පාදනය කර ඇත.
සමාදාන විනිශ්චයකාර එඩ්මන්ඩ් රෙලැන්ඩ් ජයතිලක ගුණරත්න වාසල මුදලිතුමාගේ ආරාධනයෙන්, හික්කඩුවේ ශ්‍රී සුමංගල නාහිමියන්ගේ ශිෂ්‍යවරයන් වූ පංචිකාවත්තේ අභයසිංහාරාම විහාරාධිපති කළුතර බුද්ධරක්ෂිත ශ්‍රී සාරානන්ද හිමි සහ ගල්වාණේ විහාරාධිපති මුල්ලේරියාවේ විපුලසාර හිමි යන දෙනම විසින් මෙය සම්පාදනය කර තිබේ. විද්‍යෝදය පරිවේණාධිපති ත්‍රිපිටක වාගීශ්වරාචාර්ය ශ්‍රී ඥානේශ්වර ප්‍රධාන සංඝනායක මාහිමියන් විසින් මෙහි ශෝධ්‍ය පත්‍ර පරීක්ෂා කර අනුමත කර ඇත.
මෙම කෘතිය ඩී. පී. කුරුප්පු සහ කේ. ඩබ්ලිව්. බස්තියන් යන මහතුන්ගේ මූලිකත්වයෙන් බුද්ධ වර්ෂ 2457 (ක්‍රි.ව. 1913) දී කොළඹ ලංකාභිනව විශ්‍රැත මුද්‍රණාලයේදී මුද්‍රණය කරවා ප්‍රකාශයට පත් කරන ලද්දකි.
සංඥාපනය.
පාලිභාෂාව ඉගෙනගන්නා ශිෂ්‍යයන්ට නාමවරනැඟිලි ආඛ්‍යාතවරනැඟිලි පුහුණුකරවීමෙන් අනතුරුව භාෂාපරිචිතිය පිණිස රසවාහිනිය අභ්‍යාස්වීම ලංකාවෙ කොයි ආචාර්‍ය්‍ය පරම්පරාවලත් මේ දක්වාම කරනු ලැබේ.
පාලි ව්‍යාකරණ පොත්වල බහුලවිධාන වශයෙන් නොදක්වන ලද විශේෂව්‍යාකරණක්‍රමානුගත පදභෙද වාක්‍යයෝජනාදිය හා ලිපිකරප්‍රමාදපාඨද රසවාහිනියේ දක්නාලැබෙන බැවින් එබඳු තන්හි සමහර ආචාර්‍ය්‍යවරු පවා මුළාවෙත්, නවීනවූ ඇතැම් කෙනෙක් තමන්ගේ අවිශෙෂඥතාව කරණකොට ගෙනම නරයේ මුළාවී ග්‍රන්ථරචනාවට පරිභවෙලත්, විශෙෂඥනුවන්ට දුර්‍බොධවූ එබඳු තැන් වැඩිකොටම යෙදී තිබෙන්නේ රසවාහිනියේ පද්‍යරචනා (ගාථා බණන) වලයි, නුමුත් ජිනවචනානුකූලව තනා තිබෙන මාගධ ශබ්දානුශාසනා නයින් එබඳු තැන් දුස්සාධ්‍ය නොවන බැව් විශෙෂඥවූ පණ්ඩිතයෝ දනිත්.
මේ රසවාහිනිය ඇසී අස්වන බාලශිෂ්‍යයන්ට මෙහි ගාථාවිවර්‍ණණාවක් නැතුව තිබීම ඉතා පාඩුවක් බව හැඟී රසවාහිනියේ ගාථාසන්නයක් ලියා ප්‍රසිද්ධකලොත් මැනවැයි යන කල්පනාවෙන් වසන අතර පුරාතනාචාර්‍ය්‍ය කෙනෙකු විසින් ලියනලද ගාථාසන්නයක් තිබෙයි යනු අසන්ට ලැබී එය සොයාගෙන බැලුවෙමු, එය වනාහි වැඩිදුර නුගත් ගුරුවරයෙකුගෙන් ඇසී අස්වා ගත්ත කෙනෙක් විසින් ගුරුවරයා කියන සැටිත් වරද්ද වරද්දා එවෙලාවට ලියාගත් ලියවිල්ලකි, එහිත් ලියවී තිබෙන්නේ රසවාහිනීපාඨා කොට්ඨාසකට පමණි. අනතුරුව ඇතිම දුෂ්කරවූ ගාථාවලට කිසිත් ලියානොමැතියි, එහෙයින් එය රසවාහිනී ගාථාසන්නයක් ලෙස අපි කිසිසේත් නොසැලකුවෙමු. ඒ ගැන පණ්ඩිත ස්ථවිරවරුන් විචාලකල ඒ උතුමන්ගේ අදහසුත් අප අදහස් හා සමවිය, නුමුත් අපගේ උත්සාහය එයින් පසුනොබස්වා එංගලන්තයේ පාලිපොත් සමාගමේ ලංකාවේ ලේකම්තැන්පත් ලංකාවේ රාජකීය ආසියාතික සමාගමේ හා ලංකාණ්ඩුවේ ඉගැන්වීම් පිළිබඳ සභාවේද සාමාජික ධුරලසුලන්තාවූ, සමාදාන විනිශ්චයකාර ධුරන්ධර ඇඩ්මන් රෙලැන්ඩ් ජයතිලක ගුණරත්න වාසල මුදලි මන්ත්‍රීශ්වරයාණන් විසින් මේ සඳහා කරණලද ආරාධනාව පිළිගෙන රසවාහිනීපාඨාසන්නයක් ඇඳීමේ ප්‍රයෝජනාතිශය වැඩිදුරත් සලකා
පරිවෙණාධිපති ත්‍රිපිටක වාගීශ්වරාචාර්‍ය්‍ය ශ්‍රී ඥානේශ්වරාභිධාන ප්‍රධානනායක ස්ථවිරයන්ගෙන් ලබනලද උපකාර ඇතිව පෙලත් වැඩිදුර සකස්කරගනිමින් අප විසින් මේ සන්නය ලියනලදී.
ඒ අපගේ අර්ත්‍ථවර්‍ණනාවෙහි කිසිතැනක පාඨාන්තර අඩොංගු ලිපි වශයෙන් යොදාද කිසිතැනක එසේ නොයොදාද ඒ පාඨාන්තර සම්බන්ධ අර්ත්‍ථව්‍යාඛ්‍යානත් එහිම යොදාලීමු.
මෙසේ මේ සඳහා අප විසින් ගන්නාලද ප්‍රයාසය ලොකාශාසනානුග්‍රහය පිණිසම වේවා.
K. Sri Sarananda, H. P.
M. Wipulasara.